സുശാന്തുമായി വിവാഹം തീരുമാനിച്ചിരുന്നുവെന്ന്​ നടി റിയ; ചോദ്യം ചെയ്യൽ 10 മണിക്കൂർ നീണ്ടു

മുംബൈ: നടന്‍ സുശാന്ത് സിങ് രജ്പുതി​​​െൻറ മരണത്തില്‍ മാ​േനജർ ശ്രുതി മോഡി, പി.ആർ സംഘത്തിലെ രാധിക നിഹലാനി, നടി റിയ ചക്രബര്‍ത്തി എന്നിവ​​​െ​ര മുംബൈ പൊലീസ്​ ചോദ്യം ചെയ്​തു. സുശാന്ത്​ സിങ്​ രജപുതി​​​െൻറ അടുത്ത സുഹൃത്തായിരുന്ന നടി റിയ ചക്രബര്‍ത്തി വ്യഴാഴ്​ച രാവിലെ 11 നാണ്​ പൊലീസ്​ സ്​റ്റേഷനിലെത്തിയത്​. ഇവരുടെ ചോദ്യം ചെയ്യൽ 10 മണിക്കൂറിലധികം നീണ്ടു.  ഇത്​ രണ്ടാം തവണയാണ്​ റിയയെ ഈ കേസിൽ പൊലീസ്​ ചോദ്യം ചെയ്യുന്നത്​്​.

ലോക്​ഡൗൺ കാലത്ത്​ സുശാന്തി​​​െൻറ ഫ്ലാറ്റിലാണു താമസിച്ചിരുന്നതെന്നും പിന്നീട്​  വഴക്കിട്ടതിനെ തുടർന്നാണ്​​ അവിടെ നിന്നും തിരിച്ചുപോന്നതെന്നും റിയ പറഞ്ഞു. എന്നാൽ പരസ്പരം ഫോണിലൂടെ ബന്ധപ്പെട്ടിരുന്നുവെന്നും മെസേജുകൾ അയച്ചിരുന്നുവെന്നും അവർ പറഞ്ഞു. റിയയുടെ ഫോൺ പൊലീസിന്​ കൈമാറിയിട്ടുണ്ട്​. 

ഞായറാഴ്​ചയാണ്​ നടൻ സുശാന്തിനെ മുംബൈ ബാന്ദ്രയിലെ ഫ്ലാറ്റിൽ മരിച്ച നിലയിൽ കണ്ടെത്തിയത്​.   ശനിയാഴ്ച രാത്രി സുശാന്ത് അവസാനമായി വിളിച്ചത്​ റിയയെയാണ്. വരുന്ന നവംബറിൽ വിവാഹം കഴിക്കാനും ​ശേഷം ഒരു വീട്​ വാങ്ങാനും തങ്ങൾ തീരുമാനിച്ചിരുന്നുവെന്നും റിയ പൊലീസിനോട്​ പറഞ്ഞു. 

വിഷാദരോഗത്തിന് സുശാന്ത് ചികിത്സ തേടിയിരുന്ന കാര്യം റിയ പൊലീസിനോടു പറഞ്ഞു. മരുന്നു കഴിക്കാതെ യോഗയും ധ്യാനവുമാണ് സുശാന്ത് തിരഞ്ഞെടുത്തത്. മരുന്നു കഴിപ്പിക്കാന്‍ പരമാവധി ശ്രമിച്ചെങ്കിലും കഴിഞ്ഞില്ലെന്നും റിയ വ്യക്തമാക്കി. 

2019 ഫെബ്രുവരി മുതൽ സുശാന്ത​​​െൻറ മാനേജറായിരുന്ന ശ്രുതി മോഡിയെ ഒരു മണിക്കൂറോളമാണ്​ ഡി.സി.പി ഒാഫീസിൽ ചോദ്യം ​െചയ്​തത്​. വെർച്വൽ റിയാലിറ്റിയുമായി ബന്ധപ്പെട്ട്​ പ്രവർത്തിക്കുന്ന ഒരു കമ്പനി സ്​ഥാപിക്കാനുള്ള പദ്ധതി സുശാന്തിനുണ്ടായിരുന്നെന്ന്​ അവർ പറഞ്ഞു. കോളജ്​ വിദ്യാർഥികളെ അടക്കം സഹകരിപ്പിച്ച്​ പരിസ്​ഥിതിക്കും സമൂഹത്തിനുമായി പ്രവർത്തിക്കുന്ന സാമൂഹ്യപ്രസ്​ഥാനം കെട്ടിപടു​ക്കുവാനും അദ്ദേഹത്തിന്​ പദ്ധതിയുണ്ടായിരുന്നു. സാമ്പത്തികമായി നല്ല അവസ്​ഥയിലുണ്ടായിരുന്ന സുശാന്ത്​ മാസം 10 ലക്ഷത്തോളം രൂപ ചെലവിട്ടിരുന്നുവെന്നും ശ്രുതി മോഡി പറഞ്ഞു. 

സുശാന്തി​​​െൻറ മരണവുമായി ബന്ധപ്പെട്ട് ബന്ധുക്കളും സുഹൃത്തുക്കളും ഉള്‍പ്പെടെ ഇതുവരെ 13 പേരുടെ മൊഴിയാണ് പൊലീസ് രേഖപ്പെടുത്തിയത്. നുശാന്തുമായി സിനിമാ നിർമാണ കമ്പനികൾ ഉണ്ടാക്കിയ കരാറുകളും പൊലീസ്​ പരിശോധിക്കുന്നുണ്ട്​.