മെർസലിന്‍റെ തെലുങ്ക് പതിപ്പ് വരുന്നു; അദിരിന്ദി

വിജയ് ചിത്രം മെർസലിന്‍റെ തെലുങ്ക് പതിപ്പിന്‍റെ ട്രെയിലർ പുറത്തിറങ്ങി. 'അദിരിന്ദി' എന്ന പേരിലാണ് തെലുങ്ക് ചിത്രം പുറത്തിറങ്ങുന്നത്. 
തമിഴ് റിലീസിന് ഒപ്പം തന്നെ തെലുങ്ക്‌ ചിത്രവും റിലീസ് ചെയ്യാൻ തീരുമാനിച്ചിരുന്നെങ്കിലും സെൻസറിങ് പൂർത്തീകരിക്കാത്തതിനാൽ റിലീസ് നീളുകയായിരുന്നു.  ഒക്ടോബർ 27നാണ് ചിത്രം റിലീസ് ചെയ്യുന്നത്. 

തമിഴ് പതിപ്പിന് ലോകമെമ്പാടും വലിയ പിന്തുണയാണ് ലഭിക്കുന്നത്. ജി.എസ്.ടിയയെും ഡിജിറ്റൽ ഇന്ത്യയെയും പരിഹസിക്കുന്ന രംഗങ്ങൾ നീക്കം ചെയ്യണമെന്ന് ആവശ്യപ്പെട്ട് ബി.ജെ.പി രംഗത്തെത്തിയതോടെയാണ്  മെർസൽ വാർത്തകളിൽ ഇടം പിടിച്ചത്. എന്നാൽ തിയേറ്ററുകളിൽ പ്രദർശന വിജയം നേടുന്ന ചിത്രം  രണ്ടാം വാരത്തില്‍ 200 കോടി ക്ലബ്ബിലെത്തുമെന്നാണ് കണക്കുകള്‍ സൂചിപ്പിക്കുന്നത്. അങ്ങനെ സംഭവിച്ചാല്‍ വിജയ് ചിത്രത്തിന് വിജയുടെ റെക്കോർഡ് കളക്ഷൻ നേടുന്ന ചിത്രമാകും മെർസൽ. ദീപാവലിക്ക് റിലീസായ ചിത്രം ഇതു വരെ ലോകമെമ്പാടുമുള്ള തീയറ്ററുകളിൽ നിന്ന് 170 കോടി രൂപ  കളക്ഷന്‍ നേടിയതായാണ് റിപ്പോർട്ടുകൾ. ഇതു വരെ തമിഴ്നാട്ടിൽ നിന്ന് മാത്രം 90 കോടിയോളം രൂപ മെർസൽ നേടിയതായാണ് റിപ്പോർട്ട്.