പലിശക്കാരുടെ ഭീഷണി: തമിഴ്​ സിനിമാ നിർമാതാവ്​ ആത്മഹത്യ ചെയ്തു

ചെന്നൈ: പലിശക്കാരുടെ ഭീഷണിയെ തുടർന്ന്​ ​േകാളിവുഡ്​ സിനിമാ നിർമാതാവ്​ അശോക്​ കുമാർ ആത്മഹത്യ ​ചെയ്​തു. കഴിഞ്ഞ ദിവസം​ ചെന്നൈയിലെ ആൾവർതിരുനഗറിലെ അപ്പാർട്ട്​മ​​െൻറിൽ​ തൂങ്ങിമരിച്ച നിലയിൽ കണ്ടെത്തുകയായിരുന്നു. പൊലീസ്​ കണ്ടെടുത്ത ആത്മഹത്യ കുറിപ്പിൽ സിനിമാ പ്രവർത്തകർക്കിടയിൽ  പണമിടപാടു നടത്തുന്ന അൻമ്പുചെഴിയൻ ആറു മാസത്തോളമായി നിരന്തരം ഭീഷണിപ്പെടുത്തുകയും അപമാനിക്കുകയും ചെയ്​തായി സൂചിപ്പിച്ചിട്ടുണ്ട്​. പൊലീസ്​-രാഷ്​ട്രീയ വൃത്തങ്ങളിൽ സ്വാധീനമുള്ള ഇയാൾ നിർമാണ കമ്പനിക്ക്​ നൽകിയ വായ്​പയുടെ പലിശയായി കൂടുതൽ പണമീടാക്കിയതായും അശോക്​ കത്തിൽ പറയുന്നു. സംഭവത്തിൽ പൊലീസ്​ അൻമ്പുചെഴിയത്തി​​​െൻറ പേരിൽ കേസെടുത്തിട്ടുണ്ട്​. ഇയാൾ ഒളിവിലാണ്​. 

സംവിധായകനും നടനുമായ എം.ശശികുമാറി​​​െൻറ ഇൗശൻ, പോരാളി എന്നീ ചിത്രങ്ങളും റിലീസ്​ ചെയ്യാനിരിക്കുന്ന കൊടി വീരൻ എന്ന ചിത്രത്തി​​േൻറയും സഹനിർമാതാവാണ്​ മധുര സ്വദേശിയായ അശോക്​. 
സാമ്പത്തിക തകർച്ചയെ തുടർന്നുണ്ടായ അശോകി​​​െൻറ ആത്മഹത്യ കൊലപാതകമായി കണക്കാക്കി കുറ്റക്കാർക്കെതിരെ നടപടി വേണമെന്ന്​ തമിഴ്​ നാട്​ പ്രൊഡ്യൂസേഴ്​സ്​ കൗൺസിൽ പ്രസിഡൻറും നടനുമായ വിശാൽ ആവശ്യപ്പെട്ടു.