വഞ്ചന കേസ്​:​ രജനികാന്തി​െൻറ ഭാര്യ വിചാരണ നേരിടണം-സൂ​പ്രീംകോടതി

ചെന്നൈ: തമി​ഴ്​ സൂപ്പർ സ്​റ്റാറും രാഷ്​ട്രീയ നേതാവുമായ രജനികാന്തി​​െൻറ ഭാര്യ ലത രജനികാന്ത്​ വഞ്ചന കേസിൽ വിചാരണ നേരിടണമെന്ന്​ സുപ്രീംകോടതി. ഒരു പരസ്യ കമ്പനിക്ക്​ നൽകാനുള്ള 6.20 കോടി രൂപ നൽകാതെ കബളിപ്പിച്ചുവെന്നാണ്​ കേസ്. ലതക്കെതിരെ അന്വേഷണം നടത്തണമെന്നും കുറ്റപത്രം സമർപ്പിച്ചതിനു ശേഷം വിചാരണ നേരിടണമെന്നും കോടതി നിർദ്ദേശിച്ചു. 

2014ൽ രജനികാന്തും ദീപിക പദുകോണും അഭിനയിച്ച്​ രജനികാന്തി​​െൻറ മകളുടെ സംവിധാനത്തിൽ പുറത്തിറങ്ങിയ ‘കൊച്ചടിയാൻ’ എന്ന ചിത്രത്തെ തുടർന്നാണ്​ തർക്കം തുടങ്ങിയത്​. 125 കോടി രൂപ ബജറ്റിലുള്ള ചിത്രത്തി​​െൻറ പോസ്​റ്റ്​ പ്രൊഡക്ഷൻ ജോലികൾക്കായി പത്ത്​ കോടി രൂപ സ്​ഥാപനത്തിൽ നിന്ന്​ വായ്​പയെടുത്തിരുന്നു. എന്നാൽ തിരിച്ചടവ്​ നിന്നതോടെ പണം നൽകിയ കമ്പനി, ലത ഡയറക്​ടറായിരിക്കുന്ന  മീഡിയ വൺ ഗ്ലോബൽ എൻറർടൈൻമ​െൻറ്​ ലിമിറ്റഡ്​ തിരിച്ചടവ്​ മുടക്കിയെന്നും 6.2കോടി രൂപ ബാക്കിയാണെന്നും കാണിച്ച്​ കോടതിയെ സമീപിക്കുകയായിരുന്നു. 

പത്തു കോടിക്കു പുറമെ 1.2കോടി രൂപ സുനിശ്ചിത ലാഭമായി നൽകാമെന്ന്​ ലത രജനികാന്തി​​െൻറ കമ്പനി പണം നൽകിയ സ്​ഥാപനത്തിന്​ ഉറപ്പു നൽകിയിരുന്നു. എന്നാൽ കേസ്​ വഞ്ചന കുറ്റമല്ലെന്നും കരാർ ലംഘനം മാത്രമാണെന്നും ചൂണ്ടിക്കാട്ടി കർണാടക ഹൈകോടതി ​ലതക്കെതിരായ നിയമനടപടികൾ റദ്ദാക്കി. എന്നാൽ ​ൈഹകോടതിക്ക്​ പരാതി ആരംഭഘട്ടത്തിൽ തന്നെ റദ്ദാക്കാനാവില്ലെന്ന്​ ചൂണ്ടിക്കാട്ടി ഇൗ വിധി സുപ്രീംകോടതി റദ്ദാക്കുകയായിരുന്നു. 

നൽകാനുള്ള പണം ലത രജനികാന്ത്​  മൂന്നു മാസത്തിനകം നൽകണമെന്ന്​  ഫെബ്രുവരിയിൽ കോടതി വിധിച്ചു. തുക ഉടനെ നൽകാമെന്ന്​ ലത കോടതി​ക്ക്​ ഉറപ്പു നൽകുകയും ചെയ്​തു. എന്നാൽ പണം തിരിച്ചടക്കുന്നതിൽ ലത വീഴ്​ച വരുത്തിയതോടെ പണം നൽകിയില്ലെങ്കിൽ വിചാരണ നേരിടാൻ തയ്യാറായിക്കൊള്ളാൻ സുപ്രീം കോടതി ലതക്ക്​ മുന്നറിയിപ്പ്​ നൽകുകയായിരുന്നു.