തമിഴ്​ യുവനടൻ സേതുരാമൻ അന്തരിച്ചു

ചെന്നൈ: തമിഴ്​ യുവനടനും ഡോക്ടറുമായ സേതുരാമൻ (36) അന്തരിച്ചു. ഹൃദയാഘാതത്തെ തുടർന്ന്​ വ്യാഴാഴ്​ച രാത്രിയായിരുന്നു അന്ത്യം. ത്വക് രോഗവിദഗ്ദ്ധന്‍ ആയിരുന്ന സേതുരാമൻ 2013 ൽ പുറത്തിറങ്ങിയ ‘കണ്ണ ലഡ്ഡു തിന്ന ആസയ’ എന്ന സന്താനം ചിത്രത്തിൽ പ്രധാന കഥാപാത്രത്തെ അവതരിപ്പിച്ചിരുന്നു.

വാലിബ രാജ, സക്ക പോഡു രാജ, 50/50 തുടങ്ങി നിരവധി ചിത്രങ്ങളിൽ അഭിനയിച്ചിട്ടുണ്ട്. തമിഴ് താരങ്ങളുമായി സുഹൃദ് ബന്ധം പുലർത്തിയിരുന്ന വ്യക്തിയാണ് സേതുരാമൻ. ഇദ്ദേഹത്തി​​െൻറ മരണത്തിൽ തമിഴ്​താരങ്ങൾ അനുശോചനം രേഖപ്പെടുത്തി.
ഭാര്യ യുമയാൽ. ഒരു വയസുള്ള മകളുണ്ട്​.