അതിജീവനത്തിൻെറ വൈറസ്​ -റിവ്യൂ

ഒരു ചരിത്ര വസ്​തുതയോ അല്ലെങ്കിൽ നടന്ന സംഭവമോ സെല്ലുലോയ്​ഡിലേക്ക്​ പകർത്തു​േമ്പാൾ വെല്ലുവിളികൾ ഏറെയാണ്​ . ആ സംഭവത്തോട്​ പൂർണമായും നീതി പുലർത്തിയാവണം സിനിമയുണ്ടാക്കേണ്ടത്​. വസ്​തുത​കളെ വളച്ചൊടിക്കാനോ സ്വന്തം താ ൽപര്യങ്ങൾക്കായി മാറ്റിയെടുക്കാനോ സാധ്യമല്ല. അങ്ങനെ ചെയ്​താൽ വലിയ വിമർശനങ്ങൾ സംവിധായകനും അണിയറ പ്രവർത്തകർക ്കും നേരിടേണ്ടി വരും. അതിനൊപ്പം ഡോക്യുമ​​​െൻററിയിലേക്ക്​ വീണുപോകാതെ നോക്കുകയും വേണം. ഇക്കാര്യങ്ങളിലെല് ലാം ആഷിക്​ അബു എന്ന സംവിധായകൻ 100 ശതമാനം വിജയിച്ചിട്ടുണ്ട്​. ഡോക്യുമ​​​െൻററിയായി പരിണമിക്കാതെ റിയലസ്​റ്റിക്​ പരിസരത്ത്​ നിന്ന്​ സിനിമാറ്റിക്​ ഘടകങ്ങളെല്ലാം സമർഥമായി വിനിയോഗിച്ചാണ്​ ആഷിക്​ അബു വൈറസ്​ ഒരുക്കിയിരിക്ക ുന്നത്​.

കഴിഞ്ഞ വർഷം കോഴിക്കോടിനെ ഭീതിയിലാക്കിയ നിപ പ്രമേയമാക്കി ആഷിക്​ അബു സിനിമ പ്രഖ്യാപിച്ചപ്പോൾ ത ന്നെ പ്രേഷക പ്രതീക്ഷകൾ വാനോളമായിരുന്നു. ആ പ്രതീക്ഷകളോട്​ പൂർണമായും നീതി പുലർത്താൻ സംവിധായകന്​ സാധിച്ചിട്ട ുണ്ട്​. ​സജീവമായ ഒരു നഗരവും അവിടേക്ക്​ എത്തുന്ന നിപയെന്ന രോഗവും അത് സാധാരണ ജനങ്ങളിലുണ്ടാക്കുന്ന ഭീതിയുമെല്ല ാം തീവ്രതയൊട്ടും ചോരാതെ പ്രേക്ഷകനിലേക്ക്​ സിനിമയെത്തിക്കുന്നുണ്ട്​. നിപ ബാധിച്ച ആളുകളും അവരുടെ കുടുംബാംഗങ്ങളും അനുഭവിക്കുന്ന മാനസിക സംഘർഷങ്ങളും സാമൂഹികമായ തിരസ്​കാരവുമെല്ലാം വൈകാരികമായി സിനിമ പറഞ്ഞു പോകുന്നു. ഒപ്പം അതീജീവനത്തിൻെറയും ഒരുമയുടെയും പാഠങ്ങൾ കൂടി നൽകുന്നുണ്ട്​ വൈറസ്​.

കേരളത്തിലെ ഏറ്റവും തിരക്കേറിയ മെഡിക്കൽ കോളജുകളിലൊന്നായ കോഴിക്കോടിൻെറ കാഴ്​ചയിൽ നിന്നാണ്​ വൈറസ്​ തുടങ്ങുന്നത്​. അവിടെ നിന്നും അസാധാരണമായ രോഗലക്ഷണങ്ങളുമായി ആശുപത്രികളിൽ അഡ്​മിറ്റ്​ ചെയ്യപ്പെടുന്ന രോഗികളിലേക്ക്​​ സഞ്ചരിക്കുന്നു. ഏതൊരു ആശുപത്രിയിലും നടക്കുന്ന ദൈനംദിന കാര്യങ്ങളിൽ നിന്ന്​ പതിയെ തുടങ്ങുന്ന വൈറസ്​ പിന്നീട്​ രോഗികൾക്ക്​ നിപ സ്ഥിരീകരിക്കുന്നതോടെ ചടുലവേഗം കൈവരിക്കുകയാണ്​. നിപയെന്ന കൃത്യമായ ചികിൽസ രീതി പോലും കണ്ടുപിടിക്കാത്ത അസുഖത്തിനെ പ്രതിരോധിക്കാനുള്ള പോരാട്ടമാണ്​ പിന്നീട്​ ചിത്രത്തിൽ. ആദ്യം നിപക്ക്​ മുന്നിൽ പകച്ച്​ പോകുന്ന ജനങ്ങളും ഭരണകൂടവും പിന്നീട്​ അതിനെതിരെ പൊരുതുന്നതാണ്​ ഒന്നാം പകുതിയിൽ. എന്നാൽ, രണ്ടാം പകുതിയിലേക്ക്​ എത്തു​േമ്പാൾ വൈറസ്​ ത്രില്ലർ സ്വഭാവം കൈവരിക്കുന്നുണ്ട്​. നിപയുടെ ഉറവിടം തേടിയാണ്​ യാത്രയാണ്​ പ്രധാനമായും രണ്ടാം പകുതിയിൽ. ഒടുവിൽ നിപയെന്ന വിപത്തിനെ കേരളം അതിജീവിക്കുന്നത്​ കൂടി കാണിച്ചാണ്​ വൈറസ്​ അവസാനിക്കുന്നത്​.

ഒരുപറ്റം സാധാരണ മനുഷ്യരുടെ വൈകാരിക പരിസരങ്ങളിലൂടെ കൂടി സഞ്ചരിക്കുകയാണ്​ വൈറസ് എന്ന ചിത്രം​. ജീവിതത്തിൽ ഇതുവരെ ഉണ്ടാവാത്ത പ്രതിസന്ധിയുണ്ടാകു​േമ്പാൾ നിസ്സഹാരായ ഒരുപറ്റം മനുഷ്യർ അനുഭവിക്കുന്ന മാനസിക സംഘർഷങ്ങൾ ഒട്ടും ചോർന്ന്​ പോകാതെ പ്രേഷകരിലേക്ക്​ എത്തിക്കുന്നതിൽ സംവിധായകൻ വിജയിച്ചിട്ടുണ്ട്​. ഇതിനൊപ്പം രണ്ടാം പകുതിയിൽ ​ത്രില്ലർ സ്വഭാവത്തിലേക്ക്​ ചിത്രത്തിൻെറ ഗിയർ മാറ്റാനും ആഷിക്​ അബുവിന്​ കഴിഞ്ഞിട്ടുണ്ട്​.

കാസ്​റ്റിങ്​ തന്നെയാണ്​ വൈറസി​ൻെറ ഹൈലൈറ്റ്​. ഇന്ന്​ മലയാളത്തിൽ തിളങ്ങി നിൽക്കുന്ന താരങ്ങളെയെല്ലാം വൈറസിനായി ഒന്നിപ്പിക്കാൻ സംവിധായകന്​ കഴിഞ്ഞിട്ടുണ്ട്​. ഒരു നായകനോ നായികയോ വൈറസിനില്ല. സിനിമയി​ലെ എല്ലാ താരങ്ങൾക്കും തുല്യ പ്രാധാന്യമാണ്​ നൽകിയിട്ടുള്ളത്​. എങ്കിലും അഭിനയ മികവ്​ കൊണ്ട്​ ചിലർ പ്രേക്ഷകരെ അമ്പരിപ്പിക്കും. അതിൽ എടുത്ത്​ പറയേണ്ടത്​ സൗബിൻ ഷാഹിറിൻെറ വേഷമാണ്​. കുറച്ച്​ സീനുകളിൽ മാത്രമേ വന്നുപോകുന്നുള്ളുവെങ്കിലും പ്രേക്ഷകൻെറ ഉള്ള​ുലക്കുന്ന അഭിനയമാണ്​ സൗബിൻ കാഴ്​ചവെക്കുന്നത്​. സിസ്​റ്റർ അഖിലായെത്തിയ റിമയും കളക്​ടറുടെ വേഷത്തിലെത്തിയ ടോവിനോയും വൈറോളജി ഇൻസ്​റ്റിട്ട്യൂട്ടിലെ ഡോക്​ടറുടെ വേഷത്തിലെത്തിയ കുഞ്ചാക്കോ ബോബനും ശൈലജ ടീച്ചറായ രേവതിയും തുടങ്ങി ആശുപത്രിയിലെ അറ്റൻഡറായ ജോജുവരെയുള്ളവർക്ക്​ കൃത്യമായ ഇടം നൽകാൻ സംവിധായകന്​ കഴിഞ്ഞിട്ടുണ്ട്​. സംവിധാകൻെറ പ്രതീക്ഷക്കൊത്ത്​ താരങ്ങളും ഉയർന്നതോടെ വൈറസ്​ മികച്ചൊരു ദൃശ്യാനുഭവമാവുകയായിരുന്നു.

സിനിമയിൽ ആഷിക്​ അബുവിനൊപ്പം തന്നെ പറയേണ്ട പേരുകളാണ്​​ മുഹ്​സിൻ ​പെരാരി, ഷറഫു, സുഹാസ്​ എന്നിവരുടേത്​​. മൂവരും ചേർന്നൊരുക്കിയ ശക്​തമായ തിരക്കഥ തന്നെയാണ്​ വൈറസിൻെറ കരുത്ത്​. അതില്ലായിരുന്നുവെങ്കിൽ വൈറസ്​ ചിലപ്പോൾ ആസ്വാദനത്തിൽ പാതിയിൽ മുറഞ്ഞു പോലൊരു അനുഭവമായേനെ. മുൻ ചിത്രങ്ങളിലെന്ന പോലെ കാമറ കൊണ്ട്​ ഇക്കുറിയും രാജീവ്​ രവി അമ്പരിപ്പിക്കുന്നുണ്ട്​.സുഷിൻ ശ്യാമിൻെറ സംഗീതവും സിനിമയോട്​ ചേർന്ന്​ നിൽക്കുന്നതാണ്​.

കേരളത്തിൽ വീണ്ടും നിപ റിപ്പോർട്ട്​ ചെയ്യപ്പെട്ട സമയത്താണ്​ വൈറസ്​ തിയേറ്ററുകളിലേക്ക്​ എത്തുന്നത്​. സിനിമ ഭീതി വിതക്കുമെന്നും ഇപ്പോൾ റിലീസ്​ ചെയ്യേണ്ടെന്നും ചിലരെങ്കിലും അണിയറ പ്രവർത്തകരോട്​ ആവശ്യപ്പെട്ടിരുന്നു. എന്നാൽ രണ്ടര മണിക്കൂർ കഴിഞ്ഞ്​ തിയേറ്ററിൽ നിന്നും ഇറങ്ങു​േമ്പാൾ ഭീതിക്ക്​ പകരം നമുക്ക്​ അതിജീവിക്കാൻ കഴിയുമെന്ന ആത്​മവിശ്വാസമാണ്​ വൈറസ്​ പകർന്നു നൽകുന്നത്​. ഒപ്പം എത്​ പ്രതിസന്ധിക്കൊപ്പവും നിൽക്കാൻ ഒരു ഭരണസംവിധാനം നമുക്കുണ്ടെന്ന തോന്നലും വൈറസ്​ നൽകുന്നു.