ഒ​രേ ഞെ​ട്ടി​ൽ വി​ട​ർ​ന്ന പൂ​ക്ക​ൾ

പ്രേം​ന​സീ​ർ ആ​ദ്യ​മാ​യി ഇ​ര​ട്ട വേ​ഷ​ത്തി​ൽ അ​ഭി​ന​യി​ച്ച ചി​ത്ര​മാ​ണ് ‘തി​രി​ച്ച​ടി’. എ​ക്സെ​ൽ പ്രൊ​ഡ​ക്ഷ​ൻ​സി​ന്റെ ബാ​ന​റി​ൽ കു​ഞ്ചാ​ക്കോ​യാ​ണ് നി​ർ​മാ​ണ​വും സം​വി​ധാ​ന​വും നി​ർ​വ​ഹി​ച്ച​ത്. ഒ​രേ ഫ്രെ​യി​മി​ൽ ര​ണ്ടു വേ​ഷ​ങ്ങ​ളി​ൽ പ്രേം​ന​സീ​ർ പ്ര​ത്യ​ക്ഷ​പ്പെ​ടു​മ്പോ​ൾ അ​തി​ലൊ​രാ​ൾ സ​ഹോ​ദ​ര​ൻ പ്രേം​ന​വാ​സ് ആ​യി​രു​ന്നു എ​ന്ന സ​ത്യം അ​ധി​ക​മാ​ർ​ക്കു​മ​റി​യി​ല്ല.

വേ​റെ​യും പ്ര​ത്യേ​ക​ത​ക​ൾ ഉ​ണ്ടാ​യി​രു​ന്നു തി​രി​ച്ച​ടി​ക്ക്. തി​രി​ച്ച​ടി എ​ന്ന വാ​ക്കി​ലെ തി, ​രി, ടി ​എ​ന്നി​വ​യി​ലെ വ​ള്ളി​ക​ൾ ഇ​ട​തു​ഭാ​ഗ​ത്ത് തി​രി​ച്ചെ​ഴു​തി​യാ​ണ് പ​ര​സ്യം ത​യാ​റാ​ക്കി​യ​ത്. സി​നി​മ​യു​ടെ വി​ജ​യ​ത്തി​ന് സ​ഹാ​യ​ക​ര​മാ​യി ഈ ​പ​ര​സ്യ ത​ന്ത്രം. 1968ലാ​ണ് ‘തി​രി​ച്ച​ടി’ പ്ര​ദ​ർ​ശ​ന​ത്തി​നെ​ത്തു​ന്ന​ത്. വ​യ​ലാ​ർ രാ​മ​വ​ർ​മ എ​ഴു​തി​യ വ​രി​ക​ൾ​ക്ക് ഈ​ണം ന​ൽ​കി​യ​ത്, ത​മി​ഴി​ൽ ഒ​ട്ട​ന​വ​ധി സി​നി​മ​ക​ൾ​ക്ക് സം​ഗീ​തം ന​ൽ​കി​യ ആ​ർ. സു​ദ​ർ​ശ​നം എ​ന്ന രാ​മ​കൃ​ഷ്ണ സു​ദ​ർ​ശ​നം. അ​ദ്ദേ​ഹം മ​ല​യാ​ള​ത്തി​ൽ മൂ​ന്നു സി​നി​മ​ക​ൾ​ക്കേ സം​ഗീതം ന​ൽ​കി​യി​ട്ടു​ള്ളൂ. ‘കു​ടും​ബം’, ‘തി​രി​ച്ച​ടി’, ‘ഹൃ​ദ​യ​ത്തി​ന്റെ നി​റ​ങ്ങ​ൾ’.

‘ചി​ത്രാ​പൗ​ർ​ണ​മി രാ​ത്രി​യി​ലി​ന്ന​ലെ

ല​ജ്ജാ​വ​തി​യാ​യ് വ​ന്ന​വ​ളേ

കാ​ല​ത്തു​റ​ങ്ങി ഉ​ണ​ർ​ന്ന​പ്പോ​ൾ -​നി​ന്റെ

നാ​ണ​മെ​ല്ലാം എ​വി​ടെ​പ്പോ​യ്...’

‘ബാ​ല്യ​കാ​ല​സ​ഖീ

നീ​യെ​ന്നി​നി​യെ​ന്‍ പ്രേ​മ​ക​ഥ​യി​ലേ

നാ​യി​ക​യാ​യ്ത്തീ​രും...’

‘കു​ടും​ബ’​ത്തി​ൽ വ​യ​ലാ​ർ എ​ഴു​തി​യ പാ​ട്ടു​ക​ൾ. ര​ണ്ടും പാ​ടി​യ​ത് യേ​ശു​ദാ​സ്, എ​സ്. ജാ​ന​കി. ഈ ​ഹി​റ്റ് ഗാ​ന​ങ്ങ​ൾ​ക്ക് സം​ഗീ​തം ന​ൽ​കി​യ​ത് ആ​ർ. സു​ദ​ർ​ശ​നം ആ​ണ്.

‘തി​രി​ച്ച​ടി’​യി​ൽ ‘വെ​ള്ള​ത്താ​മ​ര മൊ​ട്ടുപോ​ലെ...’, ‘ഇ​ന്ദു​ലേ​ഖേ ഇ​ന്ദു​ലേ​ഖേ...’ , ‘ക​ൽപക പൂ​ഞ്ചോ​ല ക​ര​യി​ൽ വാ​ഴും...’ (മൂ​ന്നു പാ​ട്ടും പാ​ടി​യ​ത് യേ​ശു​ദാ​സ്, പി.​ സു​ശീ​ല), ‘പൂ ​പോ​ലെ പൂ ​പോ​ലെ ചി​രി​ക്കും...’, ‘പാ​തി വി​ട​ർ​ന്നാ​ൽ കൊ​ഴി​യു​ന്ന പൂ​വി​ന്...’, (ര​ണ്ടും പി. ​സു​ശീ​ല പാ​ടി​യ​ത്), ‘ക​ടു​കോ​ളം തീ​യു​ണ്ടെ​ങ്കി​ൽ’ (യേ​ശു​ദാ​സ്, പ​ട്ടം സ​ദ​ൻ), ‘ഇ​ന്ദു​ലേ​ഖേ ഇ​ന്ദു​ലേ​ഖേ...’ (പി. ​സു​ശീ​ല, യേ​ശു​ദാ​സ്) എ​ന്നി​ങ്ങ​നെ ഏ​ഴു പാ​ട്ടു​ക​ളു​ണ്ട്. ‘ഇ​ന്ദു​ലേ​ഖേ’ എ​ന്ന ഗാ​നം ര​ണ്ടു ത​ര​ത്തി​ലു​ണ്ട്. ഒ​ന്നി​ൽ യേ​ശു​ദാ​സ് പാ​ടു​മ്പോ​ൾ പി. ​സു​ശീ​ല ഹ​മ്മി​ങ് മാ​ത്രം പാ​ടു​ന്നു. ര​ണ്ടാ​മ​ത്തേ​തി​ൽ തി​രി​ച്ചും. മ​ല​യാ​ള​ത്തി​ൽ വേ​റെ ഒ​രു ഗാ​ന​ത്തി​നും ഇ​ങ്ങ​നെ​യൊ​രു പ്ര​ത്യേ​ക​ത​യു​ള്ള​താ​യി അ​റി​വി​ല്ല. ഇ​തി​ൽ ‘വെ​ള്ള​ത്താ​മ​ര മൊ​ട്ടുപോ​ലെ’ എ​ന്ന ഗാ​നം ക​മ​ൽ സം​വി​ധാ​നം ചെ​യ്ത, 1989ൽ ​പു​റ​ത്തി​റ​ങ്ങി​യ ‘പ്രാ​ദേ​ശി​ക വാ​ർ​ത്ത​ക​ൾ’ എ​ന്ന സി​നി​മ​യി​ൽ ഉ​ൾ​പ്പെ​ടു​ത്തു​ക​യു​ണ്ടാ​യി.

‘തി​രി​ച്ച​ടി’​യി​ൽ ര​ച​നകൊ​ണ്ടും ഈ​ണം കൊ​ണ്ടും ആ​ലാ​പ​നംകൊ​ണ്ടും മി​ക​ച്ചു​നി​ൽ​ക്കു​ന്ന ഗാ​ന​മാ​ണ്–

‘പാ​തി വി​ട​ർ​ന്നാ​ൽ കൊ​ഴി​യു​ന്ന പൂ​വി​നു

പ്രേ​മ​മെ​ന്നെ​ന്തി​നു പേ​രി​ട്ടു?

ക​ണ്ണീ​രി​ല​ലി​യും വാ​ർ​മ​ഴ​വി​ല്ലി​നു

പെ​ണ്ണെ​ന്നെ​ന്തി​നു പേ​രി​ട്ടു?’

‘ദാ​ഹി​ച്ചു ന​ട​ക്കു​ന്ന വേ​ഴാ​മ്പ​ൽ​പ്പ​ക്ഷി​ക്ക്‌

മോ​ഹ​മെ​ന്നെ​ന്തി​നു പേ​രി​ട്ടു?

അ​ക്ക​ര​പ്പ​ച്ച​യി​ലെ ആ​കാ​ശ​ത്തു​മ്പി​ക്ക്‌

സ്വ​പ്ന​മെ​ന്നെ​ന്തി​നു പേ​രി​ട്ടു?

സ്വ​പ്ന​മെ​ന്നെ​ന്തി​നു പേ​രി​ട്ടു?

മ​ണ്ണി​ൽ വീ​ണു​ട​യു​ന്ന പ​ളു​ങ്കു​പാ​ത്ര​ത്തി​നു

മ​ന​സ്സെ​ന്നെ​ന്തി​നു പേ​രി​ട്ടു?

വി​ളി​ക്കാ​തെ വ​രു​ന്നൊ​രു വി​രു​ന്നു​കാ​ര​നു

വി​ധി​യെ​ന്നെ​ന്തി​നു പേ​രി​ട്ടു?

ന​മു​ക്കീ ഗാ​ന​ത്തി​ന്റെ വ​രി​ക​ളി​ലൂ​ടെ ഒ​ന്നു സ​ഞ്ച​രി​ക്കാം.

‘പാ​തി​വി​ട​ർ​ന്നാ​ൽ കൊ​ഴി​യു​ന്ന പൂ​വാ​ണ് പ്രേ​മം. ക​ണ്ണീ​രി​ല​ലി​യു​ന്ന വാ​ർ​മ​ഴ​വി​ല്ലാ​ണ് സ്ത്രീ. ​ദാ​ഹി​ച്ചു ന​ട​ക്കു​ന്ന വേ​ഴാ​മ്പ​ൽ പ​ക്ഷി​യാ​ണ് മോ​ഹം. അ​ക്ക​ര​പ്പ​ച്ച​യി​ലെ ആ​കാ​ശ​ത്തു​മ്പി​യാ​ണ് സ്വ​പ്നം. മ​ന​സ്സി​നെ മ​ണ്ണി​ൽ വീ​ണു​ട​യു​ന്ന പ​ളു​ങ്കു​പാ​ത്ര​മാ​യും വി​ധി​യെ വി​ളി​ക്കാ​തെ വ​രു​ന്ന വി​രു​ന്നു​കാ​ര​നാ​യും വ​യ​ലാ​ർ രാ​മ​വ​ർ​മ ഉ​പ​മി​ച്ചി​രി​ക്കു​ന്നു. ഈ ​വ​രി​ക​ളെ​ല്ലാം ഒ​രു​പാ​ട് ചി​ന്ത​ക​ൾ ന​ൽ​കു​ന്നു​ണ്ട്.

‘പാ​തി​വി​ട​ർ​ന്നാ​ൽ...’ എ​ന്നു തു​ട​ങ്ങു​ന്ന സ്വ​ന്തം ഗാ​നം വ​യ​ലാ​ർ രാ​മ​വ​ർ​മ​ക്കു മ​റ്റൊ​രു ഗാ​ന​ത്തി​ന് പ്ര​ചോ​ദ​ന​മാ​യി.

1971ൽ ​പു​റ​ത്തി​റ​ങ്ങി​യ ‘അ​വ​ള​ൽ​പ്പം വൈ​കി​പ്പോ​യി’ എ​ന്ന സി​നി​മ​യി​ലെ ‘വ​ർ​ഷ​മേ​ഘ​മേ തു​ലാ​വ​ർ​ഷ​മേ​ഘ​മേ’ എ​ന്നു തു​ട​ങ്ങു​ന്ന ഗാ​ന​മാ​ണ​ത്. സം​ഗീ​തം ജി. ​ദേ​വ​രാ​ജ​ൻ. പാ​ടി​യ​ത് പി.​ സു​ശീ​ല.

‘തി​രി​ച്ച​ടി​യി’​ലെ പ്രേ​മം എ​ന്ന പാ​തി വി​ട​ർ​ന്നാ​ൽ കൊ​ഴി​യു​ന്ന പൂ​വ്, ‘അ​വ​ള​ൽ​പം വൈ​കി​പ്പോ​യി’ സി​നി​മ​യി​ൽ പീ​ലി​ക​ൾ നീ​ർ​ത്തു​ന്ന വാ​ർ​മ​ഴ​വി​ല്ലാ​യി.

വ​രി​ക​ൾ ഇ​ങ്ങ​നെ:

‘പീ​ലി​ക​ള്‍ നീ​ർ​ത്തു​ന്ന വാ​ർ​മ​ഴ​വി​ല്ലി​നെ

പ്രേ​മ​മെ​ന്നു വി​ളി​ക്കും ഞാ​ൻ –എ​ന്റെ

പ്രേ​മ​മെ​ന്നു വി​ളി​ക്കും ഞാ​ന്‍’.

ദാ​ഹി​ച്ചു ന​ട​ക്കു​ന്ന വേ​ഴാ​മ്പ​ൽ പ​ക്ഷി​യാ​ണ് മോ​ഹം എ​ന്നാ​ണ് ‘തി​രി​ച്ച​ടി’​യി​ലെ ഗാ​ന​ത്തി​ലു​ള്ള​ത്. ഈ ​മോ​ഹ​ത്തെ ചെ​റി​യൊ​രു മാ​റ്റം വ​രു​ത്തി ‘അ​വ​ള​ൽ​പ്പം വൈ​കി​പ്പോ​യി’​യി​ൽ ദാ​ഹി​ച്ചു​പ​റ​ക്കു​ന്ന വേ​ഴാ​മ്പ​ൽ​പ്പ​ക്ഷി​യാ​ക്കി എ​ന്നുമാ​ത്രം.

വ​രി​ക​ൾ:

‘ദാ​ഹി​ച്ചു​പ​റ​ക്കു​ന്ന വേ​ഴാ​മ്പ​ൽ​പ്പ​ക്ഷി​യെ

മോ​ഹ​മെ​ന്നു വി​ളി​ക്കും ഞാ​ൻ–

എ​ന്റെ

മോ​ഹ​മെ​ന്നു വി​ളി​ക്കും ഞാ​ൻ...’

1998ൽ ​പു​റ​ത്തി​റ​ങ്ങി​യ ചി​ത്ര​മാ​ണ്, ജ​യ​രാ​ജ് സം​വി​ധാ​നം ചെ​യ്ത ‘സ്നേ​ഹം’. 1977ൽ ​ഇ​തേ പേ​രി​ൽ ഒ​രു സി​നി​മ പു​റ​ത്തി​റ​ങ്ങി​യി​ട്ടു​ണ്ട് –സം​വി​ധാ​നം: എ. ​ഭീം​സി​ങ്. 1998ലെ ‘​സ്നേ​ഹ’​ത്തി​ൽ യൂ​സ​ഫ​ലി കേ​ച്ച​രി എ​ഴു​തി​യ ഹി​റ്റ് ഗാ​നം ശ്ര​ദ്ധി​ക്കു​ക.

‘പേ​ര​റി​യാ​ത്തൊ​രു നൊ​മ്പ​ര​ത്തെ

പ്രേ​മ​മെ​ന്നാ​രോ വി​ളി​ച്ചു...

മ​ണ്ണി​ല്‍ വീ​ണു​ട​യു​ന്ന തേ​ന്‍‌​കു​ട​ത്തെ

ക​ണ്ണു​നീ​രെ​ന്നും വി​ളി​ച്ചു.’

(സം​ഗീ​തം: പെ​രു​മ്പാ​വൂ​ർ ജി. ​ര​വീ​ന്ദ്ര​നാ​ഥ്)

ഇ​വി​ടെ പ്രേ​മം പേ​ര​റി​യാ​ത്ത നൊ​മ്പ​ര​മാ​യി.

മ​ണ്ണി​ൽ വീ​ണു​ട​യു​ന്ന പ​ളു​ങ്കു​പാ​ത്ര​ത്തെ മ​ന​സ്സ് എ​ന്നാ​ണ് വ​യ​ലാ​ർ വി​ശേ​ഷി​പ്പി​ച്ച​ത്. മ​ണ്ണി​ല്‍ വീ​ണു​ട​യു​ന്ന തേ​ന്‍‌​കു​ടം യൂ​സ​ഫ​ലി കേ​ച്ചേ​രി​ക്ക് ക​ണ്ണു​നീ​രാ​ണ്.

മ​റ​ക്കാ​നാ​വാ​ത്ത മൗ​ന​സം​ഗീ​ത​മാ​ണ് യൂ​സ​ഫ​ലി കേ​ച്ചേ​രി​ക്ക് മ​ന​സ്സ്.

വ​രി​ക​ൾ–

‘മ​റ​ക്കു​വാ​നാ​വാ​ത്ത മൗ​ന​സം​ഗീ​ത​ത്തെ

മാ​ന​സ​മെ​ന്നും വി​ളി​ച്ചു...’

മൂ​ന്നു ഗാ​ന​ങ്ങ​ളി​ലെ​യും സ​മീ​പ​ന രീ​തി​യി​ലെ​യും പ്ര​യോ​ഗ​ങ്ങ​ളി​ലെ​യും സാ​മ്യം യാ​ദൃ​ച്ഛി​കം എ​ന്നുപ​റ​ഞ്ഞ് ത​ള്ളി​ക്ക​ള​യാ​നാ​വി​ല്ല.

‘പാ​തി വി​ട​ർ​ന്നാ​ൽ’ എ​ന്ന ഗാ​ന​ത്തി​ൽ ‘എ​ന്തി​നു പേ​രി​ട്ടു?’ എ​ന്ന ചോ​ദ്യ​മാ​ണു​ള്ള​ത്. വ​യ​ലാ​റി​ന്റെ ത​ന്നെ ‘വ​ർ​ഷ​മേ​ഘ​മേ’ എ​ന്ന ഗാ​ന​ത്തി​ൽ ‘എ​ന്നു വി​ളി​ക്കും’ എ​ന്നും യൂ​സ​ഫ​ലി കേ​ച്ചേ​രി​യു​ടെ ‘പേ​ര​റി​യാ​ത്തൊ​രു നൊ​മ്പ​ര​ത്തെ’ എ​ന്ന ഗാ​ന​ത്തി​ൽ ‘ആ​രോ വി​ളി​ച്ചു’ എ​ന്നു​മാ​ണു​ള്ള​ത്.

അ​വ​സാ​നം പ​റ​ഞ്ഞ ര​ണ്ടു ഗാ​ന​ങ്ങ​ളും ആ​ദ്യം സൂ​ചി​പ്പി​ച്ച ‘പാ​തി വി​ട​ർ​ന്നാ​ൽ’ എ​ന്ന ഗാ​ന​ത്തി​ൽ​നി​ന്ന് പ്ര​ചോ​ദ​നം ഉ​ൾ​ക്കൊ​ണ്ട് എ​ഴു​തി​യ​താ​ണെ​ങ്കി​ലും മ​ല​യാ​ള​ത്തി​ലെ ശ്ര​ദ്ധേ​യ​മാ​യ ഗാ​ന​ങ്ങ​ളാ​യി മാ​റി എ​ന്ന കാ​ര്യം വി​സ്മ​രി​ക്കാ​നാ​വി​ല്ല.

=======

പി​ൻ​കു​റി​പ്പ്:

‘തി​രി​ച്ച​ടി​’യി​ലെ ‘പൂ ​പോ​ലെ പൂ​ പോ​ലെ ചി​രി​ക്കും’ എ​ന്ന ഗാ​നംപോ​ലെ ‘പൂ​പോ​ലെ പൂ​പോ​ലെ ജ​നി​ക്കും പാ​ൽ​പോ​ലെ പാ​ൽ​പോ​ലെ ചി​രി​ക്കും’ എ​ന്നൊ​രു ഗാ​ന​ത്തി​നും ആ​ർ. സു​ദ​ർ​ശ​നം ഈ​ണം ന​ൽ​കി​യി​ട്ടു​ണ്ട്. ചി​ത്രം: ‘ഹൃ​ദ​യ​ത്തി​ന്റെ നി​റ​ങ്ങ​ൾ’. ര​ച​ന: ശ്രീ​കു​മാ​ര​ൻ ത​മ്പി. പാ​ടി​യ​ത്: ജ​യ​ച​ന്ദ്ര​ൻ, പി ​മാ​ധു​രി. വ​ർ​ഷം 1979.