മാട്ടുവണ്ടി പോകാത്തിടത്തും എത്തിയിരുന്ന പാട്ടുവണ്ടി -Video

‘തേയിലത്തോട്ടങ്ങള്‍ക്കിടയിലൂടെ ഞങ്ങള്‍ ജീപ്പിൽ സഞ്ചരിക്കും. തൊഴിലാളികളുടെ കൂട്ടം കാണുന്നിടത്തെല്ലാം നിര്‍ത്തി അണ്ണന്‍ പാടും. ഒരു പാട്ട് കഴിഞ്ഞാലുടൻ അടുത്തതിനായി അവർ ആര്‍ത്തുവിളിക്കും’ -1950കളുടെ അവസാന കാലത്തെ ജീവിതം ഒരിക്കൽ ഓർത്തെടുക്കുകയായിരുന്നു ഇളയരാജ.

 

മൂത്ത ​സഹോദരൻ പാവലര്‍ വരദരാജന്‍ കമ്പം-തേനി പരിസരങ്ങളിൽ അറിയപ്പെടുന്ന ഗായകൻ ആയിരുന്നു. ചെറിയ ഉത്സവങ്ങളിലും നാട്ടുകൂട്ടങ്ങളിലുമാണ് വരദരാജന്‍ ആദ്യകാലത്ത് പാടിയിരുന്നത്. പിന്നീട്​ കമ്മ്യൂണിസ്​റ്റ്​ ആശയങ്ങളിൽ ആകൃഷ്​ടനായ വരദരാജൻ തമിഴ്‌നാട്ടിലെ വിപ്ലവകവിയും വിപ്ലവഗായകനുമായി. കമ്യൂണിസ്​റ്റ്​ വേദികളെ വരദരാജ​​െൻറ പാട്ടും ​പ്രസംഗവും ആവേശത്തിലാഴ്​ത്തിയിരുന്നു അക്കാലത്ത്​.

 

വരദരാജനും സഹോദരങ്ങളായ ഭാസ്​കർ, രാസയ്യ (ഇളയരാജ), അമർസിങ്​ (ഗംഗൈ അമരൻ) എന്നിവരും പാർട്ടിക്കുവേണ്ടി തോട്ടം​ തൊഴിലാളികൾക്കിടയിലേക്ക്​ പാട്ടുംപാടി പ്രചാരണത്തിനിറങ്ങി. അതോടെ 1958ലെ ഉപതെരഞ്ഞെടുപ്പിൽ ദേവികുളം മണ്ഡലത്തിൽ നിന്ന്​ സി.പി.ഐ സ്​ഥാനാർഥി റോസമ്മ പുന്നൂസ്​ ‘പാട്ടുംപാടി ജയിച്ചു’. 

വിജയാഘോഷ യോഗത്തിൽ അന്നത്തെ കേരള മുഖ്യമന്ത്രി വരദരാജനെയും സഹോദരങ്ങളെയും സ്​റ്റേജിലേക്ക്​ കൈപിടിച്ചു കയറ്റിയത്​ വലിയ വാർത്തയായിരുന്നു. അതോടെ, തേനിയുടെ പരിസരം വിട്ട്​ തമിഴകം മുഴവൻ പാവലർ സഹോദരങ്ങളുടെ ശബ്​ദം മുഴങ്ങി. ‘മാട്ടുവണ്ടി പോകാത്തിടത്തും എത്തിയിരുന്നു ഞങ്ങളുടെ പാട്ടുവണ്ടി’ എന്നാണ്​ ഇതേക്കുറിച്ച്​ ഇളയരാജ ഒരിക്കൽ പറഞ്ഞത്​. 

‘അണ്ണനില്ലെങ്കിൽ ഞാനില്ല’

വരദരാജ​​െൻറ പാട്ടുസദസ്സുകളിൽ പെൺശബ്​ദത്തിൽ പാടിയാണ്​ കൗമാരകാലത്ത്​ രാസയ്യ സംഗീതവഴിയിലൂടെ നടന്നുതുടങ്ങിയത്​. എങ്കിലും ത​​െൻറ ഹർമോണിയത്തിൽ തൊടാൻ പോലും അനുജനെ വരദരാജൻ സമ്മതിരിച്ചിരുന്നില്ല. അണ്ണൻ കാണാതെ ഹർമോണിയത്തിലൂടെ വെറുതേ വിരലോടിച്ച്​ നോക്കിയതിന്​ അനുജ​​െൻറ പുറം അടിച്ചു പൊളിക്കുക വരെ ചെയ്​തിട്ടുണ്ട്​ വരദരാജൻ.

 

എന്നിട്ടും അണ്ണന്‍ വായിക്കു​േമ്പാൾ ആ ഹാര്‍മോണിയത്തിലെ ഓരോ കട്ടയും കണ്ടുപഠിച്ചു (കട്ടു പഠിച്ചു എന്ന്​ ഇളയരാജ) രാസയ്യ. ഹർമോണിയത്തിലുള്ള അനുജ​​െൻറ പ്രാഗത്​ഭ്യം മനസ്സിലാക്കിയ വരദരാജൻ കച്ചേരിക്ക്​ അവനെയും ഒപ്പംകൂട്ടി. പതിവ് ഹര്‍മോണിയക്കാരനുമായി പിണങ്ങിയതും അതിന്​ കാരണമായി. 

കമ്പം മെയിന്‍ റോഡ് ജങ്ഷനില്‍ നടന്ന കച്ചേരിയിൽ ഹര്‍മോണിയം വായിച്ച പയ്യനെ നിലക്കാത്ത കൈയടികളാണ്​ വരവേറ്റത്​. ആ ഹര്‍മോണിയത്തിലാണ് ഇളയരാജ ഇന്നും ഏത് പാട്ടിനും ആദ്യത്തെ ഈണമിടുന്നത്​. അതുകൊണ്ടുതന്നെ ഇളയരാജ എന്നും പറയും -‘അണ്ണനില്ലെങ്കിൽ ഞാനില്ല’.

 

ഒരിക്കല്‍ തിരുച്ചിക്കടുത്ത് തിരുവെരുമ്പൂരില്‍ കര്‍ഷക തൊഴിലാളി സമ്മേളനം നടക്കു​േമ്പാൾ പനി മൂലം ക്ഷീണിതനായ വരദരാജന്​ പകരം പാടിയത്​ രാസയ്യയാണ്​. പാടിക്കഴിഞ്ഞപ്പോൾ സദസ്സിൽനിന്ന്​ കിട്ടിയ കൈയടികളാണ്​ ഇളയരാജയിലേക്കുള്ള രാസയ്യയുടെ തുടക്കം. ദക്ഷിണേന്ത്യ മുഴുവൻ പരിപാടി അവതരിപ്പിക്കാൻ പാവലർ സഹോദരങ്ങൾക്ക്​ അവസരം ലഭിച്ചിരുന്നു.

വര്‍ഷത്തില്‍ 265 ദിവസവും കച്ചേരികള്‍ അവതരിപ്പിച്ചിരുന്നു അവർ. 1961നും 1968 നുമിടയില്‍ ഇരുപതിനായിരത്തിലേറെ വേദികൾ ഈ നാൽവർ സംഘം കീഴടക്കി. 1968ലാണ്​ രാസയ്യയും പിന്നീട്​ ഗംഗൈ അമരനായി മാറിയ അമർസിങും ഭാഗ്യം തേടി മദ്രാസിലെത്തുന്നത്​. സലില്‍ ചൗധരിയുടെയും ധൻരാജ്​ മാസ്​റ്ററുടെയും സഹായിയായ ശേഷമാണ്​ 1976ല്‍ ഇളയരാജ ‘അന്നക്കിളി’യിൽ ഈണം നൽകിയത്​.

 

പ്രശസ്​തിയിലേക്ക്​ കുതിക്കു​േമ്പാളായിരുന്നു വരദരാജ​​െൻറ മരണം. ‘കരയാനുള്ളതെല്ലാം ഞാന്‍ അന്ന് കരഞ്ഞു തീര്‍ത്തു. പിന്നീടൊരിക്കലും അത്ര വേദനയോടെ ഞാന്‍ കരഞ്ഞിട്ടില്ല. ഇനിയൊരിക്കലും അത്ര വേദനയോടെ ഞാന്‍ കരയുകയുമില്ല’- ഇളയരാജ പിന്നീട്​ പറഞ്ഞു.

അണ്ണ​​െൻറ സ്​മരണക്കായി ഇളയരാജ ഏര്‍പ്പെടുത്തിയ ‘പാവലര്‍ വരദരാജന്‍ സാഹിത്യ പുരസ്‌കാരം’ തമിഴകത്ത് സാംസ്‌കാരിക മേഖലയിലെ ഏറ്റവും പ്രധാനപ്പെട്ട അവാര്‍ഡുകളിലൊന്നാണിന്ന്​.  

 

നിർമാണച്ചെലവ്​ 25 ലക്ഷം, രാജയുടെ പ്രതിഫലം 10ലക്ഷം
 
1980കളിൽ 25 ലക്ഷം രൂപക്ക്​ ഒരു മലയാള സിനിമ തീർന്നിരുന്ന കാലത്ത്​ ഇളയരാജയുടെ പ്രതിഫലം 10 ലക്ഷമായിരുന്നു! അക്കാലത്ത്​ സിനിമ പോസ്​റ്ററുകളിൽ ചലച്ചിത്ര താരങ്ങളേക്കാൾ പ്രാധാന്യത്തിൽ വരെ ഇളയരാജയുടെ ചിത്രം അച്ചടിച്ചുവന്നിരുന്നു. ഇളയരാജയില്ലെങ്കില്‍ ചിത്രം വിതരണത്തിനെടുക്കാന്‍ ആളില്ലാത്ത അവസ്ഥ വരെയുണ്ടായി.

 

ആ സമയത്താണ്​ 1989ൽ ‘അഥർവം’ എന്ന സിനിമക്ക്​ സംഗീതം നൽകാൻ ഇളയരാജയെ വിളിക്കാനുള്ള സാഹസം കാണിക്കാൻ സംവിധായകൻ ഡെന്നീസ്​ ജോസഫ്​ തയാറായത്​. ത​​െൻറ പ്രതിഫലം അറിയാമല്ലോ എന്നായിരുന്നു രാജയുടെ ആദ്യ പ്രതികരണം. സിനിമയുടെ മൊത്തം നിർമാണ ചെലവ്​ 25 ലക്ഷമാണെന്നും താങ്കൾക്ക്​ കനത്ത പ്രതിഫലം നൽകാൻ കഴിവില്ലെന്നും പറഞ്ഞ ഡെന്നീസ്​ പക്ഷേ ഒരു കാര്യം ചൂണ്ടിക്കാട്ടി- ‘താങ്കളുടെ സംഗീതം​ ഇല്ലെങ്കിൽ ഈ സിനിമയിലെ പാട്ടുകൾക്ക്​ ആത്​മാവ്​ ഉണ്ടാകില്ല’.

 

അതോടെ മലയാളത്തിൽ ഒരു സംഗീത സംവിധായകന്​ നൽകുന്ന ഏറ്റവും വലിയ പ്രതിഫലം തന്നാൽ മതിയെന്ന്​ രാജ സമ്മതിച്ചു. അന്ന്​ ശ്യാം ആയിരുന്നു മലയാളത്തിൽ ഏറ്റവും കൂടുതൽ പ്രതിഫലം വാങ്ങിയിരുന്നത്​. ആ പ്രതിഫലം വാങ്ങി നാല്​ മണിക്കൂർ കൊണ്ട്​ ഇളയരാജ ഈണമിട്ട പാട്ടുകൾ (പുഴയോരത്ത്​ പൂന്തോണി എത്തീല്ല, പൂവായ്​ വിരിഞ്ഞു പൂന്തേൻ കിനിഞ്ഞു) ഹിറ്റുകളുമായി.