ഒ​രു സ്വ​പ്ന ബി​ന്ദു​വി​ലൊ​തു​ക്കി​യൊ​രു​ക്കി

‘ഒ​രു സ്വ​പ്ന ബി​ന്ദു​വി​ലൊ​തു​ക്കി​യൊ​രു​ക്കി
ഒ​രു പ്രേ​മ​സാ​മ്രാ​ജ്യം ഓ​മ​ലാ​ളേ
ഒ​രു ന​വ​ധാ​ര​യി​ലൊ​ഴു​കി​യൊ​ഴു​കി
ഹൃ​ദ​യ​രാ​ഗം ഓ​മ​ലാ​ളേ...’

ടേ​പ് റെ​ക്കോ​ഡ​റി​ലൂ​ടെ ഞാ​ൻ ആ​ദ്യ​മാ​യി കേ​ട്ട ഗാ​ന​മാ​ണി​ത്. 1974ലാ​ണ് സം​ഭ​വം. ഞാ​ന​ന്ന് എ​ട്ടാം ക്ലാ​സിൽ പ​ഠി​ക്കു​ക​യാ​ണ്. എ​ന്റെ അ​മ്മാ​യി​യു​ടെ (അ​ച്ഛ​ന്റെ സ​ഹോ​ദ​രി) മ​ക​ൻ സു​രേ​ന്ദ്ര​ൻ ചേ​ട്ട​ൻ ഗ​ൾ​ഫി​ൽ​നി​ന്ന് വ​ന്ന​പ്പോ​ൾ കൂ​ടെ കൂ​ട്ടി​യ ഒ​രു ചെ​റി​യ ടേ​പ് റെ​ക്കോ​ഡ​ർ ഞ​ങ്ങ​ളെ കാ​ണി​ക്കാ​നാ​യി ഒ​രു ദി​വ​സം വീ​ട്ടി​ലേ​ക്ക് കൊ​ണ്ടു​വ​ന്നു. കാ​സ​റ്റും കാ​സ​റ്റി​ട്ടാ​ൽ പാ​ട്ടു കേ​ൾ​പ്പി​ക്കു​ന്ന ഉ​പ​ക​ര​ണ​വും ആ​ദ്യ​മാ​യി കാ​ണു​ക​യാ​യി​രു​ന്നു. ‘സാ​നി​യോ’ ക​മ്പ​നി​യു​ടെ കാ​ണാ​ൻ ഭം​ഗി​യു​ള്ള, ഒ​തു​ക്ക​മു​ള്ള സെ​റ്റാ​യി​രു​ന്നു അ​ത്. ഞ​ങ്ങ​ൾ കൗ​തു​ക​ത്തോ​ടെ പാ​ട്ട് കേ​ൾ​ക്കാ​നി​രു​ന്നു. ടേപ് റെക്കോഡറി​ൽ കാ​സ​റ്റി​ട്ട് പ്ലേ ​ബ​ട്ട​ൺ അ​മ​ർ​ത്തി​യ​പ്പോ​ൾ പു​റ​ത്തേ​ക്കൊ​ഴു​കു​ക​യാ​യി അ​തു​വ​രെ കേ​ട്ടി​ട്ടി​ല്ലാ​ത്ത അ​തീ​വ ഹൃ​ദ്യ​മാ​യ ഗാ​നം.

‘ഒ​രു സ്വ​പ്ന ബി​ന്ദു​വി​ലൊ​തു​ക്കി​യൊ​രു​ക്കി

ഒ​രു പ്രേ​മ​സാ​മ്രാ​ജ്യം ഓ​മ​ലാ​ളെ’

അ​ന്ന് തി​രി​ച്ചും മ​റി​ച്ചു​മി​ട്ട് ആ ​കാ​സ​റ്റി​ലെ പാ​ട്ടു​ക​ൾ പ​ല​യാ​വ​ർ​ത്തി കേ​ട്ടു​വെ​ങ്കി​ലും ‘ഒ​രു സ്വ​പ്ന ബി​ന്ദു​വി​ലൊ​തു​ക്കി​യൊ​രു​ക്കി’ എ​ന്ന ഗാ​നം ഹൃ​ദ​യ​ത്തി​ൽ മാ​യാ​തെ കി​ട​ന്നു. എ​ത്ര കേ​ട്ടാ​ലും മ​തി​വ​രാ​ത്ത ഈ ​ഗാ​നം എം.​കെ. അ​ർ​ജു​ന​ൻ ഈ​ണം ന​ൽ​കി​യ​താ​ണെ​ന്ന് പി​ന്നെ​യും എ​ത്ര​യോ ക​ഴി​ഞ്ഞി​ട്ടാ​ണ് അ​റി​യു​ന്ന​ത്. ഡോ. ബാല​കൃ​ഷ്ണ​ൻ ഗാ​ന​ങ്ങ​ൾ എ​ഴു​തു​മെ​ന്ന​റി​യു​ന്ന​തും അ​പ്പോ​ഴാ​ണ്. ഗാ​ന​ര​ച​യി​താ​ക്ക​ളെ​ന്നാ​ൽ വ​യ​ലാ​റും പി. ​ഭാ​സ്ക​ര​നും ഒ.​എ​ൻ.​വി​യും ശ്രീ​കു​മാ​ര​ൻ​ ത​മ്പി​യു​മൊ​ക്കെ ആ​യി​രു​ന്ന​ല്ലോ അ​ന്നൊ​ക്കെ ഞ​ങ്ങ​ൾ​ക്ക്!

‘ഒ​രു സ്വ​പ്ന​ബി​ന്ദു​വി​ൽ’ എ​ന്ന ഗാ​ന​ത്തി​ന്റെ അ​നു​പ​ല്ല​വി​യി​ലെ വ​രി​ക​ളും ഈ​ണ​വു​മാ​ണ് കൂ​ടു​ത​ൽ ആ​ക​ർ​ഷി​ച്ച​ത്.

‘ക​സ്തൂ​രി​മാ​നി​ൻ മി​ഴി​ക​ളി​ൽ ഞാ​നൊ​രു

ക​വി​താ ത​ളി​ർ​ല​ത ക​ണ്ടു

ക​ര​ളി​ൽ പ​ട​ർ​ത്തി ത​ഴു​കീ-

യോ​മ​നി​ച്ച​തി​നെ ഞാ​ൻ വ​ള​ർ​ത്തി’

ഈ ​വ​രി​ക​ളൊ​ന്നു കേ​ട്ടു​നോ​ക്കൂ. യേ​ശു​ദാ​സി​ന്റെ ആ​ലാ​പ​ന​ത്തി​ന്റെ ല​യ​വും സ​ഞ്ചാ​ര​വും ന​ൽ​കു​ന്ന അ​നു​ഭൂ​തി പ​റ​ഞ്ഞ​റി​യി​ക്കാ​നാ​വി​ല്ല. നി​ർ​മാ​ണം, സം​വി​ധാ​നം, ക​ഥ, തി​ര​ക്ക​ഥ, സം​ഭാ​ഷ​ണം എ​ന്നീ മേ​ഖ​ല​ക​ളി​ൽ പ്ര​ശ​സ്ത​നാ​യ ഡോ. ബാല​കൃ​ഷ്ണ​ൻ ഗാ​ന​ങ്ങ​ൾ എ​ഴു​തി​യി​ട്ടു​ണ്ടെ​ന്ന് അ​ധി​കം പേ​ർ​ക്കും അ​റി​യി​ല്ല. താ​ൻ നി​ർ​മി​ച്ച​തോ അ​ല്ലെ​ങ്കി​ൽ ക​ഥ​യും തി​ര​ക്ക​ഥ​യും സം​ഭാ​ഷ​ണ​വും എ​ഴു​തി​യ സി​നി​മ​ക​ളി​ൽ മാ​ത്ര​മാ​യി​രു​ന്നു ഡോ. ബാല​കൃ​ഷ്ണ​ൻ ഗാ​ന​ങ്ങ​ളെ​ഴു​തി​യി​രു​ന്ന​ത്. അ​വ​യി​ൽ ഭൂ​രി​ഭാ​ഗ​വും ഹി​റ്റു​ക​ളാ​യി​ട്ടും ഗാ​ന​ര​ച​യി​താ​വ് എ​ന്ന രീ​തി​യി​ലു​ള്ള അം​ഗീ​കാ​രം അ​ദ്ദേ​ഹ​ത്തി​ന് കി​ട്ടി​യി​ല്ല.

ഹാ​സ്യ​ത്തി​ന് പ്രാ​ധാ​ന്യം കൊ​ടു​ത്ത​താ​യി​രു​ന്നു ഡോ. ബാല​കൃ​ഷ്ണ​ന്റെ സി​നി​മ​ക​ൾ. 1973ൽ ​പു​റ​ത്തി​റ​ങ്ങി​യ ‘ലേ​ഡീ​സ് ഹോ​സ്റ്റ​ൽ’ എ​ന്ന ചി​ത്ര​ത്തി​ന്റെ ഗം​ഭീ​ര വി​ജ​യം പു​തി​യൊ​രു ട്രെ​ന്റ് ത​ന്നെ മ​ല​യാ​ള സി​നി​മ​യി​ൽ ഉ​ണ്ടാ​ക്കി. ‘കോ​ള​ജ് ഗേ​ൾ’, ‘ച​ന്ദ​ന​ച്ചോ​ല’, ‘ലൗ ​ലെ​റ്റ​ർ’, ‘മ​ധു​രം തി​രു​മ​ധു​രം’, ‘മ​ധു​ര​പ്പ​തി​നേ​ഴ്’, ‘ക​ല്യാ​ണ​പ്പ​ന്ത​ൽ’, ‘അ​യ​ല​ത്തെ സു​ന്ദ​രി’, ‘അ​ര​ങ്ങും അ​ണി​യ​റ​യും’, ‘പൂ​ച്ച​സ​ന്യാ​സി’, ‘കു​റു​ക്ക​ന്റെ ക​ല്യാ​ണം’, ‘കി​ന്നാ​രം’, ‘അ​നു​രാ​ഗ കോ​ട​തി’, ‘വി​ക​ട​ക​വി’ തു​ട​ങ്ങി​യ​വ അ​ങ്ങ​നെ പി​റ​ന്ന​താ​ണ്. സി​നി​മ​യു​ടെ വി​ജ​യ​ത്തി​ന് പ്ര​ധാ​ന ആ​ക​ർ​ഷ​ണ ഘ​ട​ക​മാ​യി​രു​ന്നു പ​ര​സ്യ​ങ്ങ​ളി​ലെ ഡോ. ബാല​കൃ​ഷ്ണ​ൻ എ​ന്ന നാ​മ​ധേ​യം.

തൃ​ശൂ​ർ ഫി​ലിം​സി​ന്റെ ബാ​ന​റി​ൽ പി.​ടി. മാ​നു​വ​ൽ നി​ർ​മി​ച്ച ‘വൃ​ന്ദാ​വ​നം’ എ​ന്ന ച​ല​ച്ചി​ത്രം പ​രാ​ജ​യ​മാ​യി​രു​ന്നെ​ങ്കി​ലും ന​ല്ല ഗാ​ന​ങ്ങ​ളു​ണ്ടാ​യി​രു​ന്നു അ​തി​ൽ. ഡോ. ബാല​കൃ​ഷ്ണ​ൻ എ​ഴു​തി​യ ഗാ​ന​ങ്ങ​ളി​ൽ യേ​ശു​ദാ​സ് പാ​ടി​യ ശ്ര​ദ്ധേ​യ​മാ​യ മ​റ്റൊ​രു ഗാ​ന​മാ​ണ്:

‘സ്വ​ർഗ​മ​ന്ദാ​ര​പ്പൂ​ക്ക​ള്‍ വി​ട​ര്‍ന്നു

സ്വ​ർണമ​യൂ​ഖ​ക്ക​സ​വി​ലൊ​ളി​ഞ്ഞു

ഹൃ​ദ​യാ​ക്ഷ​യ​പാ​ത്ര​മി​ന്നാ​ദ്യ​മാ​യ്

പ്ര​ണ​യ​സു​ധാ​വ​ര്‍ഷം ചൊ​രി​ഞ്ഞു’

മ​നോ​ഹ​ര​മാ​യ ഒ​രു യു​ഗ്മ​ഗാ​നം കൂ​ടി​യു​ണ്ട് ചി​ത്ര​ത്തി​ൽ. പാ​ടി​യ​ത് ജ​യ​ച​ന്ദ്ര​നും സെ​ൽ​മ ജോ​ർ​ജും.

‘പ​ട്ടു​ട​യാ​ട​യു​ടു​ത്തോ​ര​ഴ​കി​ന്‍

പ​വി​ഴ​ച്ചു​ണ്ടി​ല്‍ മ​ന്ദ​ഹാ​സം

അ​രി​കെ​യി​രി​ക്കും കാ​മ​ദേ​വ​ന്റെ

ക​ണ്ണി​ല്‍ കു​സൃ​തി വി​ലാ​സ​ലാ​സ്യം’

കേ​ൾ​ക്കാ​ൻ ഇ​മ്പ​മു​ണ്ടാ​യി​ട്ടും എ​ന്തു​കൊ​ണ്ടോ ഈ ​ഗാ​നം ശ്ര​ദ്ധി​ക്ക​പ്പെ​ടാ​തെ പോ​യി.

എ​ട്ടു സി​നി​മ​ക​ളി​ലാ​യി മൊ​ത്തം ഇ​രു​പ​ത്തി​യെ​ട്ടു ഗാ​ന​ങ്ങ​ളേ ഡോ. ബാല​കൃ​ഷ്ണ​ൻ എ​ഴു​തി​യി​ട്ടു​ള്ളൂ.

‘ക​ളി​യ​ല്ല ക​ല്ല്യാ​ണം’ (1968) എ​ന്ന ചി​ത്ര​ത്തി​ൽ ‘ഇ​തു​വ​രെ പെ​ണ്ണൊ​രു പാ​വം’ (എ​ൽ.ആ​ർ. ഈ​ശ്വ​രി, ല​ത, ശ്രീ​ല​ത) എ​ന്ന ഗാ​നം എ​ഴു​തി​യാ​ണ് ഡോ. ബാല​കൃ​ഷ്ണ​ൻ ച​ല​ച്ചി​ത്ര ഗാ​ന​രം​ഗ​ത്തെ​ത്തു​ന്ന​ത്. ‘ലേ​ഡീ​സ് ഹോ​സ്റ്റ​ൽ’ എ​ന്ന സി​നി​മ​യി​ൽ സം​ഗീ​ത​മൊ​രു​ക്കി​യ​ത് എം.​എ​സ്. ബാ​ബു​രാ​ജ്. അ​ഞ്ചു ഗാ​ന​ങ്ങ​ൾ എ​ഴു​തി​യ​ത് ശ്രീ​കു​മാ​ര​ൻ ​ത​മ്പി. ഒ​രെ​ണ്ണം കാ​ർ​ത്തി​കേ​യ​ൻ എ​ന്ന പേ​രി​ൽ ഡോ. ബാല​കൃ​ഷ്ണ​നും. അ​താ​യി​രു​ന്നു ര​ണ്ടാ​മ​ത്തെ ഗാ​നം.

യേ​ശു​ദാ​സ് ആ​ല​പി​ച്ച

‘മാ​ന​സ​വീ​ണ​യി​ല്‍ മ​ദ​ന​ന്‍ ചി​ന്തി​യ

മാ​യി​ക​രാ​ഗ മ​ര​ന്ദ​ത്തി​ല്‍

മ​ധു​ര മോ​ഹ​ന നി​ര്‍വൃ​തി ധാ​ര

പു​ള​കോ​ദ്ഗ​മ​യാ​യ്‌ രാ​ഗി​ണി​യാ​ടി...’

എ​ന്ന സെ​മി ക്ലാ​സി​ക് ട​ച്ചു​ള്ള ഗാ​നം വേ​ണ്ട​ത്ര ശ്ര​ദ്ധി​ക്ക​പ്പെ​ട്ടി​ല്ലെ​ങ്കി​ലും മി​ക​ച്ച നി​ല​വാ​രം പു​ല​ർ​ത്തി​യ​താ​യി​രു​ന്നു, വ​രി​ക​ൾകൊ​ണ്ടും ഈ​ണംകൊ​ണ്ടും ആ​ലാ​പ​നംകൊ​ണ്ടും. തൊ​ട്ട​ടു​ത്ത വ​ർ​ഷം പു​റ​ത്തു​വ​ന്ന ‘കോ​ളേ​ജ് ഗേ​ൾ’ എ​ന്ന സി​നി​മ​യി​ലെ എ​ല്ലാ ഗാ​ന​ങ്ങ​ളും എ​ഴു​തി​യ​ത് നി​ർ​മാ​താ​വാ​യ ഡോ. ബാല​കൃ​ഷ്ണ​ൻ ത​ന്നെ​യാ​യി​രു​ന്നു. ആ​റു ഗാ​ന​ങ്ങ​ളി​ൽ അ​ഞ്ചു ഗാ​ന​ങ്ങ​ൾ ഹി​റ്റു​ക​ളാ​യി. എ.​ടി. ഉ​മ്മ​റാ​ണ് സം​ഗീ​ത സം​വി​ധാ​യ​ക​ൻ.

‘കി​ങ്ങി​ണി​കെ​ട്ടി കു​ണു​ങ്ങി​യെ​ത്തി​യ

സു​ന്ദ​ര​ചി​ന്താ ക​ന്യ​ക​ളേ

ച​ന്ദ്ര​മ​ണ്ഡ​ല താ​ഴ്വ​ര​യി​ല്‍ പൂ​ത്ത

ച​ന്ദ്ര​മ​ല്ലി​പ്പൂ​വു​ക​ളേ അ​നു​രാ​ഗ​വ​ല്ലി​പ്പൂ​വു​ക​ളേ’ എ​ന്ന ഗാ​ന​വും ഗാ​ന​രം​ഗ​വും സി​നി​മ ക​ണ്ട​വ​ർ​ക്ക് മ​റ​ക്കാ​ൻ ക​ഴി​യു​മെ​ന്ന് തോ​ന്നു​ന്നി​ല്ല. സ്റ്റേ​ജി​ൽ പാ​ട്ടി​നൊ​പ്പം ഡാ​ൻ​സ് ചെ​യ്യാ​നെ​ത്തി​യ സു​ന്ദ​രി​ക​ളെ ‘ക​ന്യ​ക​ളേ ക​ന്യ​ക​ളേ, സു​ന്ദ​ര​ചി​ന്താ ക​ന്യ​ക​ളേ’ എ​ന്ന് പു​ക​ഴ്ത്തി​യാ​ണ് ഗാ​ന​മാ​രം​ഭി​ക്കു​ന്ന​ത്. ച​ന്ദ്രമ​ണ്ഡ​ല താ​ഴ്വ​ര​യി​ൽ പൂ​ത്ത ച​ന്ദ്ര​മ​ല്ലി​പ്പൂ​വു​ക​ളാ​യി ക​ന്യ​ക​ളെ ഉ​പ​മി​ച്ച​തും പു​തു​മ​യു​ള്ള ഭാ​വ​ന​യാ​യി.

‘അ​ഞ്ജ​ന​മി​ഴി​ക​ളി​ല്‍ ആ​യി​ര​മാ​യി​രം

ആ​ശ​ക​ള്‍ പൂ​ത്തു​വി​രി​ഞ്ഞു

തു​ള​സീ സു​ര​ഭി​ല ഹൃ​ദ​യ കോ​വി​ലി​ൽ

അ​നു​രാ​ഗ മ​ന്ത്ര​മു​യ​ർ​ന്നു’

(പാ​ടി​യ​ത് യേ​ശു​ദാ​സ്, ജാ​ന​കി)

‘ച​ന്ദ​ന​ക്കു​റി​യി​ട്ട ച​ന്ദ്ര​ലേ​ഖേ -നി​ന്നെ

ച​ന്ദ​ന​പ്പ​ല്ല​ക്കി​ൽ ഏ​റ്റി​ട​ട്ടെ

സി​ന്ദൂ​ര മേ​ഘ​ങ്ങ​ളു​മ്മ​വെ​ക്കും

എ​ന്റെ വി​ണ്ണി​ലെ വീ​ട്ടി​ൽ ഞാ​ൻ കൊ​ണ്ടു​പോ​ട്ടേ’ (യേ​ശു​ദാ​സ്)

എ​ന്നീ പ്ര​ണ​യഗാ​ന​ങ്ങ​ൾ കേ​ൾ​ക്കു​ന്ന​വ​രു​ടെ ഹൃ​ദ​യ​ത്തി​ലും അ​നു​രാ​ഗ​മു​ണ​ർ​ത്തും. പി. ​ജ​യ​ച​ന്ദ്ര​നും പി. ​മാ​ധു​രി​യും പാ​ടി​യ സൂ​പ്പ​ർഹി​റ്റ് ഗാ​ന​മാ​ണ്:

‘മു​ത്തി​യ​മ്മ പോ​ലെ വ​ന്ന്

പു​ലി​യെ​പ്പോ​ലെ ചീ​റി​വ​ന്ന

പ്രി​ൻ​സി​പ്പാ​ളെ ഗോ ​ബാ​ക്ക്’

ഇ​തു​പോ​ലെ ര​സ​ക​ര​മാ​ണ്

‘അ​രി​ക​ത്ത് ഞ​മ്മ​ള് ബ​ന്നാ​ട്ടെ

ത​രി​വ​ള ക​യ്യ് പി​ടി​ച്ചോ​ട്ടെ

പി​ണ​ക്കം മ​റ​ന്ന് ചി​രി​ക്കൂ​ലേ

ഒ​രു പി​ടി നെ​യ്ച്ചോ​റ് വെ​യ്ക്കൂ​ലേ

ഒ​രു പി​ടി നെ​യ്ച്ചോ​റ് വെ​യ്ക്കൂ​ലേ

(പാ​ടി​യ​ത് യ​ശോ​ദ പാ​ല​യാ​ട്)

തു​ട​ർ​ന്നും ഒ​ട്ടേ​റെ ഹി​റ്റ് ഗാ​ന​ങ്ങ​ൾ ഡോ. ബാല​കൃ​ഷ്ണ​ന്റെ തൂ​ലി​ക​യി​ൽ പി​റ​ന്നു.

‘നീ​യാ​ന​ന്ദ ബി​ന്ദു​വോ’ (ച​ന്ദ​ന​ച്ചോ​ല, സം​ഗീ​തം കെ.​ജെ. ജോ​യ്, പാ​ടി​യ​ത് പി. ​സു​ശീ​ല), ‘ഒ​രു നോ​ക്കു ദേ​വീ ക​ണ്ടോ​ട്ടെ (മ​ധു​രം തി​രു​മ​ധു​രം, എ.​ടി. ഉ​മ്മ​ർ, യേ​ശു​ദാ​സ്), ‘കാ​ത്തു കാ​ത്തു കാ​ത്തി​രു​ന്നു ക​ണ്ണു കു​ഴ​ഞ്ഞു’ (മ​ന​സ്സൊ​രു മ​യി​ൽ, എ.​ടി. ഉ​മ്മ​ർ & ല​ത രാ​ജു) തു​ട​ങ്ങി​യ​വ ഒ​രു ത​ല​മു​റ​യു​ടെ പ്രി​യ​പ്പെ​ട്ട ഗാ​ന​ങ്ങ​ളാ​യി​രു​ന്നു. നി​ർ​മാ​ണം, സം​വി​ധാ​നം, ക​ഥ, തി​ര​ക്ക​ഥ, സം​ഭാ​ഷ​ണം, ഗാ​ന​ര​ച​ന എ​ന്നി​വ​യി​ലെ​ല്ലാം തി​ള​ങ്ങി​യെ​ങ്കി​ലും അ​ർ​ഹി​ക്കു​ന്ന അം​ഗീ​കാ​രം കി​ട്ടാ​തെ പോ​യ ബ​ഹു​മു​ഖ പ്ര​തി​ഭ​യാ​യി​രു​ന്നു ഡോ. ബാല​കൃ​ഷ്ണ​ൻ.

പി​ൻ​കു​റി​പ്പ്: ഡോ. ബാല​കൃ​ഷ്ണ​ന്റെ ശി​ഷ്യ​നെ​ന്ന് പ​റ​യാ​വു​ന്ന സ​ത്യ​ൻ അ​ന്തി​ക്കാ​ടി​ന്റെ ആ​ദ്യ​കാ​ല സി​നി​മ​ക​ളി​ലെ ഹാ​സ്യ​മി​ക​വി​നു പി​ന്നി​ൽ ബാ​ല​കൃ​ഷ്ണ​ന്റെ തൂ​ലി​ക​യു​ണ്ടാ​യി​രു​ന്നു എ​ന്ന​ത് വി​സ്മ​രി​ക്കാ​നാ​വി​ല്ല. അ​തു​പോ​ലെ പ​ണ്ട​ത്തെ പ​തി​വുരീ​തി​യി​ൽനി​ന്നും മ​ല​യാ​ള സി​നി​മ​യി​ലെ ഹാ​സ്യ​ത്തി​ന്റെ നി​ല​വാ​രം ഉ​യ​ർ​ത്തി​യ​തി​ൽ, ഡോ. ബാല​കൃ​ഷ്ണ​ന്റെ തി​ര​ക്ക​ഥ​യി​ൽ ഹ​രി​ഹ​ര​ൻ സം​വി​ധാ​നം ചെ​യ്ത സി​നി​മ​ക​ൾ​ക്ക് നി​ർ​ണാ​യ​ക പ​ങ്കു​ണ്ട്. സ​ത്യ​ൻ അ​ന്തി​ക്കാ​ട് ആ​ദ്യ​മാ​യി സം​വി​ധാ​നം ചെ​യ്ത സി​നി​മ​യാ​ണ് ‘കു​റു​ക്ക​ന്റെ ക​ല്യാ​ണം’. ഹ​രി​ഹ​ര​ന്റേ​ത് ‘ലേ​ഡീ​സ് ഹോ​സ്റ്റ​ൽ’ എ​ന്ന സി​നി​മ​യും. ര​ണ്ടി​ന്റേ​യും ക​ഥ​യും തി​ര​ക്ക​ഥ​യും സം​ഭാ​ഷ​ണ​വും എ​ഴു​തി​യ​ത് ഡോ. ബാല​കൃ​ഷ്ണ​നാ​ണ്.

ഡോ. ബാല​കൃ​ഷ്ണ​ൻ നി​ർ​മി​ച്ച ‘ലൗ ​ലെ​റ്റ​ർ’ എ​ന്ന സി​നി​മ​യി​ലൂ​ടെ​യാ​ണ് സ​ത്യ​ൻ അ​ന്തി​ക്കാ​ട് ഗാ​ന​ര​ച​യി​താ​വാകുന്ന​ത്. (ഗാ​നം: ‘സ്വ​ർ​ണ​മാ​ല​ക​ൾ വി​ണ്ണി​ൽ വി​ത​റും...’)

ഗു​രു​വി​നെ​പ്പോ​ലെ ശി​ഷ്യ​നും, എ​ണ്ണ​ത്തി​ൽ കു​റ​വെ​ങ്കി​ലും, എ​ന്നെ​ന്നും ഓ​ർ​ക്കാ​വു​ന്ന ഒ​രു​പി​ടി മ​നോ​ഹ​ര ഗാ​ന​ങ്ങ​ൾ മ​ല​യാ​ള സി​നി​മ​ക്ക് പ്ര​ദാ​നം ചെ​യ്തി​ട്ടു​ണ്ട​ല്ലോ.