മ​ഞ്ഞു​നീ​ർ​ക്ക​ണ​ങ്ങ​ൾ ചൂ​ടി കു​ഞ്ഞു​പൂ​വു​റ​ങ്ങും​പോ​ലെ

ഗാ​ന​ക​ല​യെ മ​ന​സ്സി​ന്റെ ഭാ​വ​ക​ല​യാ​ക്കി മാ​റ്റി​യ ക​വി​യാ​യി​രു​ന്നു ഒ.​എ​ൻ.​വി. ജീ​വി​ത​ത്തി​ന്റെ കാ​ൽ​പ​നി​ക​ധാ​ര​ക​ളെ മൃ​ദു​ല​സ്വ​ഭാ​വ​മു​ള്ള പ​ദ​സൗ​ന്ദ​ര്യ​ത്തി​ൽ ആ​വി​ഷ്‍ക​രി​ച്ചു അ​ദ്ദേ​ഹം. പ്ര​കൃ​തി​യു​ടെ പ​ല​വി​ധ സ​ങ്ക​ൽ​പ​ചാ​രു​ത​ക​ളി​ൽ​നി​ന്ന് ഒ​രൊ​റ്റ ബിം​ബ​ത്തി​ലേ​ക്ക് സു​ഭ​ഗ​മാ​യി​ത്തീ​രു​ന്ന ഭാ​വ​ന​ക​ൾ ഒ.​എ​ൻ.​വി ഗാ​ന​ങ്ങ​ളി​ൽ പ്ര​ക​ട​മാ​കു​ന്നു. ഒ.​എ​ൻ.​വി പാ​ട്ടി​ലെ സ്നേ​ഹ സൗ​ന്ദ​ര്യ​ങ്ങ​ൾ മു​ഴു​വ​നും പ്ര​തി​ഫ​ലി​ക്കു​ന്ന​ത് ‘ഹ​ിമ​ബി​ന്ദു’ എ​ന്ന പ്ര​കൃ​തി​ബിം​ബ​സാ​ക​ല്യ​ത്തി​ലേ​ക്കാ​ണെ​ന്ന​ത് കൗ​തു​ക​ക​ര​മാ​ണ്.

അ​നു​രാ​ഗ​ഭാ​വ​ന​യു​ടെ ഭാ​വ​സ്ഥാ​നം എ​ന്ന നി​ല​യി​ൽ മ​ഞ്ഞു​തു​ള്ളി​യു​ടെ മ​ഹാ​പ്ര​പ​ഞ്ച​ങ്ങ​ൾ ഒ.​എ​ൻ.​വി​പ്പാ​ട്ടു​ക​ളി​ൽ സൗ​ന്ദ​ര്യ​ത്തി​ന്റേ​താ​യ ഒ​രു ലോ​കം ച​മ​ക്കു​ന്നു. പ്രാ​പ​ഞ്ചി​ക​മാ​യ ഒ​രു ഭാ​വ​ന​യു​ടെ സൗ​ന്ദ​ര്യ​സ്ഥ​ലി​യാ​യി​ത്തീ​രു​ന്നു മ​ഞ്ഞുതുള്ളി എ​ന്ന ബിം​ബം. അ​നു​രാ​ഗ​ദീ​പ്തി​യെ പ്ര​കൃ​തി​യി​ലേ​ക്ക് പ​രി​ഭാ​ഷ​പ്പെ​ടു​ത്തു​ക​യാ​യി​രു​ന്നു ക​വി. വി​ലോ​ഭ​നീ​യ​വും പ​രി​ശു​ദ്ധ​വും മോ​ഹ​ന​വു​മാ​യ ഹി​മ​ബി​ന്ദു​വി​ൽ നി​ത്യ​നൈ​മി​ഷി​ക​ത​യെ കാ​ണി​ച്ചു​ത​രി​ക​യാ​യി​രു​ന്നു ഒ.​എ​ൻ.​വി.

ഒ​രു മഞ്ഞു​തു​ള്ളി​യി​ൽ നീ​ല​വാ​ന​ത്തെ ദ​ർ​ശി​ച്ചു അ​ദ്ദേ​ഹം. ഒ​രു പ​നി​നീ​ർ​പ്പൂ​വി​ന്റെ​യി​ത​ളി​ൽ നി​ന്ന​ട​രു​ന്ന വെ​റു​മൊ​രു ഹി​മ​ബി​ന്ദു​വാ​ണ് താ​നെ​ന്ന് ക​വി ഒ​രു പാ​ട്ടി​ലെ​ഴു​തി. ‘‘ചെ​മ്പ​നീ​ർ​പ്പൂ​വാ​ണ് നീ​യെ​ങ്കി​ൽ; ഞാ​ന​തി​ൻ നെ​ഞ്ചി​ലെ നീ​ഹാ​ര​ബി​ന്ദു’’ എ​ന്ന് മ​റ്റൊ​രു പാ​ട്ടി​ൽ എ​ഴു​തി​യ​പ്പോ​ഴും സ്നേ​ഹാ​നു​രാ​ഗ​ത്തി​ന്റെ വാ​ങ്മ​യ​മാ​കു​ക​യാ​യി​രു​ന്നു മ​ഞ്ഞു​തു​ള്ളി.

ഒ​രു പ​നി​നീ​ർ​പ്പൂ​വി​ന്റെ ക​ര​താ​രി​ൽ വീ​ഴാ​ൻ മോ​ഹി​ക്കു​ന്ന തൂ​മ​ഞ്ഞു​നീ​ർ​ത്തു​ള്ളി ഒ.​എ​ൻ.​വി​യു​ടെ ഒ​രു പാ​ട്ടി​ന്റെ അ​റ്റ​ത്ത് തു​ളു​മ്പി​നി​ൽ​ക്കു​ന്നു​ണ്ട്. ഒ​രു മ​ഞ്ഞു​തു​ള്ളി​യു​ടെ ആ​ഴ​ങ്ങ​ളി​ൽ മു​ങ്ങി​നി​വ​രു​ന്ന മോ​ഹ​ത്തി​ന്റെ മൗ​ന​ത്തെ​യും അ​ദ്ദേ​ഹം പാ​ട്ടി​ൽ പ​കു​ത്തു​വെ​ച്ചു. ഒ​രു കു​ഞ്ഞു​സൂ​ര്യ​നെ നെ​റു​ക​യി​ൽ ചാ​ർ​ത്തു​ക​യും നെ​റു​ക​യി​ൽ സൂ​ര്യ​നെ​രി​യു​മ്പോ​ൾ താ​നേ ഉ​രു​കു​ക​യും ചെ​യ്യു​ന്ന ഹി​മ​ബി​ന്ദുപോ​ലെ​യാ​ണ് താ​നെ​ന്ന് ക​വി പാ​ട്ടി​ൽ തി​രി​ച്ച​റിയുന്നു.

മ​ഞ്ഞു​നീ​ർ​ക്ക​ണ​ങ്ങ​ൾ ചൂ​ടി ഒ​രു കു​ഞ്ഞു​പൂ​വു​റ​ങ്ങു​ന്ന​തു​പോ​ലെ പ്ര​ണ​യി​യു​ടെ മാ​റി​ൽ ചാ​യു​വാ​നാ​ഗ്ര​ഹി​ക്കു​ന്ന ഗ​ന്ധ​ർ​ ക​ന്യ​ക​യെ നാം ​ഒ.​എ​ൻ.​വി​യു​​ടെ പാ​ട്ടി​ൽ ക​ണ്ടു. മ​ഞ്ഞു​തു​ള്ളി എ​ന്ന​ത് പ്ര​ണ​യ​മൈ​ത്രി പ്ര​തി​ഫ​ലി​ക്കു​ന്ന ക​ണ്ണാ​ടി ക​ണ​ക്കെ നി​ല​കൊ​ണ്ടു ഒ.​എ​ൻ.​വി​​യു​ടെ ഗാ​ന​ങ്ങ​ളി​ൽ. ‘‘ഹി​മ​ബി​ന്ദു മു​ഖ​പ​ടം ചാ​ർ​ത്തി​യ പൂ​വി​നെ മ​ധു​ക​ര​ൻ നു​ക​രാ​തെ ഉ​ഴ​റു​മ്പോ​ലെ’’ എ​ന്ന വ​രി​യി​ൽ അ​നു​രാ​ഗി​യു​ടെ ആ​ന്ത​രാ​നു​ഭൂ​തി​ക​ൾ ഹി​മ​ബി​ന്ദു​വെ​ന്ന സാ​ക​ല്യ​ബി​ന്ദു​വി​ൽ ഒ​ത്തു​ചേ​രു​ന്നു. ഹി​മ​ബി​ന്ദു എ​ന്ന സ​ങ്ക​ൽ​പ​ത്തി​ൽ ഒ.​എ​ൻ.​വി, ഒ​രു പ്ര​കൃ​തി പാ​ഠ​ത്തെ​യും ജീ​വി​ത​പാ​ഠ​ത്തെ​യും ഉ​യ​ർ​ത്തി​ക്കാ​ണി​ക്കു​ന്നു.

ഹി​മ​ക​ണം മാ​റി​ൽ പ​തി​ക്കെ ഒ​രു സു​മ​ദ​ലം വി​റ​കൊ​ള്ളു​മ്പോ​ലെ പ്ര​ണ​യാ​ർ​ദ്ര​മാ​യ ക​ര​സ്പ​ർ​ശ​ത്താ​ൽ പ്ര​ണ​യി​നി​യു​ടെ ശ​രീ​ര​മാ​കെ ത​ളി​ർ​ത്തു​ല​യു​ന്ന നേ​ര​ത്തെ സം​ഗീ​ത​മെ​ന്നും അ​നു​രാ​ഗ​മാ​ധു​രി​യെ​ന്നു​മൊ​ക്കെ ക​വി പേ​രി​ട്ടു​വി​ളി​ച്ചു. നി​ഹാ​ര​ബി​ന്ദു​വു​ണ​ർ​ത്തു​ന്ന കാ​ൽ​പ​നി​ക സു​ന്ദ​ര​ഭാ​വ​ങ്ങ​ളാ​യി​രു​ന്നു ഒ.​എ​ൻ.​വി ഗാ​ന​ങ്ങ​ളെ വേ​റി​ട്ടു​നി​ർ​ത്തി​യ​ത്. ലോ​ക​ത്തെ കാ​ണാ​നു​ള്ള ക​ണ്ണാ​ടി​യെ​ന്ന നി​ല​യി​ൽ അ​ദ്ദേ​ഹം മ​ഞ്ഞു​തു​ള്ളി​യെ ഹൃ​ദ​യ​ത്തി​ലെ​ടു​ത്തു​വെ​ച്ചു.

കു​ളി​ർ മ​ഞ്ഞു​തു​ള്ളി​ക​ളി​റ്റു​വീ​ണു, പു​തു​മ​ണ്ണി​ൽ നെ​ഞ്ചു​പു​ക​യു​ക​യും ഒ​രു മ​ദ​ക​ര​ഗ​ന്ധ​മു​യ​രു​ക​യും ചെ​യ്യു​ന്ന മ​ധു​രി​ത​യാ​മം ഒ.​എ​ൻ.​വി​യു​ടെ പാ​ട്ടു​ക​ളി​ലു​ണ്ടാ​യി​രു​ന്നു. ‘‘നി​ന്നോ​ർ​മ​ത​ൻ പൂ​ക്ക​ളി​ൽ നീ​ഹാ​ര​ബാ​ഷ്പ​മോ’’ എ​ന്ന വ​രി​യി​ലെ നി​ർ​മ​ല​ത​ക​ൾ ഒ​ന്നു വേ​റെ​യാ​ണ്. മ​ഞ്ഞും രാ​ത്രി​യും ഇ​ട​ക​ല​രു​ന്ന ആ​ത്മീ​യ​മാ​യ ഒ​രു സ്നേ​ഹ​ഭാ​വ​ന​യി​ലേ​ക്ക് പാ​ട്ടി​നെ പ​രി​ഭാ​ഷ​പ്പെ​ടു​ത്തു​ക​യാ​യി​രു​ന്നു ഒ.​എ​ൻ.​വി. എ​ത്ര​യോ പാ​ട്ടു​ക​ളി​ൽ മ​ഞ്ഞ​ണി​രാ​വി​ന്റെ കു​ളി​രു​ലാ​വു​ന്നു​ണ്ട്. ‘‘മ​ഞ്ഞു​പെ​യ്യു​ന്ന രാ​ത്രി​യി​ൽ എ​ന്റെ മ​ൺ​ചെ​രാ​തും കെ​ടു​ത്തീ ഞാ​ൻ’’ എ​ന്ന വ​രി​യി​ലെ വി​ഷാദ മൂക​സ്മൃ​തി​ക​ൾ ശ്ര​ദ്ധേ​യ​മാ​ണ്.

മ​ഞ്ഞും നി​ലാ​വും ഉ​ണ​ർ​ന്നു മ​ന്ദാ​ര​ഹാ​ര​മ​ണി​യു​ന്ന നി​ത്യ​നി​ർ​മല​മാ​യ നി​മി​ഷ​ങ്ങ​ളി​ലെ അ​നു​ഭൂ​തി ക്ര​മ​ങ്ങ​ൾ അ​ന​ശ്വ​ര​മാ​കു​ന്നു. മ​ഞ്ഞി​ൽ കു​തി​ർ​ന്ന നി​ലാ​വി​ന്റെ ഒ​രു സ​റി​യ​ലി​സ്റ്റ് ദൃ​ശ്യം പ​ല പാ​ട്ടു​ക​ളി​ലും ഒ.​എ​ൻ.​വി വി​ഭാ​വനം ചെ​യ്യു​ന്നു​ണ്ട്. മ​ഞ്ഞി​ൻ​മു​ഖ​പ​ട​വും ചാ​ർ​ത്തി​യാ​ടു​ന്ന ഒ​രു യാ​മി​നി​യു​ണ്ടാ​യി​രു​ന്നു ഒ​രു ഒ.​എ​ൻ.​വി ഗാ​ന​ത്തി​ൽ.

മ​ഞ്ഞി​ൻ വി​ലോ​ല​വും യ​വ​നി​കക്കു​ള്ളി​ൽ മ​യ​ങ്ങി​നി​ൽ​ക്കു​ന്ന ഒ​രു ഓ​മ​ന​ത്തി​ങ്ക​ൾ​ക്ക​ല​യെ ക​ണ്ടു മ​റ്റൊ​രു പാ​ട്ടി​ൽ. മ​ഞ്ഞി​ൽ വി​രി​യു​ന്ന മ​ന്ദാ​ര​ങ്ങളും മ​ഞ്ഞു​നീ​ര​ണി​യു​ന്ന മ​ന്ദാ​ര​പു​ഷ്പ​ങ്ങ​ളും മ​ന്ദാ​ര​ക്കാ​ടി​ൽ വി​രു​ന്നു​റ​ങ്ങു​ന്ന മ​ഞ്ഞും മ​ണ്ണി​ൽ നീ​ഹാ​ര​ബാ​ഷ്പ​ത്താ​ൽ തീ​ർ​ഥംത​ളി​ർ​ക്കു​ന്ന മ​ന്ദാ​ര പു​ഷ്പ​ങ്ങ​ളും മ​ഞ്ഞു​തു​ള്ളി​യു​ടെ കു​ഞ്ഞുക​വി​ളി​ൽ നു​ള്ളു​കു​ങ്കു​മം ചാ​ർ​ത്തിനി​ൽ​കു​ന്ന ഉ​ഷ ക​ന്യ​ക​യും കു​ളി​ർ​മ​ഞ്ഞി​ന്റെ വെ​ള്ളി​മ​ന്ദാ​ര​ക്കു​ട​യും നെ​ല്ലോ​ല​ത്തു​മ്പ​​ത്തെ മ​ഞ്ഞുതു​ള്ളി​ക്ക് വെ​യി​ൽ ന​ൽ​കി​യ വെ​ള്ളി​ക്കു​രി​ശും, നി​മി​ഷ​ങ്ങ​ളു​ടെ ക്ഷ​ണി​ക​ത​യെ അ​വ​യുടെ സ​മ​സ്ത സാ​ക​ല്യ​ത്തോ​ടെ​യും അ​വ​ത​രി​പ്പി​ക്കു​ക​യാ​യ​ി​രു​ന്നു ഒ.​എ​ൻ.​വി.

മ​ഞ്ഞു​തു​ള്ളി എ​ന്ന​ത് ഒ.​എ​ൻ.​വി​യെ സം​ബ​ന്ധി​ച്ചി​ട​ത്തോ​ളം സാ​ന്ദ്ര​മാ​യ ഒ​രു സം​ഗീ​താ​നു​ഭ​വ​മാ​ണ്. മ​ഞ്ഞു​തു​ള്ളി​യു​ടെ സ​മ്മോ​ഹ​ന​ത​ക​ൾ പാ​ട്ടി​ലേ​ക്ക് ആ​വാ​ഹി​ച്ചു മ​ഞ്ഞു​തു​ള്ളി​യു​ടെ സ്നേ​ഹ​സ്പ​ർ​ശ​ത്താ​ൽ പാ​ട്ട് തീ​ർ​ക്കു​ക​യാ​യി​രു​ന്നു ഒ.​എ​ൻ.​വി. പ്ര​കൃ​തി​യി​ലെ ഉ​ൺ​മ​യാ​യി​ട്ടാ​ണ് അ​ദ്ദേ​ഹം മ​ഞ്ഞു​തു​ള്ളി​യെ കാ​ണു​ന്ന​ത്. പൂ​മ​ഞ്ഞി​ൻ​കൂ​ടാ​ര​ത്തി​ൽ പൊ​ന്നൂ​ഞ്ഞാ​ലാ​ടാ​ൻ വ​രു​ന്ന ഒ​രു അ​നു​രാ​ഗി​യു​ടെ ചി​ത്രം പാ​ട്ടി​ലു​ണ്ടാ​യി​രു​ന്നു. ഒ​ര​ർ​ഥത്തി​ൽ മ​ഞ്ഞു​തു​ള്ളി​യി​ൽ പ്ര​പ​ഞ്ച​ത്തെ വാ​യി​ക്കു​ക​യാ​യി​രു​ന്നു​ ക​വി. ഒ.​എ​ൻ.​വി എ​ന്ന ക​വി​യു​ടെ ആ​ത്മ​മു​ദ്ര​ക​ൾ മ​ഞ്ഞു​തു​ള്ളി​യു​ടെ ഹൃ​ദ​യ​ത്തി​ൽ പു​ന​രാ​വി​ഷ്‍ക​രി​ക്ക​പ്പെ​ടു​ന്നു.

പ്ര​പ​ഞ്ച​വു​മാ​യി ക​വി​ക്കു​ള്ള സൂ​ക്ഷ്മ​വി​നി​മ​യം ത​ന്നെ​യാ​യി​രു​ന്നുഹി​മ​ബി​ന്ദു പ്ര​ണ​യ​ത്തെ ചൈ​ത​ന്യ​വ​ത്താ​ക്കു​ന്ന​ത്. ഹി​മ​ബി​ന്ദു​വി​നെ പാ​ട്ടി​ൽ മു​ദ്രി​ത​മാ​ക്കു​ന്ന സ​ഹ​ജ​മാ​യ എ​ഴു​ത്താ​യി​രു​ന്നു അ​ത്. ഒ​രു പ​ഴ​യകാ​ല​ത്തെ​യും സ്ഥ​ല​ത്തെ​യും ഒ​രു​പോ​ലെ ഈ ​നീ​ഹാ​ര​ബി​ന്ദു​വി​ൽ ല​യി​പ്പി​ച്ചി​രി​ക്കു​ക​യാ​ണ് ഒ.​എ​ൻ.​വി. ഭാ​വ​നാ​പ​ര​മാ​യ ഒ​രദൃ​ശ്യ​സ്ഥ​ലി​പോ​ലെ നീ​ഹാ​ര​ബി​ന്ദു എ​ന്ന രൂ​പ​കം ഒ.​എ​ൻ.​വി ഗാ​ന​ങ്ങ​ളു​ടെ വി​ശാ​ല​ഭൂ​മി​ക​യി​ൽ ഇ​ടംപി​ടി​ച്ചി​രു​ന്നു.

പാ​ട്ടി​ൽ അ​ത് നി​റ​വേ​റ്റു​ന്ന ഭാ​വു​ക​ത്വ സ​വി​ശേ​ഷ​ത​ക​ളു​ടെ വി​താ​ന​ങ്ങ​ൾ ചെ​റു​ത​ല്ലാ​യി​രു​ന്നു. ‘നീ​ഹാ​ര​ മൗ​ക്തി​ക മാ​ല​യു​മാ​യ​ലി നീ​ല​വ​നാ​ന്ത​ത്തി​ൻ മാ​റി​ട​ത്തി​ൽ ചാ​യു​ന്ന ശ്രാ​വ​ണ ച​ന്ദ്രി​ക​യെ​പ്പോ​ലെ ചാ​രു​ത​യാ​ർ​ന്ന’ ഒ​രു​വ​ൾ ഒ.​എ​ൻ.​വി​പ്പാ​ട്ടി​ൽ എ​ന്നും ചി​രി​ച്ചു​ല​യു​ന്നു​ണ്ട്.

അ​ന​ന്യ​മാ​യ ഒ​രു ആ​ന്ത​രി​ക സൗ​ന്ദ​ര്യം മ​ഞ്ഞു​തു​ള്ളി​യി​ൽ ഭാ​വ​നചെ​യ്യു​ന്ന ക​വി ത​ന്റെ പാ​ട്ടിന്റെ കേ​ന്ദ്ര​പ്ര​മേ​യ​മാ​യൊ​രു കാ​വ്യ​ബിം​ബ​മാ​ക്കി അ​തി​നെ മാ​റ്റു​ന്നു. പാ​ട്ടി​ൽ സ്പ​ന്ദി​ക്കു​ന്ന സൗ​ന്ദ​ര്യാ​നു​ഭൂ​തി​ക​ൾ പ​ല​വി​ധ വ​ർ​ണ​രാ​ജി​ക​ളാ​യി ഒ​രു മ​ഞ്ഞു​തു​ള്ളി​യി​ൽ വി​ല​യ​നം കൊ​ള്ളു​ന്നു. കു​ളി​ർ​മ​ഞ്ഞോ​ലും നി​ലാ​പ്പൂ​ക്ക​ൾ വി​രി​യേ, കു​യി​ൽ​പാ​ടു​മ്പോ​ൾ എ​തി​ർ​പാ​ട്ടും പാ​ടി വ​രാ​ൻ ഒ.​എ​ൻ.​വി​പ്പാ​ട്ടി​ൽ ഒ​രാ​ളു​ണ്ടാ​യ​ി​രു​ന്നു. ശി​ശി​രം കോ​രി​ച്ചൊ​രി​യു​ന്ന നേ​ര​ങ്ങൾ​കൊ​ണ്ട് സ​മൃ​ദ്ധ​മാ​യി​രു​ന്നു ആ ​ഗാ​ന​ങ്ങ​ൾ.

ത​ളി​ർ​മു​ന്തി​രി​ക്കു​ടി​ലി​ൽ കു​ളി​ർ​മ​ഞ്ഞു പു​ത​പ്പി​നു​ള്ളി​ൽ ഒ​രു​മി​ച്ചൊ​രു നി​മി​ഷം നു​ക​ർ​ന്നു​പാ​ടാ​ൻ ഒ.​എ​ൻ.​വി​പ്പാ​ട്ടി​ലെ അ​നു​രാ​ഗി​ക​ൾ മ​ന​സ്സു​കൊ​ണ്ട് വെ​മ്പി. വേ​ർ​പാ​ടി​ന്റെ വേ​ദ​ന​ക​ൾ, പ​ര​സ്പ​ര ദാ​ഹ​ങ്ങ​ൾ, പു​ന​സ്സ​മാ​ഗ​മ നി​ർ​വൃ​തി​ക​ൾ, കാ​ത്തി​ര​ിപ്പു​ക​ൾ, മൗ​നാ​നു​രാ​ഗ പ്ര​തീ​തി​ക​ൾ എ​ന്നി​ങ്ങനെ മ​ഞ്ഞു​തു​ള്ളി​യി​ൽ വി​കാ​ര​ങ്ങളുടെ പ​ല​വി​ധ ലോ​ക​ങ്ങൾ ക​വി ആ​വി​ഷ്‍ക​രി​ക്കു​ന്നു. നീ​ഹാ​ര​ബി​ന്ദു​വി​ൽ പ​ട​രു​ന്ന ദൃ​ശ്യ​ച​രി​ത്രംപോ​ലെ​യാ​കു​ന്നു ഒ.​എ​ൻ.​വി​യു​ടെ പാ​ട്ട്. ‘അ​ക്ഷ​ര​മൊ​രു ഹി​മ​ബി​ന്ദു, അ​തി​ലു​ണ്ടാ​കാ​ശം, അ​റി​വി​ൻ അ​പാ​ര​നീ​ല​കാ​ശം’​എ​ന്നെ​ഴു​തി ഒ.​എ​ൻ.​വി ഉ​ദാ​ത്ത​മാ​യൊ​രു പാ​ട്ടു​കാ​ല​ത്തെ പ​രി​ണാ​മ ര​മ​ണീ​യ​വും കാ​ലാ​തി​വ​ർ​ത്തി​യു​മാ​ക്കു​ക​യാ​യി​രു​ന്നു.