പൂവച്ചൽ ഖാദറിന്റെ പാട്ടുലോകം; സായംസന്ധ്യ മേയും തീരങ്ങൾ

പൂവച്ചൽ ഖാദറിന്റെ ഗാ​ന​ങ്ങ​ൾ പ​ക​ർ​ന്നു​ത​രു​ന്ന സൗ​ന്ദ​ര്യാ​നു​ഭൂ​തി​യു​ടെ കേ​ന്ദ്രാ​നു​ഭ​വ സ്ഥാ​ന​ങ്ങ​ൾ സ​ന്ധ്യ​ക​ളും അ​വ​ക്കു​ള്ളി​ൽ വി​രു​ന്നു​വ​രു​ന്ന ഇ​രു​ൾ​വെ​ളി​ച്ച​ങ്ങ​ളു​മാ​യി​രു​ന്നു. പ്ര​ണ​യ​ത്തെ പ്ര​കാ​ശ​മാ​ന​മാ​കു​ന്ന ശ്യാ​മ​വാ​ങ്മ​യ​മാ​യി ഈ ​സ​ന്ധ്യ​ക​ൾ പാ​ട്ടു​ക​ളി​ൽ ചേ​ക്കേ​റു​ന്നു. പാ​ട്ടു​ക​ളി​ൽ വി​വി​ധ വൈ​കാ​രി​ക​ത​ക​ളു​ടെ അ​നു​ഭൂ​തി പ്ര​പ​ഞ്ച​മൊ​രു​ക്കു​വാ​ൻ ഈ ​സ​ന്ധ്യ​ക​ൾ​ക്കാ​കു​ന്നു. അ​സ്ത​മ​യം ദീ​പ്ത​മാ​ക്കു​ന്ന ഭൂ​മി​യി​ലെ പ്ര​ണ​യ ജീ​വി​ത​ത്തെ പാ​ട്ടി​ലെ​ഴു​തു​ക​യാ​യി​രു​ന്നു പൂ​വ​ച്ച​ൽ ഖാ​ദ​ർ.

സ​ന്ധ്യ എ​ന്ന നേ​ര​ത്തി​ന്റെ അ​നു​ഭൂ​തി​ക​ൾ, പ​ല ജ​ന്മ​ങ്ങ​ൾ എ​ന്നി​വ​യാ​ണി​വി​ടെ പാ​ട്ടി​ൽ ഭാ​വ​ന​യു​ടെ ഒ​രു മേ​ഖ​ല കൈ​യ​ട​ക്കു​ന്ന​ത്. സ​ന്ധ്യ എ​ന്ന​ത് ഒ​രു കാ​ല​വും സ്ഥ​ല​വും ഓ​ർ​മ​യു​മാ​കു​ന്നു. പ്ര​കൃ​തി​യു​ടെ സ്വ​ച്ഛ ശ്രു​തി​ക​ൾ മീ​ട്ടു​ക​യാ​യി​രു​ന്നു ഈ ​സ​ന്ധ്യ​ക​ൾ. സ​ന്ധ്യ​യു​ടെ തൂ​വാ​ല​യി​ൽ തു​ന്നി​ച്ചേ​ർ​ക്കു​ന്ന ല​ളി​ത​വും സൗ​മ്യ​വു​മാ​യ ചി​ത്ര​ങ്ങ​ളാ​ണ് പൂ​വ​ച്ച​ൽ ഗാ​ന​ങ്ങ​ൾ. സ​ന്ധ്യ​ക​ൾ പാ​ട്ടി​ന് അ​ത്യ​പൂ​ർ​വ​മാ​യ വ്യാ​പ്തി ന​ൽ​കു​ന്നു.

എ​ത്ര​യെ​ത്ര സ​ന്ധ്യ​ക​ളാ​ണ് പൂ​വ​ച്ച​ലി​ന്റെ പാ​ട്ടു​ക​ളി​ൽ. സി​ന്ദൂ​ര സ​ന്ധ്യ, ര​ക്ത​സി​ന്ദൂ​രം ചാ​ർ​ത്തി​യ സ​ന്ധ്യ, കു​ങ്കു​മ​സ​ന്ധ്യ, ആ​രോ​മ​ൽ സ​ന്ധ്യ, സാ​യം​സ​ന്ധ്യ, ശാ​ന്ത​ശ്രാ​വ​ണ സ​ന്ധ്യ... അ​ങ്ങ​നെ മൂ​വ​ന്തി നേ​ര​ങ്ങ​ളെ മൂ​ക​വി​ഷാ​ദ സ്മൃ​തി​ക​ളാ​യി പാ​ട്ടി​ലെ​ഴു​തു​ക​യാ​യി​രു​ന്നു ക​വി. ‘ഏ​കാ​ന്ത​മാം എ​ൻ വീ​ഥി​യി​ൽ നീ​യേ​ക​യാ​യെ​ത്തു​മീ സ​ന്ധ്യ​യി​ൽ’ എ​ന്ന് അ​ദ്ദേ​ഹം ഒ​രു പാ​ട്ടി​ലെ​ഴു​തി.

‘താ​ഴി​ക​ക്കു​ട​വു​മാ​യ് തി​ര​ക​ളി​ൽ മു​ങ്ങും ശാ​ന്ത​ശ്രാ​വ​ണ സ​േ​ന്ധ്യ, നി​ന്റെ ക​ന​ക​നി​ചോ​ളം ചാ​ർ​ത്തി മ​റ്റൊ​രു ശ്രാ​വ​ണ​ഭം​ഗി​യി​താ’ എ​ന്നി​ങ്ങ​നെ സ​ന്ധ്യ​യെ ഹൃ​ദ്യ​മാ​യി സ​ൽ​ക്ക​രി​ക്കു​ക​യാ​യി​രു​ന്നു ഒ​രു പാ​ട്ടി​ൽ. സാ​യം​സ​ന്ധ്യ​ക​ൾ വ​ര​വാ​യി, കാ​ലം പൂ​ക്കു​ട​ക​ൾ ചൂ​ടി’ എ​ന്ന് ക​വി മ​റ്റൊ​രു പാ​ട്ടി​ൽ കു​റി​ച്ചി​ട്ടു. പീ​ലി​ക​ൾ പാ​കി​ടും തു​ടു​സ​ന്ധ്യാ വീ​ഥി​യി​ൽ താ​രു​ക​ൾ വി​ത​റി​ടു​ന്ന മാ​ന​വും പൂ​വ​ച്ച​ലി​ന്റെ ഒ​രു പാ​ട്ടി​ൽ കാ​ണാം. ആ​ട​ക​ൾ ഞൊ​റി​യും പു​ഴ​യു​ടെ മാ​റി​ൽ ചേ​ലു​ക​ൾ വി​ത​റു​ന്ന സ​ന്ധ്യ വ​രു​ന്നു​ണ്ട് വേ​റൊ​രു പാ​ട്ടി​ൽ. നാ​ണം കൊ​ണ്ട് ചു​വ​ക്കു​ന്ന നീ​യൊ​രു നാ​ട​ൻ ക​ന്യ​ക​യ​ല്ലേ എ​ന്ന് ഒ​രു പാ​ട്ടു സ​ന്ദ​ർ​ഭ​ത്തി​ൽ സ​ന്ദേ​ഹ​മു​ണ​ർ​ത്തു​ന്നു​ണ്ട് ഒ​രു നാ​യ​ക ക​ഥാ​പാ​ത്രം. പു​തി​യ പ്ര​തീ​ക്ഷ​ക​ൾ ത​രു​ന്ന സ​ന്ധ്യ​ക​ളെ കു​റി​ച്ചും പൂ​വ​ച്ച​ൽ ത​ന്റെ ഗാ​ന​ങ്ങ​ളി​ലെ​ഴു​തി​യി​ട്ടു​ണ്ട്.

‘പ​ണ്ടും ഈ​വി​ധം എ​ന്നെ​യോ​ർ​ക്ക് പാ​ടി നീ ​എ​ൻ സ​ന്ധ്യ​ാ​വേ​ള​ക​ൾ ധ​ന്യ​മാ​ക്കി നി​ന്നു’ എ​ന്ന് ഒ​രു പാ​ട്ടി​ൽ പ്ര​ണ​യം പ​ങ്കി​ടു​ന്നു​ണ്ടൊ​രാ​ൾ. ആ​കാ​ശ​വും ആ​ശ​യും വ​ർ​ണ​ങ്ങ​ളി​ൽ മൂ​ടു​ന്ന ഒ​രു സ​ന്ധ്യ വ​ന്ന​ണ​യു​ന്നു​ണ്ട് ഒ​രു പൂ​വ​ച്ച​ൽ ഗാ​ന​ത്തി​ൽ. മ​ണ്ണി​ലും വി​ണ്ണി​ലും കു​ങ്കു​മം ചാ​ർ​ത്തു​ന്ന സ​ന്ധ്യ വ​ന്ന് കൈ​യി​ലും മെ​യ്യി​ലും അ​ത​ൽ​പം പൂ​ശി​ത്ത​ര​ണ​മെ​ന്ന് ആ​ഗ്ര​ഹി​ക്കു​ന്ന നാ​യി​ക​യു​മു​ണ്ട്. സ​ന്ധ്യ​യു​ടെ ഒ​രു ദ്വീ​പ് ത​ന്നെ പ​ണി​യു​ക​യാ​യി​രു​ന്നു ക​വി. വ​ഴി​യി​ൽ പൂ​വു​മാ​യ് നി​ൽ​ക്കു​ന്ന സ​ന്ധ്യ​യെ വ​ര​വേ​ൽ​ക്കു​ന്നു​ണ്ട് ഒരു ​പാ​ട്ടി​ൽ. സാ​യം​സ​ന്ധ്യ പോ​കു​ന്ന മ​ല​ര​ണി​വ​ഴി​ക​ൾ ഈ ​ഗാ​ന​ങ്ങ​ളി​ൽ നി​റ​ഞ്ഞു​കി​ട​ക്കു​ന്നു.

സ​ന്ധ്യ​യെ സം​ഗീ​ത സാ​ന്ദ്ര​മാ​ക്കു​ക​യാ​യി​രു​ന്നു പൂ​വ​ച്ച​ൽ ഖാ​ദ​ർ. വി​ര​ഹ​ത്തി​ൽ​നി​ന്ന് സ​മാ​ഗ​മ​ത്തി​ലേ​ക്കും തി​രി​ച്ചും വ​രു​ന്ന ആ​കാ​ശ​ച്ഛാ​യ​യാ​കു​ക​യാ​യി​രു​ന്നു സ​ന്ധ്യാ​നേ​രം. പാ​ട്ടു​ക​ളി​ലൊ​രു ശ്യാ​മാ​യ​നം തീ​ർ​ക്കു​ക​യാ​യി​രു​ന്നു ക​വി. പൂ​വ​ച്ച​ൽ ഗാ​ന​ങ്ങ​ളി​ൽ സ​ന്ധ്യ നി​ർ​മി​ക്കു​ന്ന നി​ര​വ​ധി ചി​ത്ര​ങ്ങ​ൾ കാ​ണാം. സ​ന്ധ്യ​യെ​ന്ന​ത് ക​വി​യു​ടെ പ്ര​ണ​യ​ത്തെ സ​മ​ർ​പ്പി​ക്കാ​നു​ള്ള ഒ​രി​ട​മാ​യി മാ​റു​ന്നു. സ​ന്ധ്യ​യെ​ന്ന​ത് അ​പാ​ര​ത​യു​ടെ ച​ന്തം കൂ​ട്ടു​ന്ന രൂ​പ​ക​മാ​യി​ത്തീ​രു​ന്നു.

‘സാ​യം സ​ന്ധ്യ മേ​യും തീ​രം

ചാ​യ​ങ്ങ​ളി​ൽ മു​ങ്ങി

നി​ഴ​ലു​ക​ൾ തൊ​ടി​ക​ളി​ൽ

ഊ​ഞ്ഞാ​ലാ​ടി നി​ൽ​ക്കു​മ്പോ​ൾ’

ച്ഛാ​യാ ചി​ത്ര​മെ​ഴു​തു​ന്ന ഒ​രു ചി​ത്ര​കാ​ര​നെ​പോ​ലെ ഒ​രു സ​റി​യ​ലി​സ്റ്റി​ക് സ​ന്ധ്യ​യെ അ​വ​ത​രി​പ്പി​ക്കു​ക​യാ​ണി​വി​ടെ പൂ​വ​ച്ച​ൽ ഖാ​ദ​ർ. അ​തേ​സ​മ​യം, സ​ന്ധ്യ​യാ​ണ് പൂ​വ​ച്ച​ലി​ലെ സാ​ന്ദ്ര​മാ​യ ഒ​രു കാ​ൽ​പ​നി​ക മു​ദ്ര. പാ​ട്ടി​ൽ പ്ര​ണ​യം തൊ​ട്ട് സ​മ​സ്ത ജീ​വി​തം വ​രെ​യും പ​റ​യാ​ൻ സ​ഹാ​യി​ക്കു​ന്ന ഗാ​ന​ല​ക്ഷ്യ​മാ​ണി​ത്. സ​ന്ധ്യ​യെ നി​ര​ന്ത​രം പാ​ടി​യും വ​ര​ച്ചും പ്ര​കീ​ർ​ത്തി​ച്ചു​മാ​ണ് ക​വി ത​ന്റെ പാ​ട്ടു​ക​ളി​ൽ പ്ര​ണ​യ​ത്തെ പ്ര​കാ​ശി​പ്പി​ക്കു​ന്ന​ത്. കി​നാ​വി​ന്റെ​യും പ്രേ​മാ​ർ​ദ്ര​ത​യു​ടെ​യും വി​ഷ​മ​മു​ഹൂ​ർ​ത്ത​ങ്ങ​ളു​ടെ​യും അ​നു​ഭൂ​തി​ക​ളു​ടെ​യു​മെ​ല്ലാം സം​ഗ​മ​സ്ഥ​ല​മൊ​രു​ക്കു​ക​യാ​ണ് സ​ന്ധ്യ​ക​ൾ. പൂ​വ​ച്ച​ലി​ന്റെ ഗാ​ന​ങ്ങ​ളി​ൽ സ​ന്ധ്യ​ക​ൾ മ​റ്റൊ​രു ഭൂ​പ്ര​കൃ​തി ത​ന്നെ രൂ​പ​പ്പെ​ടു​ത്തു​ന്നു​ണ്ട്.

‘ഒ​രു സ​ന്ധ്യ, ഒ​രു സ​ന്ധ്യ ഓ​ർ​മ​യി​ലു​ണ്ടെ​ന്റെ ദേ​വി

ഒ​രു ദീ​പം ഒ​രു ദീ​പം ആ​ത്മാ​വി​ലെ​രി​യു​ന്നു ദേ​വി’

(ശ്യാ​മ​ഗാ​ന ത​രം​ഗി​ണി)

എ​ന്ന പാ​ട്ടി​ൽ ഒ​രു സ​ന്ധ്യ അ​തി​ന്റെ സ​ക​ല സൗ​ന്ദ​ര്യ​ത്തോ​ടെ വ​ന്ന​ണ​യു​ക​യാ​ണ്. ഗൃ​ഹാ​തു​ര​ത​യു​ടെ സാ​ന്ധ്യ ശോ​ഭ​യി​ൽ തി​ള​ങ്ങു​ക​യാ​ണ് ഈ ​ഗാ​നം. അ​വി​ടെ എ​ന്നോ പി​ൻ​വാ​ങ്ങി​യ ഒ​രു വി​ഷാ​ദ നേ​ര​ത്തി​ന്റെ ആ​ത്മ​നാ​ദം നാം ​കേ​ൾ​ക്കു​ന്നു​ണ്ട്. സ​ന്ധ്യ തി​രി​ച്ചു​കൊ​ണ്ടു​വ​രു​ന്ന ഓ​ർ​മ​യു​ടെ അ​ട​യാ​ള​മാ​ണ​ത്.

‘ക​തി​ർ​നാ​ളം പോ​ലെ​യാ കാ​വി​ൽ നീ ​വ​ന്ന​പ്പോ​ൾ

ക​ര​ളി​ൻ തു​ടി​പ്പൊ​ന്നു​കൂ​ടി

നി​ൻ നീ​ല​ക്കൂ​ന്ത​ൽ​പോ​ൽ തി​ര​യി​ള​ക്കീ​ടു​ന്ന

ഇ​രു​ളി​ൽ ഞാ​നെ​ന്നെ മ​റ​ന്നു’

സാ​യം​സ​ന്ധ്യ​യു​ടെ ഈ ​ഇ​രു​ൾ​ഭാ​വ​ത്തി​ലാ​ണ് ക​വി; പ്ര​ണ​യ​ത്തി​ന്റെ സ​മ​സ്താ​ഹ്ലാ​ദ​വും ആ​ന​ന്ദ​വും സ​മ​ർ​പ്പി​ച്ചി​ട്ടു​ള്ള​ത്. കാ​റ്റി​ലെ മു​കു​ളം​പോ​ൽ ഇ​ള​കു​മാ ക​ൺ​ക​ളി​ൽ അ​റി​യാ​തെ എ​ന്തോ തേ​ടി​യ​ത് ഈ ​സ​ന്ധ്യ​യു​ടെ ഇ​രു​ൾ സാ​ന്നി​ധ്യ​ത്തി​ലാ​യി​രു​ന്നു. ഇ​വി​ടെ സ​ന്ധ്യ പ്ര​ണ​യ​ത്തി​ന്റെ വീ​ടാ​യി മാ​റു​ന്നു. ഏ​കാ​കി​നി​യാ​യ ഒ​രു സ​ന്ധ്യ​യെ സ്വാ​ഗ​തം ചെ​യ്യു​ന്നൊ​രു പാ​ട്ടു​ണ്ട് പൂ​വ​ച്ച​ലി​ന്റെ​താ​യി. സ​ന്ധ്യ മ​യ​ങ്ങി രാ​ത്രി​യാ​കു​ന്നു എ​ന്ന​തേ വ്യ​ത്യാ​സ​മു​ള്ളൂ. ‘ത​മ​സ്സാ​ണ് നി​ൻ​കൈ​യി​ൽ എ​ന്നാ​ലും എ​ന്നെ സ്നേ​ഹി​ക്കു​വാ​ൻ നീ ​മാ​ത്രം’ എ​ന്ന് ക​വി സ​ന്ധ്യാ​നേ​​ര​ത്തോ​ട് ചോ​ദി​ക്കു​ന്നു​ണ്ട്.

രാ​ത്രി നേ​ര​ത്തി​ന്റെ മൃ​ദു​പാ​ണി​യാ​ലു​ള്ള ലാ​ള​ന​ത്തി​ൽ ക​വി​യു​ടെ ഹൃ​ദ​യ​ത്തി​ൽ ആ​ന്ദോ​ള​ന​മു​ണ്ടാ​കു​​ന്നു. അ​തി​ൽ നി​ന്നാ​ണൊ​രു ഗീ​തം പി​റ​ക്കു​ന്ന​ത്. ശ്യാ​മാം​ഗി​യാ​യ സ​ന്ധ്യ​യു​ടെ ക​ണ്ണി​ൽ കാ​ഞ്ച​ന നാ​ള​ങ്ങ​ൾ കാ​ണു​ന്നു ക​വി.

അ​തി​ദി​വ്യ​മാ​യ ആ ​പ്ര​ഭ​യി​ൽ അ​ക​താ​രി​ലു​ന്മീ​ല​ന​മു​ണ്ടാ​കു​ന്നു. അ​തി​ൽ നി​ന്നൊ​രു ഗീ​തം പി​റ​വി​കൊ​ള്ളു​ന്നു. അ​തി​നാ​ലാ​ണ് സ​ന്ധ്യ​യെ​യും രാ​ത്രി​യെ​യു​മൊ​ക്കെ ക​വി ഇ​ങ്ങ​നെ സ്വാ​ഗ​തം ചെ​യ്യു​ന്ന​ത്. സ​ന്ധ്യ​യു​ടെ സൗ​ന്ദ​ര്യം കൂ​ട്ടാ​ൻ വ​രു​ന്ന ആ​മോ​ദ സൗ​ഭാ​ഗ്യ​മാ​ണ് പ്ര​ണ​യി​നി എ​ന്ന് അ​ദ്ദേ​ഹം പാ​ട്ടി​ൽ നി​ന​ച്ചി​രു​ന്നു. അ​ന്നു സ​ന്ധ്യ​ക​ൾ രാ​ഗ​മേ​കി നി​ന്ന കാ​ല​ത്തെ കു​റി​ച്ച് പാ​ടു​​മ്പോ​ൾ അ​ത് അ​നു​രാ​ഗ​മ​ല്ലാ​തെ മ​​റ്റെ​ന്താ​ണ്? പ്ര​ണ​യി​നി​യു​ടെ നെ​റു​ക​യി​ൽ ചാ​ർ​ത്താ​ൻ അ​മൃ​തും കു​ളി​രും കൊ​ണ്ടു​വ​രാ​ൻ സ​ന്ധ്യ​യോ​ട് അ​പേ​ക്ഷി​ക്കു​ന്ന ഒ​രു പ്ര​ണ​യ​നാ​യ​ക​നു​ണ്ട് പൂ​വ​ച്ച​ൽ ഖാ​ദ​റി​ന്റെ ഒ​രു പാ​ട്ടി​ൽ.

രാ​വൊ​രു​ങ്ങു​ന്ന പൂ​ർ​ണ​മ​യി​ൽ കാ​യ​ൽ​നീ​ലി​മ വ​ര​ച്ചി​ടു​ന്നു​ണ്ട് മ​റ്റൊ​രു പാ​ട്ടി​ൽ. ഹൃ​ദ​യ​ത്തി​ലൊ​രുകു​ടം തീ​കൂ​ട്ടു​ന്ന സ​ന്ധ്യ​യും മോ​ഹ​ന​തീ​ര​ങ്ങ​ളി​ൽ പൂ​മ​രം​പോ​ലെ നി​ൽ​ക്കു​ന്ന സ​ന്ധ്യ​യും രാ​ഗ​ചി​ല്ല​യി​ൽ കൂ​ട് കൂ​ട്ടു​ന്ന കി​ളി​യാ​യ് മാ​റു​ന്ന സ​ന്ധ്യ​യു​മെ​ല്ലാം പ​ല​വി​ധ​ങ്ങ​ളി​ൽ പൂ​വ​ച്ച​ൽ ഗാ​ന​ങ്ങ​ളി​ൽ പ്ര​ത്യ​ക്ഷ​പ്പെ​ട്ടി​ട്ടു​ണ്ട്. പൂ​വ​ച്ച​ലി​ന്റെ പാ​ട്ടു​ക​ളി​ലെ ജാ​ഗ്ര​ത​യു​ടെ​യും സ്വ​പ്ന​ത്തി​ന്റെ​യും ജാ​ല​ക​ങ്ങ​ൾ തു​റ​ന്നി​ട്ടാ​ൽ നാം ​കാ​ണു​ന്ന​ത് പ്ര​ണ​യ​ത്തി​ന്റെ​യും പ്ര​ത്യാ​ശ​യു​ടെ​യും പ്ര​തീ​ക്ഷ​യു​ടെ​യു​മെ​ല്ലാം പ്രാ​ർ​ഥ​ന​യു​മാ​യി വ​ന്നു​നി​ൽ​ക്കു​ന്ന സ​ന്ധ്യ​ക​ളെ​യാ​ണ്. അ​ങ്ങ​നെ​യാ​ണ് ഈ ​ശ്യാ​മ സ​ന്ധ്യ​ക​ൾ അ​ദ്ദേ​ഹ​ത്തി​ന്റെ ഗാ​ന​ങ്ങ​ളി​ലെ ജീ​വ​ചൈ​ത​ന്യ​മാ​യി മാ​റു​ന്ന​ത്.