പ്രിയേ നിൻ ഹാസ കൗമുദിയിൽ

‘അ​നു​രാ​ഗ ഗാ​നം പോ​ലെ, അ​ഴ​കി​ന്റെ അ​ല പോ​ലെ...’ മ​ല​യാ​ളി​യു​ടെ ജീ​വി​ത​ജ്വാ​ല​യി​ൽ തെ​ളി​ഞ്ഞ കാ​വ്യ​വെ​ളി​ച്ച​മാ​യി​രു​ന്നു യൂ​സ​ഫ​ലി കേ​ച്ചേ​രി. അ​ത്ര​ക്കും ദീ​പ്ത​മ​ധു​ര​മാ​യ ഒ​ര​നു​രാ​ഗ​ലോ​കം പാ​ട്ടി​ൽ അ​ധി​ക​മാ​രും ച​മ​ച്ചി​ട്ടി​ല്ല. അ​നു​രാ​ഗ സു​ര​ഭി​ല നി​മി​ഷ​ങ്ങ​ളെ രാ​ഗാ​ർ​ദ്ര​മാ​ക്കു​വാ​ൻ പാ​ട്ടി​ൽ അ​ദ്ദേ​ഹം വി​ശ്വ​സി​ച്ച സൗ​ന്ദ​ര്യ​ബോ​ധ​ത്തി​ന്റെ മു​ദ്ര​ക​ൾ അ​ന​ന്യ​മാ​യി​രു​ന്നു. പ്ര​ശോ​ഭി​ത​ങ്ങ​ളാ​യ ബിം​ബ​ങ്ങ​ളി​ൽ ക​വി ഈ ​അ​നു​രാ​ഗ​ത്തി​ന്റെ നി​ർ​വൃ​തി​ഭാ​വ​ങ്ങ​ളെ പാ​ട്ടി​ൽ ല​യ​ഭ​രി​ത​മാ​ക്കി. ക​ണ്ണ​ഞ്ചി​പ്പി​ക്കു​ന്ന മ​ന്ദ​ഹാ​സ​ത്തി​ന്റെ ഭാ​വു​ക​ത​ക​ൾ നി​റ​യെ​യു​ണ്ടാ​യി​രു​ന്നു യൂ​സ​ഫ​ലി കേ​ച്ചേ​രി​യു​ടെ ഗാ​ന​ങ്ങ​ളി​ൽ. പാ​ട്ടി​ൽ മ​റ്റെ​ങ്ങു​മി​ല്ലാ​ത്ത പ്ര​ണ​യ​ത്തി​ന്റെ വെ​ളി​ച്ച വി​സ്തൃ​തി​യു​ള്ള ഇ​ട​ങ്ങ​ൾ തീ​ർ​ക്കു​ന്ന​ത് ഹാ​സം അ​ഥ​വാ ചി​രി എ​ന്ന മ​ഹാ​പ്ര​തി​ഭാ​സ​ത്തി​ന്റെ അ​ഴ​കു​ക​ളി​ലാ​ണ്. പാ​ട്ടി​നു​ള്ളി​ൽ പ്ര​ണ​യ​ത്തി​ന്റെ പ്ര​ബു​ദ്ധ​ത​ക​ൾ സം​ഭ​വി​ക്കു​ന്ന​ത് ഈ ​മ​നോ​ഹ​ര മ​ന്ദ​ഹാ​സ​ങ്ങ​ളി​ലാ​യി​രു​ന്നു. ഉ​ന്ന​ത​മാ​യ ഒ​രു ഉ​ണ​ർ​വി​ന്റെ ഓ​ർ​മ​ക​ൾ ന​ൽ​കു​ന്നു​ണ്ട് പാ​ട്ടി​ൽ ഈ ​സു​ഹാ​സ​ങ്ങ​ൾ. പാ​ട്ടി​ന് നി​ത്യ​യൗ​വ​നം ന​ൽ​കു​ന്ന​ത് നി​ര​വ​ധ്യ​മാ​യ ഈ ​ഹാ​സ​പൗ​ർ​ണ​മി​യാ​ണ്. കേ​ച്ചേ​രി ഗാ​ന​ങ്ങ​ളി​ൽ പ്ര​വ​ർ​ത്തി​ക്കു​ന്ന​ത് അ​തി​ശ​യ​ക​ര​മാ​യ മ​ന്ദ​ഹാ​സ​ത്തി​ന്റെ ഇ​ന്ദ്ര​ജാ​ലം. പ്ര​ണ​യ​മെ​ന്ന ഉ​ൺ​മ​യു​ടെ പ്ര​തി​നി​ധാ​ന​മാ​യി​ത്തീ​രു​ക​യാ​ണ് പാ​ട്ടി​ലെ മ​ന്ദ​ഹാ​സ​ത്തി​ന്റെ ഈ ​ഭാ​ഷ. പ്രി​യ​യു​ടെ ഹാ​സ​കൗ​മു​ദി​യി​ൽ പ്ര​ശോ​ഭി​ത​മാ​കു​ക​യാ​ണ് അ​നു​രാ​ഗി​യു​ടെ സ്മൃ​തി​നാ​ള​ങ്ങ​ൾ. പ്ര​ണയി​നി​യു​ടെ ഹാ​സ​ര​ശ്മി​യി​ൽ മാ​ണി​ക്യ​മാ​യ് മാ​റു​ന്ന നീ​ഹാ​ര ബി​ന്ദു​വി​നെ​പ്പോ​ലെ​യാ​ണ് ക​വി​യി​ലെ നി​ത്യ​കാ​മു​ക​ൻ. പ്ര​ണ​യി​നി​യു​ടെ ഹാ​സ​ത്തി​നോ​ടു​ള്ള സാ​ര​വ​ത്താ​യ പ്ര​ണ​യ​മാ​യി​ത്തീ​രു​ക​യാ​ണ് യൂ​സ​ഫ​ലി കേ​ച്ചേ​രി​യു​ടെ ഓ​രോ പാ​ട്ടും. ഹാ​സ​മെ​ന്ന​ത് കേ​ച്ചേ​രി ഗാ​ന​ങ്ങ​ളി​ൽ പ്ര​ണ​യ​ത്തി​ന്റെ മ​റു​ഭാ​ഷ​യാ​യി​മാ​റു​ന്നു. മ​ന്ദ​ഹാ​സ​ത്തി​ന്റെ അ​പൂ​ർ​വ​ത​ക​ൾ കൊ​ണ്ട​ല​ങ്ക​രി​ച്ച​താ​ണ് കേ​ച്ചേ​രി​യു​ടെ ഗാ​ന​ക​ല. ഹാ​സ​മെ​ന്ന​ത് ഒ​രേ​സ​മ​യം വാ​ക്കി​ന്റെ​യും നോ​ക്കി​ന്റെ​യും സ​മാ​ഹാ​ര​മാ​യി​ത്തീ​രു​ന്നു. ഹാ​സം, പാ​ട്ടി​ൽ പ്ര​ണ​യ​ത്തി​ന്റെ പു​തി​യൊ​രു ലോ​കം തീ​ർ​ക്കു​ന്നു. ‘ചാ​രു​ഹാ​സി​നി’ എ​ന്ന് കേ​ച്ചേ​രി​പ്പാ​ട്ടി​ലെ കാ​മു​ക​ൻ ത​ന്റെ പ്ര​ണ​യി​നി​യെ അ​ഭി​സം​ബോ​ധ​ന ചെ​യ്തു. അ​വ​ളു​ടെ ഹാ​സം ഭീ​ത​രാ​ത്രി​യി​ൽ അ​വ​ന് ചി​രി​ക്കാ​നു​ള്ള പ്ര​ഭാ​ക​ിരണ​മാ​യി​ത്തീ​രു​ന്നു. രൂ​പ​വ​തി​യാ​യ അ​വ​ളു​ടെ മ​ഞ്ജ​ുള​ഹാ​സം അ​വ​ന് വാ​രൊ​ളി വീ​ശു​ന്ന മാ​ധ​വ​മാ​സ​മാ​കു​ന്നു. അ​ഞ്ചു​ശ​ര​ങ്ങ​ളും പോ​രാ​തെ കാ​മ​ദേ​വ​ൻ അ​വ​ളു​ടെ ചി​രി​യെ പ്ര​ണ​യ​സാ​യ​ക​മാ​ക്കി​മാ​റ്റി. പ്ര​ണ​യി​നി​യു​ടെ സു​ഹാ​സ​ങ്ങ​ളി​ൽ പൊ​ഴി​യു​ക​യാ​ണൊ​രുപി​ടി പൂ​വു​ക​ൾ. ചൈ​ത്ര​മാ​സ നീ​ല​രാ​വി​ലും ചി​ത്ര​വ​ർ​ണ​പ്പൂ​നി​ലാ​വി​ലും അ​വ​ളു​ടെ ചി​രി​യാ​കു​ന്ന പൂ​ക്ക​ൾ ക​ണ്ടു കാ​മു​ക​നാ​യ അ​യാ​ൾ. മ​ന്ദ​ഹാ​സ ലോ​ല​യാ​യ് അ​വ​ൾ വ​ന്ന​ണ​യു​മ്പോ​ൾ കാ​മു​ക​മ​ന​സ്സി​ൽ മൊ​ട്ടി​ടു​ക​യാ​ണ് മോ​ഹ​ങ്ങ​ൾ. അ​വ​ളു​ടെ മ​ന്ദ​ഹാ​സ​ത്തി​ൻ ചാ​രു​ത ക​ണ്ട​പ്പോ​ൾ പൗ​ർ​ണ​മി പോ​ലും പാ​ൽ ചു​ര​ന്നു. അ​വ​ളു​ടെ ചി​രി​യി​ലേ​തോ മ​ഞ്ജ​രി വി​ട​ർ​ന്നു. ആ ​മ​ഞ്ജു​ഹാ​സ​ത്തി​ന്റെ പൂ​വ​മ്പി​നാ​ൽ കാ​മു​ക​ഹൃ​ദ​യം ശ​ക​ലി​ത​മാ​യി. ഇ​വി​ടെ​യെ​ല്ലാം ജീ​വി​ത​ത്തി​ൽ​നി​ന്നൊ​രു പു​ത്ത​ൻ​വാ​ഴ്വു​ണ്ടാ​കു​ന്നു. ഹാ​സ​മെ​ന്ന​ത് പാ​ട്ടി​ലെ സാ​ന്ദ്ര​മാ​യ ഒ​രു ഭാ​ഷ​യാ​കു​ന്നു. പ​തി​വി​ന് വി​പ​രീ​ത​മാ​യ മ​ട്ടി​ൽ മി​ണ്ടാ​നു​ള്ള മ​റ്റൊ​രു ഭാ​ഷ അ​തി​ലൊ​രു പ്ര​ണ​യ​ത്തി​ന്റെ സ്വാ​ത​ന്ത്ര്യവും ആ​ഘോ​ഷ​വു​മൊ​ക്കെ​യു​ണ്ടാ​യി​രു​ന്നു. അ​തി​ൽ പ്ര​തീ​ക്ഷി​ത​മ​ല്ലാ​ത്ത അ​ർ​ഥ​നി​ർ​മി​തി​ക​ളു​മു​ണ്ടാ​യി​രു​ന്നു. പ്ര​ണ​യി​യെ സം​ബ​ന്ധി​ച്ചി​ട​ത്തോ​ളം ഹാ​സ​മെ​ന്ന​ത് പു​തി​യ ഒ​ര​റി​വും അ​നു​ഭൂ​തി​യു​മാ​കു​ന്നു. ഒ​രുപ​ക്ഷേ, ശോ​ക​ത്തെ നേ​രി​ടാ​നു​ള്ള സ​ന്ന​ദ്ധ​ത കൂ​ടി​യാ​കു​ന്നു​ണ്ട് ഇ​വി​ടെ ഹാ​സം. വി​ഷാ​ദ​ങ്ങ​ൾ നീ​ക്കി പു​ഷ്പ​ഹാ​സ​ങ്ങ​ളേ​കാ​ൻ പ്ര​ണ​യി​നി​യോ​ട​ഭ്യ​ർ​ഥ​ന ചെ​യ്യു​ന്നു​ണ്ട് ഒ​രു പാ​ട്ടി​ലെ നാ​യ​ക​ൻ. അ​തേ​സ​മ​യം, അ​വ​ൾ പു​ഞ്ചി​രി​ച്ചാ​ൽ പൂ​നി​ലാ​വു​ദി​ക്കു​മെ​ന്നാ​ണ് മ​റ്റൊ​രു പാ​ട്ടി​ൽ ക​വി​യു​ടെ നി​ന​വ്. അ​വ​ളു​ടെ അ​ധ​ര​ശോ​ഭ​യി​ൽ ഈ ​ഭൂ​മി​യി​ലെ എ​ത്ര​യോ കോ​ടി​പ്പൂ​വു​ക​ൾ തീ​ർ​ക്കു​ക​യാ​ണ് ക​ലാ​കാ​ര​നാ​യ ദൈ​വം. അ​വ​ളു​ടെ കൗ​മു​ദീ​ഹാ​സ​മെ​ത്ര​യോ ക​ന​വു​ക​ളു​ണ​ർ​ത്തു​ക​യാ​ണ് അ​യാ​ളു​ടെ ഉ​ള്ളി​ൽ.

പ്ര​ണ​യി​നി​യു​ടെ ചി​രി​യി​ൽ തെ​ളി​യു​ന്ന ഏ​ഴ​ഴ​കു​ള്ള മ​ഴ​വി​ല്ലു​ക​ളെ​യും യൂ​സ​ഫ​ലി കേ​ച്ചേ​രി​യു​ടെ പാ​ട്ടു​ക​ളി​ൽ കാ​ണാം. പ്ര​ണ​യ​ത്തി​ന്റെ അ​തി​ർ​വ​ച​നീ​യ​മാ​യ ആ​ത്മസൗ​ര​ഭ​ങ്ങ​ളെ ചാ​ലി​ച്ചെ​ഴു​തു​ക​യാ​ണ് ക​വി ഇ​വി​ടെ. ‘ചി​രി​ച്ചെ​പ്പ് കു​ലു​ക്കി വി​ളി​ച്ചെ​ന്നെ​യു​ണ​ർ​ത്തി​യ താ​മ​ര​ക​ണ്ണാ​ളെ’ എ​ന്ന് ഒ​രു പാ​ട്ടി​ലെ​ഴു​തി​യ ക​വി ‘ആ​യി​രം പൂ​വി​രി​ഞ്ഞാ​ൽ അ​ര​വ​സ​ന്തം ആ​ത്മ​സ​ഖി നീ ​ചി​രി​ച്ചാ​ൽ ആ​യി​രം വ​സ​ന്തം’ എ​ന്നെ​ഴു​തി​യ​പ്പോ​ളും മ​ന്ദ​ഹാ​സ​ത്തി​ൽ തി​ടംവെ​ച്ചൊ​രു അ​നു​രാ​ഗപൂ​ർ​ണി​മ​യെ നാ​മ​നു​ഭ​വി​ച്ചു. അ​ല്ലി​ത്തേ​ൻ വാ​ർ​ന്നൊ​ഴുകു​ന്ന മ​ന്ദ​ഹാ​സ​മാ​യി​രു​ന്നു യൂ​സ​ഫ​ലി കേ​ച്ചേ​രി​യു​ടെ പാ​ട്ടി​ലെ പ്ര​ണ​യി​നി​ക​ൾ​ക്ക്്. നെ​യ്‍വി​ള​ക്കി​ൻ നാ​ള​മാ​യി നി​ന്ന് മ​ന്ദ​ഹാ​സ​ങ്ങ​ൾ എ​ന്ന് ഒ​രു പാ​ട്ടി​ന്റെ അ​ന്ത​രം​ഗ​ത്തി​ലെ​ഴു​തി​യി​ട്ടു​ണ്ട് അ​ദ്ദേ​ഹം. പാ​ട്ടി​ലെ പ്ര​ണ​യം എ​ന്ന​തി​ലേ​ക്ക് പ്ര​കൃ​തി​യെ കൂ​ടി ചേ​ർ​ക്കു​ന്നു​ണ്ട് ക​വി. പാ​ട്ടെ​ന്ന​ത് അ​ർ​ഥ​ങ്ങ​ളു​ടെ ന​ദി (sematic river) ആ​യി മാ​റു​മ്പോ​ൾ അ​തി​ലൊ​രു അ​ഴ​കി​ന്റെ അ​ല​യാ​കു​ക​യാ​ണ് ഹാ​സം. പാ​ട്ടി​ൽ പ്ര​ണ​യി​നി​യു​ടെ ഹാ​സം സ​ദാ വെ​ളി​ച്ചം വി​ത​റി​ക്കൊ​ണ്ടി​രി​ക്കു​ന്നു. ഹാ​സ​മെ​ന്ന അ​നു​ഭൂ​തി സ​വി​ശേ​ഷ​മാ​യി​ത്തീ​ർ​ന്ന് അ​ത് പാ​ട്ടി​നെ കൂ​ടു​ത​ൽ ദീ​പ്ത​മാ​ക്കു​ന്നു. പ്ര​ണ​യ​ത്തി​ന്റെ ഒ​രു പ​ര​മ​പ​ദ​ത്തി​ലേ​ക്ക് പാ​ട്ടി​നെ ഉ​​ണ​ർ​ത്തു​വാ​ൻ ഈ ​ചി​രി​ത​ന്നെ തി​ക​യും. ഹാ​സ​ത്തി​ന്റെ വെ​ളി​ച്ച​ത്തി​ൽ പാ​ട്ടി​ന് അ​ന​ശ്വ​ര​ത കൈ​വ​രു​ന്നു. അ​തു​വ​രെ ആ​വി​ഷ്ക​രി​ക്കാ​തി​രു​ന്ന ഒ​രു ഭാ​ഷ തീ​ർ​ക്കു​ന്നു​ണ്ട് പാ​ട്ടി​ൽ മ​ന്ദ​ഹാ​സ​ത്തി​ന്റെ ച​ന്തം. എ​ത്ര യ​ഗാ​ധ​ത​ക​ളി​ൽ നി​ന്നു​വ​രു​ന്നു ന​മ്മു​ടെ പു​ഞ്ചി​രി പോ​ലു​മെ​ന്ന​തെ​ത്ര ശ​രി​യാ​ണ് കേ​ച്ചേ​രി​യു​ടെ പാ​ട്ടു​ക​ൾ കേ​ൾ​ക്കു​മ്പോ​ൾ. യൂ​സ​ഫ​ലി കേ​ച്ചേ​രി​യു​ടെ പാ​ട്ടെ​ഴു​ത്തി​ന്റെ സൗ​ന്ദ​ര്യ​ത​ലം ഇ​ത്ത​ര​ത്തി​ലു​ള്ള ഭാ​വ​സാ​ന്ദ്ര സൂ​ച​ക​ങ്ങ​ളി​ലാ​യി​രു​ന്നു നി​ല​കൊ​ണ്ട​ത്. പ്ര​ണ​യ​ത്തി​ന്റെ ഋ​തു​ഭേ​ദ​​ങ്ങ​ളെ സ​വി​ശേ​ഷ​മാ​യ ച​ല​ച്ചി​ത്ര സ​ന്ദ​ർ​ഭ​ങ്ങ​ളി​ലേ​ക്ക് കൈ​പി​ടി​ച്ച് കൊ​ണ്ടു​വ​രാ​ൻ അ​ദ്ദേ​ഹ​ത്തെ സ​ഹാ​യി​ച്ച​ത് ഹാ​സോ​ന്മു​ഖ​മാ​യ ഒ​രു സൗ​ന്ദ​ര്യ​ലോ​ക​മാ​യി​രു​ന്നു. പ്ര​ണ​യ​ര​ഹ​സ്യ​ങ്ങ​ളെ വി​ശ​ദീ​ക​രി​ക്കു​ന്ന ഭാ​വാ​ത്മ​ക​ത​യു​ടെ ആ​ന്ത​ര​സം​ഗീ​തം കേ​ച്ചേ​രി​ഗാ​ന​ങ്ങ​ളി​ൽ ആ​ർ​ദ്ര​മാ​കു​ന്ന​ത് അ​നു​രാ​ഗ​ത്തി​ന്റെ അ​നി​ർ​വ​ച​നീ​യ​മാ​യ ദി​വ്യ​സൗ​ഭാ​ഗ്യ​ങ്ങ​ളി​ലാ​ണ്. അ​നു​രാ​ഗ​മെ​ന്ന​ത് ക​വി​യു​ടെ ഗാ​ന​ങ്ങ​ളി​ലെ നി​ത്യ​പ്രാ​ർ​ഥ​ന​യെ​ന്നോ​ണം തെ​ളി​ഞ്ഞു​നി​ൽ​ക്കു​ന്നു. ആ ​തെ​ളി​ച്ച​ത്തി​ന്റെ ഹ​ർ​ഷ​മു​ണ​രു​ന്ന​ത് മ​ന്ദ​ഹാ​സ​ത്തി​ന്റെ മ​ധു​ര​ല​യ​ങ്ങ​ളി​ലാ​ണ്. ‘ക​ണ്ണീ​ർ​ക്ക​ട​ലി​ൽ തി​ര​ക​ളി​ല​ലി​യും പു​ഞ്ച​രി​യാ​ണ​നു​രാ​ഗ’​മെ​ന്ന് യൂസ​ഫ​ലി കേ​ച്ചേ​രി ഒ​രു പാ​ട്ടി​ലെ​ഴു​തി​യ​തി​ലെ സ​ത്യ​ദ​ർ​ശ​നം ജീ​വി​ത​ത്തി​ലെ ഹാ​സ​ല​ഹ​രി​ക​ൾ​ക്കു​ള്ള സൗ​ന്ദ​ര്യ​ഭ​ദ്ര​മാ​യ അ​ടി​ക്കു​റി​പ്പ് കൂ​ടി​യാ​ണ് എ​ന്ന് ഉ​റ​പ്പി​ച്ചു​പ​റ​യാ​നാ​കും.