നിഷ്​കളങ്കരെ മോശമായി ചിത്രീകരിക്കുന്നു; പരാതിയുള്ളവർ നിയമത്തി​െൻറ വഴി സ്വീകരിക്കൂ - വൈരമുത്തു

ചെന്നൈ: തനിക്കെതിരെ ഉയർന്ന ആരോപണങ്ങളെല്ലാം കള്ളമാണെന്ന്​ പ്രശസ്​ത കവിയും ഗാനരചയിതാവുമായ വൈരമുത്തു. പരാതിയുള്ളവർ നിയമപരമായി നീങ്ങ​െട്ടയെന്നും കോടതിയിൽ ത​​െൻറ നിരപരാധിത്വം തെളിയുമെന്നും വൈരമുത്തു പ്രതികരിച്ചു. തനിക്കെതിരെ ആരോപണമുന്നയിച്ച സ്​​ത്രീകളുടെ വാദങ്ങളെല്ലാം കള്ളമാണെന്ന്​ കാലം തെളിയിക്കുമെന്ന്​ വൈരമുത്തു നേരത്തെ ട്വിറ്ററിൽ പ്രതികരിച്ചിരുന്നു.

ഇത്തരം ആരോപണങ്ങൾക്കെല്ലാം നിഗൂഢ ലക്ഷ്യങ്ങളുണ്ട്​. ഞാൻ നല്ലവനാണോ മോശക്കാരനാണോ എന്നത്​ ആരും ഇപ്പോൾ തീരുമാനിക്കേണ്ടതില്ല. എനിക്ക്​ നിയമത്തിൽ വിശ്വാസമുണ്ട്​. അത്​ കോടതി പറയ​െട്ട. നിഷ്​കളങ്കരെ മോശമായി ചിത്രീകരിക്കുന്നത്​ ഇപ്പോൾ ഒരു ഫാഷനായി മാറിയിരിക്കുകയാണ്​. ഒാരോ ആരോപണങ്ങളുന്നയിച്ച്​ പലരും തന്നെ നാണംകെടുത്തുകയാണെന്നും വൈരമുത്തു ആരോപിച്ചു.

അതേസമയം വൈരമുത്തുവിനെതിരെ നിയമപരമായി നടപടി സ്വീകരിക്കുന്നതു​ സംബന്ധിച്ച്​ ത​​​െൻറ അഭിഭാഷകരുമായി കൂടിയാ​േലാചിച്ച്​ തീരുമാനിക്കുമെന്ന്​ പിന്നണിഗായിക ചിന്മയി ശ്രീപദ പറഞ്ഞിരുന്നു. ശനിയാഴ്​ച ചെന്നൈ വിമാനത്താവളത്തിൽ മാധ്യമപ്രവർത്തകരുമായി സംസാരിക്കവെയായിരുന്നു​ ചിന്മയി ഇക്കാര്യമറിയിച്ചത്​.

വൈരമുത്തു ലൈംഗികചൂഷണ മനോഭാവത്തോടെ അപമര്യാദയായി പെരുമാറിയെന്നും എതിർത്താൽ ത​​​െൻറ കരിയർ നശിപ്പിച്ചുകളയുമെന്ന്​ ഭീഷണി​െപ്പടുത്തിയതായുമാണ്​ മീ ടൂ കാമ്പയി​​​െൻറ ഭാഗമായി പിന്നണിഗായിക ചിന്മയി ആരോപിച്ചത്​. ​ ത​​​െൻറ പ്രശസ്​തിക്കും രാഷ്​ട്രീയ കാരണങ്ങളാലുമാണ്​ ​ൈവരമുത്തുവിനെതിരെ ആരോപണം ഉന്നയിക്കുന്നതെന്ന പ്രചാരണത്തെ ചിന്മയി തള്ളിയിരുന്നു.