താര നിബിഡമായ ചടങ്ങിൽ ദുൽഖറി​െൻറ മഹാനടിയുടെ ഗംഭീര ഒാഡിയോ ലോഞ്ച്​

ഹൈദരാബാദ്​: യുവ സൂപ്പർതാരം ദുൽഖർസൽമാൻ നായകനാകുന്ന ​ബിഗ്​ ബജറ്റ്​ തെലുങ്ക്​ ചിത്രം മഹാനടിയുടെ ഒാഡിയോ ലോഞ്ച്​ കഴിഞ്ഞു. തെലുങ്ക്​ സൂപ്പർതാരങ്ങളായ നാഗാർജ്ജുന, ജൂനിയർ എൻ.ടി.ആർ എന്നിവർ അതിഥികളായ ചടങ്ങിൽ ആയിരക്കണക്കിന്​ ആളുകളാണ്​ പ​െങ്കടുത്തത്​. സിനിമയിലെ പ്രധാന താരങ്ങളായ ദുൽഖർ, കീർത്തി സുരേഷ്​, സാമന്ത, വിജയ്​ ദേവരകൊണ്ട എന്നിവരും നൂറ്​ കണക്കിന്​ ടെക്​നിഷ്യൻമാരും ചടങ്ങിലുണ്ടായിരുന്നു. 

തെന്നിന്ത്യയിലെ എക്കാലത്തെയും വലിയ ​േലഡി സൂപ്പർസ്റ്റാറായ സാവി​ത്രിയുടെ ജീവിത കഥ പറയുന്ന ചിത്രമാണ്​ മഹാനടി. തമിഴിലും തെലുങ്കിലും പുറത്തിറങ്ങുന്ന ചിത്രം സംവിധാനം ചെയ്യുന്നത്​ നാഗ്​ അശ്വിനാണ്​. കീർത്തി സുരേഷാണ്​ സാവിത്രിയാകുന്നത്​.

ശ്രീവെണ്ണല സീതാരാമ ശാസ്​ത്രിയുടെ വരികൾക്ക്​ മിക്കി ജെ മെയർ ഇൗണമിട്ട മഹാനടിയിലെ മനോഹര ഗാനങ്ങൾ സദസ്സിൽ കേൾപ്പിച്ചിരുന്നു. ഗാനങ്ങൾ യൂട്യൂബിൽ മികച്ച പ്രതികരണമാണ്​ നേടുന്നത്​. ചിത്രത്തിലെ മൂഗമനസുലൂ എന്നു തുടങ്ങുന്ന ഗാനം 10 ലക്ഷത്തിലധികം പേരാണ്​ കണ്ടത്​.

വൈജയന്തി മൂവീസി​​​െൻറ ബാനറിൽ അശ്വിനി ദത്ത്​, ​പ്രിയങ്ക ദത്ത്​, സ്വപ്​ന ദത്ത്​ എന്നിവർ ചേർന്ന്​ നിർമിക്കുന്ന ചിത്രത്തിന്​ കാമറ കൈകാര്യം ചെയ്​തിരിക്കുന്നത്​ ഹോളിവുഡിൽ നിന്നുള്ള ഡാനി സാ-ലോയാണ്​. മെയ്​ 9ന്​ ലോകവ്യാപകമായി ചിത്രം തിയറ്ററുകളിലെത്തും. തമിഴിൽ നടിഗയർ തിലകം എന്ന പേരിലാണ്​ മഹാനടി എത്തുക. കേരളത്തിലും നൂറിലധികം തിയറ്ററിൽ ചിത്രം പ്രദർശിപ്പിക്കും.

താരമായി ദുൽഖർ

നാഗാർജ്ജുന മുതൽ കീരവാണി വരെ സംസാരിച്ച ബ്രഹ്മാണ്ഡമായ വേദിയിൽ മലയാളികളുടെ സ്വന്തം ദുൽഖർസൽമാന്​ നിറഞ്ഞ കയ്യടിയോടെയായിരുന്നു സ്വീകരണം ലഭിച്ചത്​. ​സഹതാരങ്ങളായ വിജയ്​ ദേവരകൊണ്ഡ, സാമന്ത, കീർത്തി, എന്നിവരെയും സംവിധായകൻ നാഗ്​ അശ്വിനെയും അഭിനന്ദിച്ച ദുൽഖർ ദുൽഖർ ഇത്രയും വലിയ ചിത്രത്തി​​​െൻറ ഭാഗമാകാൻ കഴിഞ്ഞതിൽ അഭിമാനമുണ്ടെന്ന്​ പറഞ്ഞു. ​

ദുൽഖറി​​​െൻറ ഒാകെ കൺമണിയുടെ തെലുങ്ക് പതിപ്പായ ഒകെ ബങ്കാരം ആന്ദ്രയിൽ സൂപ്പർ ഹിറ്റായിരുന്നു. നിത്യ മേനോനുമൊത്ത്​ അഭിനയിച്ച 100 ഡേയ്​സ്​ ഒാഫ്​ ലവും മൊഴിമാറ്റി പ്രദർശിപ്പിച്ച്​ വിജയം കൊയ്​തിരുന്നു.