ഒന്ന്​ ക്ലിക്ക് ചെയ്​താൽ ദുരിതത്തിനൊരു കൈത്താങ്ങാകും VIDEO

ഒരു പാട്ട്​. ഒരു ക്ലിക്ക്​. ചിലപ്പോൾ മുഖ്യമന്ത്രിയുടെ പ്രളയബാധിത ദുരിതാശ്വാസ നിധിയിൽ എത്തി​ച്ചേരുന്നത്​ നമ്മുടെ ആ ക്ലിക്കി​​​െൻറ പ്രതിഫലമാകും. പ്രശസ്​ത ചലച്ചിത്ര ഗാനരചയിതാവ്​ ഹരിനാരായണനും കൂട്ടരും ചേർന്നൊരുക്കിയ വീഡിയോയുടെ മുഴുവൻ യൂട്യൂബ്​ വരുമാനവുമാണ്​ മുഖ്യമ​ന്ത്രിയുടെ ദുരിതാശ്വാസ നിധിയിലേക്ക്​ സംഭാവന ചെയ്യുന്നത്​.

പ്രളയത്തിൽ മുങ്ങിയ കേരളത്തി​​​െൻറ നോവുറ്റ കാഴ്​ചകളും കണ്ണീരും രക്ഷാപ്രവർത്തനവുമൊക്കെ ഉൾക്കൊള്ളുന്ന
‘‘ഒരു കൈ തരാം, ഞങ്ങളൊന്നായ്​ വരാം...
ഉയരേണമിനിയെ​​​െൻറ നാട്​..
അരുമക്കുരുന്നുപോൽ അടിവെച്ചു മേലേ
ആകാശ സൂര്യനായ്​ മാറെ​​​െൻറ ​നാടേ...’’ എന്ന ഹരിനാരായണൻ രചിച്ച വരികൾക്ക്​ സംഗീതം നൽകിയത്​ ജോമോനാണ്​. അഭിനവ്​ സജീവ്​ ആലപിച്ച ഗാനത്തി​​​െൻറ സാക്ഷാത്​കാരം നിർവഹിച്ചത്​ പി.കെ. രാജേഷ്​ കുമാർ. പ്രവീൺ മംഗലത്തി​​​െൻറതാണ്​ എഡിറ്റിങ്​ Music 24X7 ​​​െൻറ ബാനറിൽ തയാറാക്കിയ വീഡിയോയുടെ പ്രകാശനം തദ്ദേശ സ്വയംഭരണ മന്ത്രി എ.സി. മൊയ്​തീൻ നിർവഹിച്ചു.