പ്രശസ്ത പഞ്ചാബി യുവ ഗായകൻ വെടിയേറ്റ് മരിച്ച നിലയിൽ
text_fieldsപഞ്ചാബ്: പ്രശസ്ത പഞ്ചാബി റാപ് ഗായകൻ നവ്ജോത് സിങ് (22) വെടിയേറ്റ് മരിച്ച നിലയിൽ. ഞായറാഴ്ച അർധരാത്രിയാണ് പഞ്ചാബിലെ ദേര ബസ്സിയിൽ മൃതദേഹം കാണപ്പെട്ടത്. ശരീരത്തിൽ അഞ്ചോളം വെടിയുണ്ടകളേറ്റിരുന്നു. മൃതദേഹത്തിെൻറ അടുത്തായി നവ്ജോതിെൻറ കാറും കണ്ടെത്തിയിരുന്നു.
എസ്.എ.എസ് നഗറിലെ ഒരു വാടക വീട്ടിലാണ് നവ്ജോത് താമസിക്കുന്നത്. രാത്രി ബെഹ്ര ഗ്രാമത്തിലുള്ള സ്വന്തം വീട്ടിലേക്ക് പോവുകയായിരുന്ന നവ്ജോത് സംഭവം നടക്കുന്നതിന് തൊട്ടുമുണ്ട് അമ്മയെ വിളിച്ചിരുന്നുവെന്നും പൊലീസ് വ്യക്തമാക്കി. എന്നാൽ ഒരുപാട് വൈകിയിട്ടും കാണാത്തതോടെയാണ് വീട്ടുകാർ അന്വേഷിച്ചിറങ്ങിയത്.
പൊലീസ് അന്വേഷണം ആരംഭിച്ചു. മോഷണമല്ല കൊലപാതകത്തിന് കാരണമെന്ന് പൊലീസ് സ്ഥിരീകരിച്ചിട്ടുണ്ട്. നവ്ജോതിനെ രാത്രി ഒരു പെൺകുട്ടിയോടൊപ്പം മക്ഡൊണാൾഡ്സിൽ കണ്ടതായി കുടുംബ സുഹൃത്ത് പൊലീസിനോട് പറഞ്ഞിരുന്നു. ഗായകെൻറ മരണത്തിന് ഇതുമായി ബന്ധമുണ്ടോ എന്ന് അന്വേഷിക്കുമെന്നും പൊലീസ് അറിയിച്ചു.
കൊല്ലപ്പെടുന്നതിന് ഒരാഴ്ച്ച മുമ്പ് ‘കോഹ്ലി ദാ ഫാൻ’ എന്ന ആൽബം നവ്ജോത് സിങ് പുറത്തിറക്കിയിരുന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.