ഗായകൻ കൊച്ചിൻ ആസാദ് നിര്യാതനായി

കൊച്ചി: പ്രശസ്ത ഗായകൻ കൊച്ചിൻ ആസാദ് (62) നിര്യാതനായി. ഇന്ന് പുലർച്ചെ നാലിന്​ ഹൃദയാഘാതം മൂലമായിരുന്നു അന്ത്യം. മ ൃതദേഹം കൊച്ചി മട്ടാഞ്ചേരിയിലുള്ള വസതിയിലാണ്​.

അനശ്വര ഗായകൻ മുഹമ്മദ്​ റഫിയുടെ കടുത്ത ആരാധകനായ കൊച്ചിൻ ആസ ാദ്​ വേദികളിൽ റഫി ഗാനങ്ങളുമായി സജീവമായിരുന്നു. മെഹ്ബൂബ് മെമ്മോറിയല്‍ ഓര്‍ക്കെസ്ട്രയിലെ പ്രമുഖ ഗായകനായ ആസാദ്, സംഗീത സംവിധായകന്‍ എം. ജയചന്ദ്ര​​​െൻറ സ്‌റ്റേജ് ഷോകളിലെ പ്രധാന ഗായകരിൽ ഒരാളുമായിരുന്നു.

മുഹമ്മദ്​ റഫി മരിച്ചതിന്​ ശേഷം ഓരോ വർഷവും ആസാദ്​ റഫി ഗാനങ്ങളുമായി ത​​​െൻറ പ്രിയ ഗായകന്​ ഗാനാഞ്​ജലിയുമായി വേദികളിലെത്തിയിരുന്നു. റഫി ഗാനങ്ങൾക്കൊപ്പം പങ്കജ് ഉദാസി​​​െൻറ ഗസലും മലയാളം ഗസലുകളും ആസാദി​​​െൻറ സംഗീതവിരുന്നിൽ ഉണ്ടാവാറുണ്ടായിരുന്നു.

സക്കീന ആസാദ് ആണ്​ ഭാര്യ. മക്കൾ: നിഷാദ് ആസാദ്, ബിജു ആസാദ്. മരുമക്കൾ: ഷംജ നിഷാദ്, ഫെമിന ബിജു. ഖബറടക്കം ബുധനാഴ്ച വൈകീട്ട് മൂന്നിന്​ പള്ളുരുത്തി തങ്ങൾ നഗർ മുഹമ്മദ് പള്ളി കബർസ്ഥാനിൽ നടക്കും.