ഭാര്യയെ വെട്ടിക്കൊന്നു; ഭർത്താവ് ട്രെയിനിനു മുൻപിൽ ചാടി ജീവനൊടുക്കി

തൃശൂർ: മുരിങ്ങൂരിൽ ഭർത്താവ് ഭാര്യയെ വെട്ടിക്കൊന്നു. മുരിങ്ങൂർ സ്വദേശി ഷീജ ( 38) ആണ് കൊല്ലപ്പെട്ടത്. കൊലപാതകത്തിന് ശേഷം മുങ്ങിയ ഭർത്താവ് ബിനുവിനെ(40) ട്രെയിനിനുമുൻപിൽ ചാടി മരിച്ചതായി കണ്ടെത്തി. കൊരട്ടി കമ്യൂണിറ്റി ഹാളിന് പിൻവശത്തുള്ള ട്രാക്കിലാണ് ഇയാളുടെ മൃതദേഹം കണ്ടെത്തിയത്. മാതാവിനെതിരായ അക്രമം തടയാൻ ശ്രമിച്ച 11​ഉം എട്ടും വയസ്സുള്ള കുഞ്ഞുങ്ങൾക്ക് വെട്ടേറ്റു.

ഗുരുതരമായി പരുക്കേറ്റ കുട്ടികളെ തൃശൂർ മെഡിക്കൽ കോളജിൽ പ്രവേശിപ്പിച്ചു. കൊലപാതകത്തിലേക്ക് നയിച്ചത് സാമ്പത്തിക പ്രതിസന്ധിയാണ് സംശയമുളളതായി പൊലീസ് വ്യക്തമാക്കി. സംഭവത്തെ കുറിച്ച് അന്വേഷം പുരോ​ഗമിക്കുന്നതായി പൊലീസ് അറിയിച്ചു. കൊലപാതകത്തിന് ശേഷം ഒളിവിൽ പോയ ബിനുവിനായി പൊലീസ് തെരച്ചിൽ നടത്തുന്നതിനിടെയാണ് മൃതദേഹം കണ്ടെത്തിയത്.