വിജയ്​മല്യക്ക്​ ഡൽഹി കോടതിയുടെ ജാമ്യമില്ലാ വാറണ്ട്​

ഡൽഹി: കിങ്​ ഫിഷർ വിമാനത്തി​െൻറ പേരിൽ നൽകിയ ഏഴുകോടി രൂപയുടെ വണ്ടിച്ചെക്ക്​ കേസിൽ വിവാദ മദ്യവ്യവസായി വിജയ്​മല്യക്ക്​ ഡൽഹി കോടതിയുടെ ജാമ്യമില്ലാ വാറണ്ട്​ . നവംബർ നാലിന്​ കോടതിയിൽ ഹാജരാകണമെന്ന്​ ആവശ്യപ്പെട്ടാണ്​ വാറണ്ട്​. ഇന്ത്യയിൽ നിന്ന്​ മുങ്ങി ലണ്ടനിൽ കഴിയുന്ന മല്യക്ക്​ വാറണ്ട്​ അയച്ചുകൊടുക്കാൻ വിദേശകാര്യ മന്ത്രാലയത്തിന്​ കോടതി നിർദേശം നൽകി.

നിരവധി തവണ ഉത്തരവിട്ടിട്ടും കോടതിയിൽ ഹാജരാകാത്ത സാഹചര്യത്തിലാണ്​ വാറണ്ടയക്കുന്നതെന്ന്​ പട്യാലാ കോടതി വ്യക്​തമാക്കി. മല്യയുടെ ഉടമസ്​ഥതയിലുണ്ടായിരുന്ന കിങ്​ഫിഷർ വിമാനം ഡൽഹി വിമാനത്താവളം ഉപയോഗിച്ചതി​​െൻറ നിരക്കായി നൽകിയ വിവിധ ചെക്കുകൾ മടങ്ങിയതിനെ തുടർന്ന്​ഡൽഹി വിമാനത്താവള മാനേജ്​മെ​​ൻറാണ്​ കോടതിയെ സമീപിച്ചത്​.

ഇന്ത്യയിൽ വിവിധ ബാങ്കുകളിൽ നിന്ന്​ 9000 കോടിയുടെ വായ്​പയെടുത്ത്​ മുങ്ങിയ മല്യയുടെ പാസ്​പോർട്ട്​ വിദേശകാര്യ മന്ത്രാലയം റദ്ദാക്കിയിരുന്നു. മല്യയെ ഇന്ത്യയിലേക്ക്​ തിരിച്ച്​കൊണ്ടുവരാൻ എൻഫോഴ്​സ്​മെൻറ്​ ഡയറക്​ടറേറ്റ്​ ആലോചിച്ച്​ വരുന്നതിനിടയിലാണ്​ കോടതിയുടെ ജാമ്യമില്ലാ വാറൻ്​.