ലഷ്​കറെ ത്വയ്യിബക്ക്​ പാക്​ സൈന്യം സഹായം നൽകാറുണ്ടെന്ന്​ ബഹാദുർ അലി (Video)

ന്യൂഡൽഹി: പാകിസ്താനിലെ നിരോധിത സംഘടനയായ ലഷ്‌കറെ ത്വയ്യിബയിലെ ഭീകരര്‍ക്ക് പാക് സൈന്യം പരിശീലനം നല്‍കുന്നുണ്ടെന്ന് വെളിപ്പെടുത്തല്‍. കശ്മീരില്‍ നിന്നും കഴിഞ്ഞ മാസം പിടിയിലായ ലഷ്‌കര്‍ ഭീകരന്‍ ബഹദൂര്‍ അലിയാണ് ഇക്കാര്യം വെളിപ്പെടുത്തിയത്. അലിയുടെ വെളിപ്പെടുത്തലുകളുടെ വിഡിയോ എൻ.​െഎ.എ പുറത്ത്​ വിട്ടിട്ടുണ്ട്​.

കശ്മീരിലെ നിലവിലെ സംഘര്‍ഷാവസ്ഥ മുതലെടുത്ത് മേഖലയില്‍ നുഴഞ്ഞുകയറി  അശാന്തി പരത്താനായിരുന്നു ലഷ്‌കര്‍ നല്‍കിയ നിര്‍ദേശം. പാകിസ്​താനിൽ നിന്നും അഫ്​ഗാനിസ്​താനിൽ നിന്നുമുള്ള 30 മുതല്‍ 50 വരെ അംഗങ്ങള്‍ ക്യാമ്പിൽ ഉണ്ടാകാറുണ്ടെന്നാണ് ബഹദൂര്‍ അലി മൊഴി നൽകി. ലഷ്‌കര്‍ ക്യാമ്പുകള്‍ പാക് സേന സ്ഥിരമായി സന്ദര്‍ശിക്കാറുണ്ടെന്നും ഭീകരന്‍ വെളിപ്പെടുത്തി. മേജർസാഹിബെന്നും ,ക്യാപ്​റ്റൻ സാഹിബ്​ എന്നുമായിരുന്നു അവരെ വിശേഷിപ്പിച്ചിരുന്നതെന്ന്​ അലി വിഡിയോയിൽ വ്യക്​തമാക്കുന്നു.

ജൂൺ 11,അ​ല്ലെങ്കിൽ 12  തീയ്യതികളിലാണ്​ അലിയും രണ്ട്​ ഭീകരരും ഇന്ത്യയിലേക്ക്​ നു​ഴഞ്ഞ്​ കയറിയ​െതന്ന്​ എൻ.​െഎ.എ ​െഎ.ജി സഞജീവ്​ കുമാർ പറഞ്ഞു .അലിയിൽ നിന്ന്​ നേരത്തെ എ.കെ-47 തോക്ക്, ഗ്രനേഡ്, അത്യാധുനിക ആശയവിനിമയ സംവിധാനങ്ങള്‍ തുടങ്ങി നിരവധി ഉപകരണങ്ങള്‍ സൈന്യം പിടിച്ചെടുത്തിരുന്നു.

വിഡിയോ കടപ്പാട്: എൻ.ഡി ടിവി