സാകിര്‍ നായിക് വിവാദം ആര്‍.എസ്.എസ് അജണ്ടയിലും

ന്യൂഡല്‍ഹി: ഉത്തര്‍പ്രദേശ് തെരഞ്ഞെടുപ്പ് മുന്നില്‍ക്കണ്ട് ആര്‍.എസ്.എസ് കാണ്‍പൂരില്‍ സംഘടിപ്പിച്ച ദേശീയ നിര്‍വാഹക സമിതിയുടെ അജണ്ടയിലും സാകിര്‍ നായിക് വിവാദം. മഥുര അക്രമം, ദാദ്രി സംഭവം, കൈരാനയിലെ പലായനം എന്നിവക്കൊപ്പമാണ് സാകിര്‍ നായികിനെതിരായ പ്രചാരണങ്ങളും ആര്‍.എസ്.എസ് ചര്‍ച്ചചെയ്തത്. ഉത്തര്‍പ്രദേശിലെ രാഷ്ട്രീയ സ്ഥിതിഗതികളുമായി ബന്ധിപ്പിച്ചാണ് ഈ വിഷയങ്ങള്‍ സമിതി ചര്‍ച്ചചെയ്തതെന്ന് ആര്‍.എസ്.എസ് വൃത്തങ്ങള്‍ പറഞ്ഞു.
സാകിര്‍ നായിക് വിവാദവും മറ്റ് രണ്ട് വിഷയങ്ങളോടൊപ്പം ആര്‍.എസ്.എസ് ചര്‍ച്ചയാക്കുമെന്നാണ് യോഗം നല്‍കുന്ന സൂചന. ഇതടക്കം എട്ടുവിഷയങ്ങളാണ് സമിതി ചര്‍ച്ചചെയ്യുന്നത്.