സെൽഫി വിവാദം; വനിതാ കമീഷൻ അംഗം രാജി​െവച്ചു

ജെയ്​പൂർ: മാനഭംഗത്തിനിരയായ യുവതിയോടൊപ്പം സെൽഫിയെടുത്ത രാജസ്​ഥാൻ വനിതാ കമീഷൻ അംഗം സോമ്യ ഗുർജൻ രാജിവെച്ചു. സംഭവം വിവാദമായതോടെ വനിതാ കമ്മീഷൻ അധ്യക്ഷ ഇവരോട്​ വിശദീകരണം ആവശ്യപ്പെട്ടിരുന്നു. ഇൗ സന്ദർഭത്തിലാണ്​ രാജി. മാനഭംഗത്തിനിരയായ യുവതിയെ കാണാൻ ബുധനാഴ്​ചയാണ്​ സംസ്​ഥാന വനിതാ കമീഷൻ അധ്യക്ഷയായ സുമൻ ശർമയും കമീഷൻ അംഗം സോമ്യ ഗുർജറും വടക്കൻ ജെയ്​പൂരിലെ പൊലീസ്​ സ്​റ്റേഷനിലെത്തിയത്​.

ശേഷം സോമ്യ യുവതി​ക്കൊപ്പം സെൽഫിയെടുത്ത്​ സോഷ്യൽ മീഡിയയിൽ പോസ്​റ്റ്​ ചെയ്യുകയായിരുന്നു. ഇവരോടൊപ്പം കമീഷൻ അധ്യക്ഷയും സെൽഫിയിൽ മുഖം കാണിച്ചിട്ടുണ്ട്​. യുവതിയോട്​ സംസാരിക്കു​േമ്പാ​ഴാണ്​ കമീഷൻ അംഗം സെൽഫിയെടുത്തതെന്നും ഇത്​ താൻ അറിഞ്ഞില്ലെന്നുമാണ്​ സുമൻ ശർമ അവകാശപ്പെടുന്നത്​. സ്​ത്രീധനം നൽകാത്തതിന്​ ഭർത്താവും ഭർത്താവി​െൻറ സഹോദരന്മാരും മാനഭംഗം ചെയ്​തെന്ന്​ ആരോപിച്ചാണ്​ 30 കാരിയായ യുവതി പരാതി നൽകിയത്​.