സി.പി.ഐ ബിഹാർ സംസ്ഥാന സെക്രട്ടറി കോവിഡ്​ ബാധിച്ച്​ മരിച്ചു

പട്​ന: കോവിഡ്​ 19 വൈറസ്​ ബാധിച്ച്​ ചികിത്സയിലായിരുന്ന ബീഹാറിലെ സി.പി.​െഎ സംസ്ഥാന സെക്രട്ടറി സത്യ നാരായൺ സിങ്​ മരിച്ചു. ഞായറാഴ്ച രാത്രി 9.30ഒാടെയായിരുന്നു മരിച്ചത്​. 77 വയസ്സുണ്ടായിരുന്ന അദ്ദേഹം രണ്ടുതവണ എം.എൽ.എയായിരുന്നു. ജുലൈ 30നായിരുന്നു അദ്ദേഹത്തെ പട്​നയിലുള്ള എയിംസ്​ ആശുപത്രിയിൽ പ്രവേശിപ്പിച്ചത്​.

ഇടതുപക്ഷ പ്രസ്ഥാനത്തിന്​​ വലിയ നഷ്​ടമാണ്​ സത്യ നാരായൺ സിങ്ങി​െൻറ വിയോഗമെന്ന്​ സി.പി.​െഎ ജനറൽ സെക്രട്ടറി ഡി. രാജ പറഞ്ഞു. സംസ്ഥാനം അസംബ്ലി തെരഞ്ഞെടുപ്പിന്​ തയാറെടുക്കുന്ന സമയത്ത്​ കൂടിയാണ്​ സത്യ നാരായൺ സിങ്ങി​െൻറ മരണം.