കോവിഡ്​ബാധിതർ 20 ലക്ഷം കടന്നു, മോദി സർക്കാറിനെ കാണാനുമില്ല -രാഹുല്‍ ഗാന്ധി

ന്യൂഡല്‍ഹി: രാജ്യത്തെ കോവിഡ്​ ബാധിതരു​െട എണ്ണം 20 ലക്ഷത്തിലേക്ക് കടക്കവേ മോദി സർക്കാറി​നെതി​െര രൂക്ഷ വിമർശനവുമായി കോണ്‍ഗ്രസ് എം.പി രാഹുല്‍ ഗാന്ധി. രോഗവ്യാപനം കൂടുമ്പോള്‍ മോദി സര്‍ക്കാരിനെ കാണാനില്ലെന്ന്​ രാഹുല്‍ ട്വിറ്ററില്‍ കുറിച്ചു. ' കോവിഡ്​ 20 ലക്ഷം കടക്കു​േമ്പാൾ മോദി സർക്കാറിനെ കാണാനേയില്ല''- രാഹുൽ ഗാന്ധി ട്വീറ്റ്​ ​െചയ്​തു.

ആഗസ്​റ്റ്​ 10 ആകു​േമ്പാഴേക്കും ഇന്ത്യയിൽ കോവിഡ്​ രോഗികളുടെ എണ്ണം 20 ലക്ഷം കടക്കുമെന്ന്​ രാഹുൽ നേരത്തെ ട്വീറ്റ്​ ചെയ്​തിരുന്നു. ഈ ട്വീറ്റ്​ പങ്കുവെച്ചുകൊണ്ടാണ്​ രോഗവ്യാപനമുണ്ടായപ്പോൾ മോദി സർക്കാർ അപ്രത്യക്ഷമായെന്ന വിമർശനം.

ജൂലൈ 17 ന് കോവിഡ് രോഗികളുടെ എണ്ണം 10 ലക്ഷം കടന്നപ്പോഴായിരുന്നു രാഹുൽ രോഗബാധിതരുടെ എണ്ണം 20 ലക്ഷം കടക്കുമെന്ന്​ ട്വീറ്റ് ചെയ്​തത്​. രോഗവ്യാപനം തടയാൻ സർക്കാർ കൃത്യമായ പദ്ധതികൾ തയാറാക്കണമെന്നും രാഹുൽ ട്വിറ്റിലൂടെ ആവശ്യപ്പെട്ടിരുന്നു.

കേന്ദ്ര ആരോഗ്യമന്ത്രാലയത്തി​െൻറ കണക്ക്​ പ്രകാരം 1.96 ദശലക്ഷം പേർക്കാണ്​ രോഗം സ്ഥിരീകരിച്ചത്. ലോകത്ത് ദിനംപ്രതി ഏറ്റവും കൂടുതല്‍ കോവിഡ് രോഗികള്‍ ഉണ്ടാകുന്നത് ഇന്ത്യയിലാണ്.