രാമക്ഷേത്രം: ആര്‍.എസ്.എസി​െൻറ 30 വര്‍ഷത്തെ ശ്രമം ഫലം കണ്ടു -മോഹന്‍ ഭഗവത്

ന്യൂഡല്‍ഹി: അയോധ്യയിൽ രാമക്ഷേത്ര ഭൂമി പൂജ നട​ന്നതോടെ ആര്‍.എസ്.എസി​െൻറ കഴിഞ്ഞ 30 വര്‍ഷത്തെ ശ്രമമാണ്​ ഫലം കണ്ടതെന്ന്​ ആര്‍.എസ്.എസ് അധ്യക്ഷന്‍ മോഹന്‍ ഭഗവത്. ഭൂമി പൂജ ചടങ്ങില്‍ സംസാരിക്കുകയായിരുന്നു അദ്ദേഹം.

20 - 30 വര്‍ഷമെടുത്ത് മാത്രമേ നമ്മുടെ ലക്ഷ്യം സാക്ഷാത്കരിക്കാനാവൂ എന്ന് അന്നത്തെ ആര്‍.എസ്.എസ് അധ്യക്ഷന്‍ ബാലാസാഹേബ് ദിയോറസ് പറഞ്ഞിരുന്നു. 30ാം വര്‍ഷത്തി​െൻറ ആരംഭത്തില്‍തന്നെ നമ്മുടെ ശപഥം നിറവേറ്റിയതി​െൻറ ആഹ്ലാദം അനുഭവിക്കാന്‍ നമുക്ക് സാധിച്ചിരിക്കുന്നു -മോഹന്‍ ഭഗവത് പറഞ്ഞു.