കലോല്‍സവ കോഴ: തെളിവുകളുമില്ല, പരാതിക്കാരുമില്ല

തിരുവനന്തപുരം:ജില്ലാസ്കൂള്‍ കലോല്‍സവങ്ങളില്‍ വിധികര്‍ത്താക്കളെ സ്വാധീനിക്കാനായി കോഴ നല്‍കിയെന്ന ആരോപണങ്ങളില്‍ പരാതിക്കാര്‍ ആരുമില്ല. മാധ്യമ വാര്‍ത്തകളെ തുടര്‍ന്ന് പൊതുവിദ്യാഭ്യാസ ഡയറക്ടര്‍ നല്‍കിയ ഒരു പരാതിമാത്രമാണ് ഇപ്പോള്‍ വിജിലന്‍സിന് മുന്നിലുള്ളത്.വിജിലന്‍സ് എ.ഡി.ജി.പിയുടെ മുന്നിലത്തെിയ ഈ പരാതിയില്‍ തുടര്‍നടപടികള്‍ ഒന്നും സ്വീകരിച്ചിട്ടില്ല. നേരത്തെ ചാനലുകളിലൂടെ പ്രതികരിച്ചിരുന്ന് ചില രക്ഷിതാക്കളും അധ്യാപകരുാെമന്നും പരാതിയോ തെളിവോ നല്‍കാന്‍ തയറായിട്ടില്ല.
അതിനിടെ സംസ്ഥാന കലോല്‍സവത്തിലും കോഴയും ഇടനിലക്കാരുമുണ്ടെന്ന റിപ്പോര്‍ട്ടുകളെ തുടര്‍ന്ന് പൊതുവിദ്യാഭ്യാസ വകുപ്പ് ഇന്‍റലിജന്‍സിന് വിവരം കൈമാറയിരുന്നു.ഇതിന്‍െറ പ്രാഥമിക അന്വേഷണത്തിനലും തുമ്പൊന്നും കിട്ടിയിട്ടില്ല.