കാലിക്കറ്റ് സിന്‍ഡിക്കേറ്റ് യോഗത്തില്‍ നാടകീയ രംഗങ്ങള്‍

തേഞ്ഞിപ്പലം: യു.ഡി.എഫ് നിയന്ത്രിക്കുന്ന കാലിക്കറ്റ് സ൪വകലാശാലാ സിൻഡിക്കേറ്റ് യോഗത്തിൽ വി.സിയും അംഗങ്ങളും തമ്മിൽ രൂക്ഷ വാക്കേറ്റം. വി.സിയും പ്രോ വി.സിയും ചേ൪ന്ന് സ൪വകലാശാലയിൽ ഏകാധിപത്യം നടപ്പാക്കുന്നുവെന്ന് ആരോപിച്ച് അംഗങ്ങൾ യോഗം ബഹിഷ്കരിച്ചു.
അജണ്ട നേരത്തേ നൽകാത്തതും രജിസ്ട്രാ൪ സെലക്ഷൻ കമ്മിറ്റിയിൽ പ്രോ വി.സിയെ ഉൾപ്പെടുത്തിയതുമാണ് അംഗങ്ങളെ ചൊടിപ്പിച്ചത്. കോൺഗ്രസ്, ലീഗ് അംഗങ്ങളെല്ലാവരും ഇറങ്ങിപ്പോയതോടെ യോഗം നി൪ത്തിവെച്ചു.
വ്യാഴാഴ്ച ഉച്ചക്കുശേഷം രണ്ടരക്കാണ് സിൻഡിക്കേറ്റ് യോഗം ആരംഭിച്ചത്. അജണ്ട നൽകാത്തത് യോഗം നി൪ത്തിവെച്ച് ച൪ച്ച ചെയ്യണമെന്ന് സിൻഡിക്കേറ്റംഗം ടി.പി അശ്റഫലി ആവശ്യപ്പെട്ടു. അജണ്ട നൽകാതിരിക്കുന്നതിനു പിന്നിൽ ദുരൂഹതയുണ്ടെന്നും അദ്ദേഹം പറഞ്ഞു. വി.സിയും പ്രോ വി.സിയും ഏകാധിപത്യം കളിക്കുകയാണെന്നും ഇത് വിലപ്പോവില്ലെന്നും ടി.വി. ഇബ്രാഹീമും ആഞ്ഞടിച്ചു. ഇതോടെ ബഹളമായി. ഉന്നത വിദ്യാഭ്യാസ കൗൺസിൽ മെംബ൪ സെക്രട്ടറി കൂടിയായ ഡോ.പി.അൻവ൪, ഡോ. സൈനുൽ ആബിദ് കോട്ട, അഡ്വ. ജി.സി പ്രശാന്ത് കുമാ൪, ഡോ. ടി.പി. അഹമ്മദ്, ആ൪.എസ്. പണിക്ക൪ എന്നിവരും വി.സിക്കെതിരെ തിരിഞ്ഞു. രജിസ്ട്രാ൪ സെലക്ഷൻ കമ്മിറ്റിയുണ്ടാക്കിയത് സിൻഡിക്കേറ്ററിഞ്ഞില്ലെന്നും അംഗങ്ങൾ ചൂണ്ടിക്കാട്ടി. ഇതിനിടെ, സെലക്ഷൻ കമ്മിറ്റിയംഗമായ കെ.എ. സിറാജ് സമിതിയിൽ ഉണ്ടാകില്ലെന്ന് യോഗത്തെ അറിയിച്ചു.
ബഹളമായതോടെ സെക്യൂരിറ്റി ജീവനക്കാരെ വിളിപ്പിച്ചു. എന്നാൽ, ഇവരെ അകത്തുകടക്കാൻ അനുവദിക്കാതെ സിൻഡിക്കേറ്റംഗങ്ങൾ വാതിലടച്ചു. പൊലീസിനെ വിളിപ്പിക്കാനുള്ള നീക്കവും അംഗങ്ങൾ ചെറുത്തു തോൽപ്പിച്ചു.
ഇതോടെ, അകത്ത് ആക്രോശങ്ങളും ഭീഷണി സ്വരങ്ങളുമായി. മിനിറ്റുകൾക്കകം അംഗങ്ങൾ ഒന്നടങ്കം പുറത്തേക്കിറങ്ങി.
ഇതിനിടെ, രണ്ട് അംഗങ്ങൾ ഭീഷണിപ്പെടുത്തിയെന്ന് ആരോപിച്ച് ജീവനക്കാ൪ വി.സിക്ക് പരാതി നൽകി. പരാതി പൊലീസിന് കൈമാറുന്നതോടെ സിൻഡിക്കേറ്റംഗങ്ങളും വി.സിയും തമ്മിലുള്ള ചേരിപ്പോര് പുതിയ ദിശയിലെത്തും.
വി.സിയും പ്രോ വി.സിയും ചില കരാ൪ ജീവനക്കാരും ചേ൪ന്ന് ഏകാധിപത്യം നടപ്പാക്കുകയാണെന്ന് സിൻഡിക്കേറ്റംഗങ്ങൾ പിന്നീട് വാ൪ത്താസമ്മേളനത്തിൽ കുറ്റപ്പെടുത്തി. അജണ്ടയിലും മിനുട്സിലും കൃത്രിമം കാണിക്കാനാണ് പ്രോ വി.സിയുടെ ഓഫിസ് ശ്രമിക്കുന്നതെന്നും ഇവ൪ പറഞ്ഞു. 15 പേരിൽ 14 സിൻഡിക്കേറ്റംഗങ്ങളും വാ൪ത്താസമ്മേളനത്തിൽ പങ്കെടുത്തു.

സിൻഡിക്കേറ്റംഗങ്ങളുടെ ലക്ഷ്യം ഭയപ്പെടുത്തി കാര്യം നേടൽ -സ൪വകലാശാല

തേഞ്ഞിപ്പലം: ഭയപ്പെടുത്തി കാര്യം നേടിയെടുക്കാനാണ് ഏതാനും സിൻഡിക്കേറ്റംഗങ്ങൾ ശ്രമിക്കുന്നതെന്ന് സ൪വകലാശാലയുടെ വിശദീകരണം.
സി.എൽ.ആ൪മാരെ ഇൻറ൪വ്യൂവില്ലാതെ ലാസ്റ്റ് ഗ്രേഡ് നിയമനത്തിന് പരിഗണിക്കുന്നത് ചില൪ ആദ്യമേ എതി൪ത്തു. വി.സി ഇക്കാര്യത്തിൽ ഉറച്ചു നിന്നതോടെ ഭീഷണിപ്പെടുത്താൻ ശ്രമം നടത്തുകയാണെന്നും സ൪വകലാശാല വാ൪ത്താക്കുറിപ്പിൽ വ്യക്തമാക്കി.
യോഗ സമയത്താണ് അജണ്ട ലഭിച്ചതെന്ന ആരോപണം തെറ്റാണ്. ഏപ്രിൽ 20ന് വി.സിയുടെ ചേംബറിൽ ചേ൪ന്ന യോഗത്തിൽ അജണ്ട ച൪ച്ച ചെയ്തതാണ്. എട്ട് സിൻഡിക്കേറ്റംഗങ്ങൾ അന്ന് പങ്കെടുത്തിരുന്നു.സിൻഡിക്കേറ്റ് യോഗത്തിൽ തെറ്റായ നീക്കങ്ങളാണ് അംഗങ്ങൾ നടത്തിയത്. ഹാളിലെ കാമറ ജി.സി. പ്രശാന്ത് കുമാ൪ ഓഫാക്കി വൈസ് ചാൻസല൪ക്ക് നേരെ നീങ്ങി. സീറ്റിലിരുന്ന് ആവശ്യമുന്നയിച്ചാൽ മതിയെന്നും കൈയേറ്റം വേണ്ടായെന്നും ആ൪.എസ്. പണിക്ക൪ അപ്പോൾ പറയുന്നുണ്ടായിരുന്നു.
വി.സിയുടെ സുരക്ഷക്ക് ഏ൪പ്പെടുത്തിയ പൊലീസ് ഉദ്യോഗസ്ഥനെയും പുറത്താക്കാൻ അംഗങ്ങൾ ശ്രമിച്ചു. വി.സിയെ പുറത്തിറങ്ങാൻ സമ്മതിക്കില്ലെന്നും ചില൪ ഭീഷണിപ്പെടുത്തി.
ഉന്നത വിദ്യാഭ്യാസ കൗൺസിലിൻെറ മെംബ൪ സെക്രട്ടറി എന്ന നിലയിൽ യോഗത്തിൽ സംബന്ധിച്ച ഡോ. പി.അൻവറും ബഹളത്തിൽ പങ്കെടുത്തത് ദൗ൪ഭാഗ്യകരമാണെന്ന് വൈസ് ചാൻസല൪ ഡോ. എം.അബ്ദുസ്സലാം ചൂണ്ടിക്കാട്ടി.