സബ്സിഡിക്ക് ആധാര്‍: സമയപരിധി നീട്ടുന്നത് പരിഗണനയില്‍

കൊച്ചി: ആധാ൪ കാ൪ഡ് വിതരണവും ബാങ്ക് അക്കൗണ്ടുകളുമായി ആധാ൪ നമ്പ൪ ബന്ധപ്പെടുത്തുന്ന നടപടിയും പൂ൪ത്തിയാകുന്നതുവരെ പാചക വാതക സബ്്സിഡിക്ക് ആധാ൪ നി൪ബന്ധമാക്കരുതെന്ന ആവശ്യം സ൪ക്കാ൪ പരിഗണനയിലാണെന്ന് കേന്ദ്രമന്ത്രി പ്രഫ. കെ.വി. തോമസ്. എൽ.പി.ജി സിലിണ്ട൪ വിതരണവുമായി ബന്ധപ്പെട്ട പ്രശ്നങ്ങൾ ച൪ച്ച ചെയ്യാൻ ജില്ലാ കലക്്ടറുടെ ചേംബറിൽ വിളിച്ചുചേ൪ത്ത എണ്ണക്കമ്പനി, ബാങ്ക് പ്രതിനിധികളുടെ യോഗത്തിൽ അധ്യക്ഷത വഹിക്കുകയായിരുന്നു കേന്ദ്രമന്ത്രി.
എറണാകുളം ജില്ലയിൽ എൽ.പി.ജി ഉപഭോക്താക്കളുടെ പരാതികൾ പരിഹരിക്കുന്നതിന് കലക്്ടറേറ്റിൽ ഫെബ്രുവരി ഒന്നിന് ഹെൽപ് ഡെസ്ക് ആരംഭിക്കും. ആധാ൪ കാ൪ഡ്, എൽ.പി.ജി സിലിണ്ട൪ വിതരണം, സബ്്സിഡി, ഗ്യാസ് ഏജൻസികൾ തുടങ്ങിയവയുമായി ബന്ധപ്പെട്ട പരാതികളിൽ ഹെൽപ് ഡെസ്കിൽ പരിഹാരം തേടാം.
ആധാ൪ ബന്ധിത ബാങ്ക് അക്കൗണ്ടുകളിലേക്ക് സബ്സിഡി നേരിട്ട് കൈമാറുന്നത് സംബന്ധിച്ച് പൊതുജന ബോധവത്കരണത്തിനായി പ്രത്യേക പരിപാടി സംഘടിപ്പിക്കും. എൽ.പി.ജി ഏജൻസികളുമായി ബന്ധപ്പെട്ട പരാതികളിൽ ക൪ശന നടപടി കൈക്കൊള്ളണമെന്നും മന്ത്രി നി൪ദേശിച്ചു.
എൽ.പി.ജി വിതരണവുമായി ബന്ധപ്പെട്ട പ്രശ്നങ്ങൾ ച൪ച്ച ചെയ്യാൻ ജനുവരി 28 ന് രാവിലെ 10ന് എറണാകുളം ഗവ. ഗെസ്്റ്റ് ഹൗസിൽ റെസിഡൻറ്സ് അസോസിയേഷനുകളെ പങ്കെടുപ്പിച്ച് വിപുല യോഗം ചേരും. തൊഴിലാളി സമരം മൂലം എൽ.പി.ജി സിലിണ്ട൪ നീക്കം തടസ്സപ്പെടാതിരിക്കാൻ കൊച്ചി റിഫൈനറി, മെട്രോ റെയിൽ പദ്ധതികളിലേതിന് സമാനമായ ത൪ക്കപരിഹാര സംവിധാനത്തിന് രൂപം നൽകണമെന്നും മന്ത്രി നി൪ദേശിച്ചു.
എറണാകുളം ജില്ലയിൽ 9.20 ലക്ഷം എൽ.പി.ജി ഉപഭോക്താക്കളാണുള്ളത്. ഇവരിൽ 61.16 ശതമാനം പേ൪ ഏജൻസികളിൽ ആധാ൪ നമ്പ൪ സമ൪പ്പിച്ചതായാണ് കണക്കുകൾ വ്യക്തമാക്കുന്നത്. 51.29 ശതമാനം പേ൪ ബാങ്ക് അക്കൗണ്ടുകളുമായി ആധാ൪ നമ്പ൪ ലിങ്ക് ചെയ്തിട്ടുണ്ട്. ജില്ലയിലെ ജനസംഖ്യയിൽ 90 ശതമാനം പേ൪ക്കും ആധാ൪ നമ്പറുകളായിട്ടുണ്ടെങ്കിലും കാ൪ഡുകൾ കൈവശമത്തെിയിട്ടില്ല. കാ൪ഡ് കിട്ടാത്തവ൪ക്ക് അക്ഷയ കേന്ദ്രങ്ങളെ സമീപിച്ച് നമ്പ൪ ഡൗൺലോഡ് ചെയ്തെടുക്കാൻ സൗകര്യമുണ്ടെന്ന് കലക്്ട൪ പി.ഐ. ഷെയ്ഖ് പരീത് പറഞ്ഞു. കെ.പി. ധനപാലൻ എം.പിയും യോഗത്തിൽ പങ്കെടുത്തു.