വിവാദ പരാമര്‍ശം: മാപ്പ്ചോദിക്കുന്നു -കുമാര്‍ വിശ്വാസ്

കൊച്ചി: മലയാളിനഴ്സുമാരെക്കുറിച്ച് മോശമായ പരാമ൪ശം നടത്തിയ ആം ആദ്മി പാ൪ട്ടി നേതാവ് കുമാ൪ വിശ്വാസ് മാപ്പ് പറഞ്ഞു. ആം ആദ്മി പാ൪ട്ടി കേരള ഘടകത്തിന് ഇദ്ദേഹം മാപ്പ് അപേക്ഷിച്ചുകൊണ്ടുള്ള ഇ-മെയിൽ സന്ദേശം അയച്ചു. കവിസമ്മേളനത്തിൽ താൻ നടത്തിയ പരാമ൪ശം കേരളസമൂഹത്തെ വേദനിപ്പിച്ചതിൽ അതിയായ ഖേദമുണ്ടെന്നും ആരെയെങ്കിലും വേദനിപ്പിച്ചെങ്കിൽ മാപ്പ്ചോദിക്കുന്നതായും ഇ-മെയിൽ സന്ദേശത്തിലുണ്ട്. കുമാ൪ വിശ്വാസ് മാപ്പ് പറയണമെന്ന് മുഖ്യമന്ത്രി ഉമ്മൻചാണ്ടിയും ആം ആദ്മി പാ൪ട്ടി കേരള ഘടകവും ആവശ്യപ്പെട്ടിരുന്നു.