കല്‍പറ്റയില്‍ എം.ഐ ഷാനവാസിനെതിരെ പോസ്റ്ററുകള്‍

കൽപറ്റ: യു.ഡി.എഫ് സ്ഥാനാ൪ത്ഥി എം.ഐ ഷാനവാസിനെതിരെ കൽപറ്റയിൽ പോസ്റ്ററുകൾ. ഷാനവാസ് പരാജയപ്പെട്ടാൽ അതിന്‍്റെ ഉത്തരവാദിത്വം ഹൈകമാൻഡിനും ആഭ്യന്തരമന്ത്രി രമേശ് ചെന്നിത്തലക്കും ഡി.സി.സിക്കുമായിരിക്കുമെന്ന മുന്നറിയിപ്പുമായാണ് ഇന്നു രാവിലെ പോസ്റ്റുകൾ പ്രത്യക്ഷപ്പെട്ടിരിക്കുന്നത്. ചില പോസ്റ്ററുകളിൽ ഹൈകമാൻഡ് എന്ന ഭാഗത്ത് സ്റ്റിക്കറൊട്ടിച്ച് മറച്ചിട്ടുണ്ട്.
സേവ് കോൺഗ്രസ് ഫോറത്തിന്‍്റെ പേരിലാണ് പോസ്റ്ററുകൾ പതിച്ചിട്ടുള്ളത്. രമേശ് ചെന്നിത്തലയും മുസ്ലിം ലീഗ് ജനറൽ സെക്രട്ടറി കെ.പി.എ മജീദും പങ്കെടുക്കുന്ന യു.ഡി.എഫ് തെരഞ്ഞെടുപ്പ് കമ്മറ്റിയുടെ കൺവെൻഷൻ നടക്കാനിരിക്കുന്ന കൽപറ്റയിലെ വേദിക്കു സമീപമാണ് പോസ്റ്ററുകൾ പ്രത്യക്ഷപ്പെട്ടിരിക്കുന്നത്.