കഴക്കൂട്ടം-മുക്കോല നാലുവരി ദേശീയപാതക്ക് ഉടന്‍ അംഗീകാരം

ന്യൂഡൽഹി: കഴക്കൂട്ടം-മുക്കോല നാലുവരി ദേശീയപാതക്ക് കേന്ദ്രമന്ത്രിസഭ ഉടൻ അംഗീകാരം നൽകുമെന്നു റിപ്പോ൪ട്ട്. ഇതുസംബന്ധിച്ച് മന്ത്രിസഭാ യോഗത്തിൽ അവതരിപ്പിക്കാനുള്ള കുറിപ്പ് കേന്ദ്ര ഉപരിതല മന്ത്രാലയം തയാറാക്കി. അടുത്ത മന്ത്രിസഭാ യോഗത്തിൽ പദ്ധതിക്ക് അംഗീകാരം നൽകിയേക്കും.

കഴക്കൂട്ടം-മുക്കോല നാലുവരി ദേശീയപാതക്ക് 587 കോടി രൂപയാണ് ചെലവ് കണക്കാക്കുന്നത്. പദ്ധതി യാഥാ൪ഥ്യമാകുന്നതോടെ തിരുവനന്തപുരം ടെക്നോപാ൪ക്ക്, വിമാനത്താവളം എന്നീ സ്ഥലങ്ങളിലേക്കുളള യാത്ര സുഗമമാകും. 45 മീറ്റ൪ വീതിയിലായിരിക്കും പാതയുടെ നി൪മാണം.

കഴക്കൂട്ടം-മുക്കോല ദേശീയപാത അടക്കം ഏഴ് ദേശീയ പാതകൾക്ക് അംഗീകാരം നൽകാനാണ് കേന്ദ്രസ൪ക്കാ൪ തീരുമാനം. ദേശീയപാത വികസനത്തിനായി 16,000 കോടി രൂപയുടെ ചെലവ് കണക്കാക്കുന്നു.