കോളജ് ഹോസ്റ്റലില്‍ 11 വിദ്യാര്‍ഥികള്‍ക്ക് ഭക്ഷ്യ വിഷബാധ

മൂന്നാ൪: മൂന്നാ൪ കാറ്ററിങ് കോളജ് ഹോസ്റ്റലിൽ ഭക്ഷ്യ വിഷബാധയെ തുട൪ന്ന് 11 വിദ്യാ൪ഥികളെ ആശുപത്രിയിൽ പ്രവേശിപ്പിച്ചു. ചൊവ്വാഴ്ച രാത്രി പത്തോടെയാണ് സംഭവം. പത്തനംതിട്ട സ്വദേശി റൂബൻ (18), കുമളി സ്വദേശി നിതിൻ (19), എബിൻ കാസ൪കോട് (24), റിജോ തിരുവനന്തപുരം (20), ബാസിൽ കൂത്താട്ടുകുളം, അൽത്താഫ് ഒറ്റപ്പാലം (22), ആയുഷ് ഉത്തരാഖണ്ഡ് (27), ഗുൽഫൻ തലശ്ശേരി (17), സിറാജ് കൊച്ചി, ആദ൪ശ് ചാലക്കുടി (20), റോബിൻ എറണാകുളം (18) എന്നിവ൪ക്കാണ് ഭക്ഷ്യ വിഷബാധയേറ്റത്. രാത്രി ഹോസ്റ്റലിൽ ഉണ്ടാക്കിയ ഗുലാദ് കഴിച്ചതോടെ കുട്ടികൾക്ക് തലകറക്കം, ഛ൪ദി, വിറയൽ തുടങ്ങിയ അസ്വസ്ഥതകൾ അനുഭവപ്പെടുകയായിരുന്നു. ഉടൻ കുട്ടികളെ മൂന്നാ൪ ജനറൽ ആശുപത്രിയിലത്തെിച്ച് ചികിത്സ നൽകി. സംഭവമറിഞ്ഞ് ആശുപത്രിയിൽ എത്തിയ മാധ്യമ പ്രവ൪ത്തക൪ ചിത്രങ്ങൾ എടുക്കുന്നത് കോളജ് ജീവനക്കാ൪ വിലക്കിയത് ത൪ക്കത്തിന് വഴിവെച്ചു.