മലയാളികളുടെ സ്വന്തം മഞ്ജു വാര്യര്‍

കലോത്സവ വേദികള്‍ മലയാളിക്ക് നല്‍കിയ സംഭാവനയാണ് നടി മഞ്ജു വാര്യര്‍. സംസ്ഥാന സ്കൂള്‍ കലോത്സവത്തില്‍ രണ്ടു തവണയാണ് മഞ്ജു കലാതിലകമായത്. ആറാം ക്ലാസ് മുതല്‍ തുടര്‍ച്ചയായി സംസ്ഥാന കലോത്സവത്തില്‍ പങ്കെടുത്തു. ഒരുതവണ മാത്രമാണ് വിട്ടുനില്‍ക്കേണ്ടി വന്നത്.

കലോത്സവ വേദിയിൽ മഞ്ജു വാരിയർ

 

മഞ്ജുവിന്‍െറ പഠനം കണ്ണൂരിലായിരുന്നു. കണ്ണൂര്‍ ചിന്മയ വിദ്യാലയത്തില്‍ ഏഴാം ക്ലാസ് വിദ്യാര്‍ഥിയായിരിക്കെയാണ് മഞ്ജു ആദ്യമായി കലാതിലകമാകുന്നത്. കണ്ണൂര്‍ മേലെ ചൊവ്വ ഗവ. എച്ച്.എസ്.എസിലെ 10ാം ക്ലാസ് വിദ്യാര്‍ഥിയായിരിക്കെ വീണ്ടും കലാതിലകമായി. 1995ല്‍ മഞ്ജു രണ്ടാമത് കലാതിലകമായപ്പോള്‍ കണ്ണൂരിലാണ് കലോത്സവം നടന്നത്.