കടയിലെത്തിയ സ്​ത്രീ സാധനങ്ങളിൽ നക്കി; 1.37 ലക്ഷത്തി​െൻറ സാധനങ്ങൾ നശിപ്പിച്ചു

ലോസ്​ഏഞ്ചൽസ്​ (യു.എസ്​): കോവിഡ്​ ഭീതി നിലനിൽക്കുന്ന സാഹചര്യത്തിൽ സൂപ്പർമാർക്കറ്റിലെത്തിയ സ്​ത്രീ വിൽപന സാ ധനങ്ങളിൽ നക്കി. ഏകദേശം 1.37 ലക്ഷം രൂപയുടെ (1800 ഡോളർ) സാധനങ്ങളാണ്​ ഇവർ നക്കിവെച്ചത്​. സംഭവത്തിൽ കാലിഫോർണിയയിൽ നിന്നുള്ള 53 കാരി ജെന്നിഫർ വാക്കറിനെ പൊലീസ്​ അറസ്​റ്റ്​ ചെയ്​തു.

സൂപ്പർ മാർക്കറ്റി​െലത്തിയ സ്​ത്രീ ദുരൂഹമായി പെരുമാറുന്നെന്ന്​ വിളിച്ചറിയിച്ചതിനെ തുടർന്നാണ്​ പൊലീസ്​ അവിടെ എത്തുന്നത്​. പൊലീസ്​ എത്തു​േമ്പാൾ സാധനങ്ങൾ അവരുടെ കൂടയിൽ നിറച്ച നിലയിലായിരുന്നു. മാംസവും മദ്യവും ആഭരണങ്ങളുമെല്ലാം അതിലുണ്ടായിരുന്നു. എന്നാൽ, ഇവ പണം കൊടുത്ത്​ വാങ്ങാനുള്ള ഉ​ദ്ദേശ്യം അവർക്കുണ്ടായിരുന്നില്ല.

സാധനങ്ങളിലെല്ലാം നക്കിയ ശേഷമാണ്​ അവർ കൂടയിൽ നിറച്ചതെന്ന്​ സൂപ്പർ മാർക്കറ്റ്​ ജീവനക്കാർ പറഞ്ഞു. കോവിഡ്​ ഭീതി മൂലം സാധനങ്ങളെല്ലാം പിന്നീട്​ നശിപ്പിച്ചു. സ്​ത്രീയെ പൊലീസ്​ അറസ്​റ്റ്​ ചെയ്​ത്​ കൊണ്ടു പോയി.