ഭാര്യയെ വെട്ടിക്കൊന്ന ശേഷം റിട്ട. പൊലീസുകാരൻ തൂങ്ങിമരിച്ചു

തിരുവനന്തപുരം: വട്ടിയൂർക്കാവിൽ ഭർത്താവിൻെറ വെ​ട്ടേറ്റ റിട്ടയേർഡ്​ പൊലീസുകാരി മരിച്ചു. റിട്ട. ഹെഡ്​ കോൺസ്​റ്റബ്​ൾ ലീലയാണ്​ മരിച്ചത്​. ഭാര്യയെ വെട്ടിയ ശേഷം ഭർത്താവ്​ റിട്ട. എ.എസ്​.ഐ ​െപാന്നൻ വീടിന്​ സമീപത്തെ പ്ലാവിൽ തൂങ്ങിമരിച്ചു. വട്ടിയൂർകാവ്​ തൊഴുവൻ കോടാണ്​ സംഭവം.  

ഇന്നലെ ബന്ധുവിന്‍റെ വീട്ടിലായിരുന്ന പൊന്നന്‍ വെള്ളിയാഴ്​ച രാവിലെ വീട്ടിലെത്തിയപ്പോള്‍ ലീലയുമായി വഴക്കുണ്ടായി. ഭാര്യയെ വെട്ടിപ്പരിക്കേല്‍പ്പിച്ച ശേഷം വീടിന് സമീപത്തെ പ്ലാവില്‍ തൂങ്ങിമരിക്കുകയായിരുന്നു. ലീലയെ തിരുവനന്തപുരം മെഡിക്കല്‍ കോളജിലെത്തിച്ചെങ്കിലും രക്ഷിക്കാനായില്ല.

ഇരുവരും തമ്മിൽ സ്വത്തിൻെറ കാര്യത്തിൽ അസ്വാരസ്യങ്ങൾ ഉണ്ടായിരുന്നതായാണ്​ വിവരം. ഇരുവരും തമ്മില്‍ പ്രശ്നങ്ങളുണ്ടായിരുന്നുവെന്ന് പൊലീസ് പറഞ്ഞു. വീടിനെ ചൊല്ലിയുള്ള തര്‍ക്കമാണ് സംഭവത്തിലേക്ക് നയിച്ചത്. രണ്ട് മക്കളുണ്ട്.