ദീപാലങ്കാരത്തിനിടെ ടെറസിൽ നിന്ന് വീണ് ഇലക്ട്രീഷ്യൻ മരിച്ചു

കുന്നുകര: പള്ളിപ്പെരുനാളിനോടനുബന്ധിച്ച് സുഹൃത്തി​െൻറ വീട്ടിൽ ദീപാലങ്കാരത്തിനെത്തിയ ഇലക്ട്രീഷ്യൻ ടെറസിൽനിന്ന് വീണ് മരിച്ചു. കുന്നുകര അയിരൂർ ആറ്റുപുറം എടയ്ക്കാട്ടുപറമ്പിൽ വീട്ടിൽ അയ്യപ്പൻ കുട്ടിയുടെ മകൻ ദിലീപാണ് (48) മരിച്ചത്.

ശനിയാഴ്ച സന്ധ്യയോടെയായിരുന്നു അപകടം. ഉടനെ ആശുപത്രിയിലെത്തിച്ചെങ്കിലും വഴിമധ്യേ മരിച്ചു.

അമ്മ: വാസന്തി. ഭാര്യ: അശ്വതി. മക്കൾ: അദ്വൈത്, ശ്വേത.