തൊഴിലാളി കിണറിൽ വീണുമരിച്ചു

ആലുവ: തൊഴിലാളി കിണറിൽ വീണു മരിച്ചു. കിണർ വൃത്തിയാക്കുന്നതിനിടെയായിരുന്നു അപകടം.

കുന്നത്തേരി പുളിമൂട്ടിൽ വീട്ടിൽ പി.കെ. ഉണ്ണിയാണ് (65) മരിച്ചത്. വെള്ളിയാഴ്ച ഉച്ചക്ക്​ ശേഷം തായിക്കാട്ടുകരയിലെ വീട്ടിലെ കിണറിൽ ഇറങ്ങുമ്പോൾ കാൽവഴുതി വീഴുകയായിരുന്നു.

ഉടൻ ആലുവയിലെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചിരുന്നു. ഭാര്യ: കൗസല്യ. മക്കൾ: രാജേഷ്, രാഗേഷ്, രേഷമ.