വഴിയാത്രികൻ കാറിടിച്ചു മരിച്ചു

കോതമംഗലം: കൊച്ചി ധനുഷ്ക്കോടി ദേശീയപാതയിൽ വഴിയാത്രികൻ കാറിടിച്ചു മരിച്ചു. റിട്ട. പോസ്റ്റ്മാസ്റ്റർ കോഴിപ്പിള്ളി നിരപ്പേൽ അഗസ്‌റ്റിൻ ജോർജ് (73) ആണ് മരിച്ചത്. നഗരത്തിൽ സെൻ്റ് ജോർജ് സ്‌കൂളിന് സമീപം ഞായറാഴ്ച്ച രാവിലെ പള്ളിയിൽ പോയി മടങ്ങവേ റോഡ് മുറിച്ച് കടക്കുമ്പോഴായിരുന്നു അപകടം.

ഭാര്യ: ടി.പി. അൽഫോൻസ (റിട്ട. അധ്യാപിക) കോതമംഗലം തയ്യിൽ കുടുംബാംഗം, മക്കൾ: പ്രശാന്ത് (സെക്‌ഷൻ ഓഫിസർ,കേരള കാർഷിക സർവകലാശാല തൃശൂർ), പോൾ (സോഫ്റ്റ്‌വെയർ എൻജിനീയർ, യു.എസ്), മായ (സോഫ്റ്റ്‌വെയർ എൻജിനീയർ, കാനഡ). മരുമക്കൾ: സംഗീത ജോർജ് (ക്ലാർക്ക്, ഫെഡറൽ ബാങ്ക് തൃശൂർ), ഷീന ജോസഫ് (സോഫ്റ്റ്‌വെയർ എൻജിനീയർ, യു.എസ്), അജിത് ജോജി (സോഫ്റ്റ്‌വെയർ എൻജിനീയർ, കാനഡ). സംസ്കാരം ചൊവ്വാഴ്ച്ച വൈകിട്ട് നാലിന് സെൻ്റ് ജോർജ് കത്തീഡ്രലിൽ.