പുന്നപ്രയിൽ ഗ്യാസ് ലോറിയും ബൈക്കും കൂട്ടിയിടിച്ച് യുവാക്കൾക്ക് ദാരുണാന്ത്യം

ആലപ്പുഴ: ദേശീയപാതയിൽ പുന്നപ്ര ഭാഗത്ത് ഗ്യാസ് ലോറിയും ബൈക്കും കൂട്ടിയിടിച്ച് ബൈക്ക് യാത്രികരായ രണ്ടു യുവാക്കൾക്ക് ദാരുണാന്ത്യം. അമ്പലപ്പുഴ സ്വദേശികളായ അഭിജിത്ത് (21), അനന്ദു (21) എന്നിവരാണ് മരിച്ചത്. ഇവരോടൊപ്പം ഗുരുതരമായി പരിക്കേറ്റ സുധീഷിനെ (21) ആലപ്പുഴ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.

പുലർച്ചെ ഒന്നോടെ ദേശീയപാതയിൽ പുന്നപ്ര കെ.എസ്.ഇ.ബി സബ് സ്റ്റേഷന് സമീപത്തായിരുന്നു അപകടം. ബൈക്ക് ലോറിക്കടിയിലേക്ക് കയറിപ്പോയി. ലോറി അമിതവേഗത്തിലായിരുന്നുവെന്നാണ് വിവരം. ബൈക്കില്‍ മൂന്നുപേരായിരുന്നു ഉണ്ടായിരുന്നത്.