അ​മ്പ​ല​പ്പു​ഴ ഉണർന്നത് നാലുപേരുടെ ദാരുണാന്ത്യ വാർത്ത കേട്ട്; കാ​റു​മാ​യി ലോറി നീ​ങ്ങി​യത് 25 മീ​റ്റ​റോ​ളം

അ​മ്പ​ല​പ്പു​ഴ(​ആ​ല​പ്പു​ഴ): ബുധനാഴ്ച അമ്പലപ്പുഴ ഉണർന്നത് നാലുജീവനുകൾ പൊലിഞ്ഞ ദാരുണാപകടത്തിന്റെ വാർത്ത കേട്ട്. വി​മാ​ന​ത്താ​വ​ള​ത്തി​ലേ​ക്ക്​​ പോ​കു​ക​യാ​യി​രു​ന്ന സം​ഘം സ​ഞ്ച​രി​ച്ച കാ​റും അ​രി ക​യ​റ്റി​വ​ന്ന ലോ​റി​യും ദേ​ശീ​യ​പാ​ത 66ല്‍ ​അ​മ്പ​ല​പ്പു​ഴ പാ​യ​ല്‍ക്കു​ള​ങ്ങ​ര ക്ഷേ​ത്ര​ത്തി​നു സ​മീ​പം കൂ​ട്ടി​യി​ടി​ച്ച് കു​ട്ടി​യു​ള്‍പ്പെ​ടെ നാ​ലു​പേ​രാണ് മരിച്ചത്.

ഖ​ത്ത​റി​ല്‍ ന​ഴ്സി​ങ് അ​സി​സ്റ്റ​ന്‍റാ​യി ജോ​ലി കി​ട്ടി​യ തി​രു​വ​ന​ന്ത​പു​രം പ​രു​ത്തി​ക്കു​ഴി കു​ന്നി​ല്‍വീ​ട്ടി​ല്‍ ശ​ശി-​സ​ര​സ്വ​തി ദ​മ്പ​തി​ക​ളു​ടെ മകൾ ഷൈ​നി(32)​യെ വി​മാ​ന​ത്താ​വ​ള​ത്തി​ല്‍ കൊ​ണ്ടു​വി​ടാ​ന്‍ കു​ടും​ബാം​ഗ​ങ്ങ​ൾ പോ​കു​ന്ന​തി​നി​ടെ ആ​യി​രു​ന്നു അ​പ​ക​ടം.

ഷൈ​നി​യുടെ സഹോദരൻ ഷൈ​ജു (34), ഷൈ​നി​യു​ടെ ഭ​ര്‍ത്താ​വ് നെ​ടു​മ​ങ്ങാ​ട് നെ​ട്ടൂ​ര്‍കോ​ണം അ​നീ​ഷ് ഭ​വ​ന​ത്തി​ല്‍ പ​രേ​ത​രാ​യ ശി​വ​ന്‍-​ര​മ ദ​മ്പ​തി​ക​ളു​ടെ മ​ക​ന്‍ സു​ധീ​ഷ് ലാ​ല്‍ (36), മ​ക​ന്‍ നി​ര​ഞ്ജ​ന്‍ (13), സു​ധീ​ഷ്​​ലാ​ലി​ന്‍റെ പി​തൃ​സ​ഹോ​ദ​ര പു​ത്ര​ന്‍ കാ​ര്‍ ഡ്രൈ​വ​ര്‍ പ​രു​ത്തി​ക്കാ​ട് ന​ന്ദ​നം വീ​ട്ടി​ല്‍ ജ​യ​കു​മാ​ര്‍-​സ​തി​കു​മാ​രി ദ​മ്പ​തി​ക​ളു​ടെ മ​ക​ന്‍ അ​ഭി​രാ​ജ് (29) എ​ന്നി​വ​രാ​ണ് മ​രി​ച്ച​ത്.

ഗു​രു​ത​ര​ പ​രി​ക്കേ​റ്റ ഷൈ​നി​യെ ആ​ല​പ്പു​ഴ മെ​ഡി​ക്ക​ൽ കോ​ള​ജി​ലും തു​ട​ർ​ന്ന് എ​റ​ണാ​കു​ള​ത്തെ സ്വ​കാ​ര്യ ആ​ശു​പ​ത്രി തീ​വ്ര​പ​രി​ച​ര​ണ വി​ഭാ​ഗ​ത്തി​ലും പ്ര​വേ​ശി​പ്പി​ച്ചു. ബു​ധ​നാ​ഴ്ച പു​ല​ർ​ച്ച അ​ഞ്ചോ​ടെ​യാ​ണ്​ അ​പ​ക​ടം. കാ​ർ ഡ്രൈ​വ​ർ ഉ​റ​ങ്ങി​യ​താ​കാം അ​പ​ക​ട​കാ​ര​ണ​മെ​ന്നാ​ണ്​ പ്രാ​ഥ​മി​ക നി​ഗ​മ​നം.

എ​റ​ണാ​കു​ള​ത്തു​നി​ന്ന്​ അ​രി​യു​മാ​യി​പ്പോ​യ ലോ​റി​യും തി​രു​വ​ന​ന്ത​പു​ര​ത്തു​നി​ന്ന്​ നെ​ടു​മ്പാ​ശ്ശേ​രി​യി​ലേ​ക്ക് പോ​കു​ക​യാ​യി​രു​ന്ന കാ​റു​മാ​ണ്​ കൂ​ട്ടി​യി​ടി​ച്ച​ത്. ഇ​ടി​യു​ടെ ആ​ഘാ​ത​ത്തി​ല്‍ കാ​ർ ലോ​റി​ക്ക​ടി​യി​ല്‍ കു​രു​ങ്ങി. നി​യ​ന്ത്ര​ണം തെ​റ്റി 25 മീ​റ്റ​റോ​ളം കാ​റു​മാ​യി നീ​ങ്ങി​യ ലോ​റി ദേ​ശീ​യ​പാ​ത​യോ​ര​ത്തെ ക​ട​യി​ലേ​ക്ക് ഇ​ടി​ച്ചു​ക​യ​റി​യാ​ണ്​ നി​ന്ന​ത്. ലോ​റി​യു​ടെ ഇ​ട​തു ഭാ​ഗ​ത്തെ മു​ൻ​ച​ക്രം ത​ക​ര്‍ന്നു. ത​ക​ർ​ന്ന കാ​റി​ൽ​നി​ന്ന്​ യാ​ത്ര​ക്കാ​രെ പു​റ​ത്തെ​ടു​ക്കാ​ൻ വ​ള​രെ ബു​ദ്ധി​മു​ട്ടി.

വി​വ​ര​മ​റി​ഞ്ഞ് പ്ര​ദേ​ശ​വാ​സി​ക​ളാ​യ യു​വാ​ക്ക​ളും അ​മ്പ​ല​പ്പു​ഴ പൊ​ലീ​സും ത​ക​ഴി​യി​ല്‍നി​ന്ന്​ അ​ഗ്​​നി​ര​ക്ഷാ​സേ​ന​യു​മെ​ത്തി. ലോ​റി​യി​ലു​ണ്ടാ​യി​രു​ന്ന​വ​ര്‍ക്ക് നി​സ്സാ​ര പ​രി​ക്കു​ണ്ട്.