പരപ്പനങ്ങാടിയിൽ ഓട്ടോറിക്ഷയും ബസും കൂട്ടിയിടിച്ച് ഓട്ടോ ഡ്രൈവർ മരിച്ചു

പരപ്പനങ്ങാടി: ഓട്ടോറിക്ഷയും സ്വകാര്യ ബസും കൂട്ടിയിടിച്ചുണ്ടായ അപകടത്തിൽ ഓട്ടോ ഡ്രൈവർ മരിച്ചു. ചെട്ടിപ്പടി മൊടുവിങ്ങൽ സ്വദേശി കളത്തിങ്ങൽ ബീരാൻകുട്ടി (52) യാണ് മരിച്ചത്. ഞായറാഴ്ച വൈകീട്ട് 5.15ന് കൊടക്കാട് ആലിൻചുവടിനടുത്ത് ചെള്ളിവളവിലാണ് അപകടം.

സാരമായ പരിക്കേറ്റ ബീരാൻകുട്ടിയെ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും മരിച്ചു. പിതാവ്: മൊയ്തീൻ. മാതാവ്: ബീക്കുട്ടി. ഭാര്യ: നജ്മുന്നീസ. മക്കൾ: ഷറഫുദ്ധീൻ (മസ്കത്ത് ), ഷംസു, ഷംസിയ. മരുമകൻ:ഷരീഫ് (പുത്തനത്താണി). ഖബറടക്കം തിങ്കളാഴ്ച ആനപ്പടി ജുമാമസ്ജിദ് ഖബർസ്ഥാനിൽ.