ടാങ്കർലോറിയുടെ പുറകിലിടിച്ച് ബൈക്ക് യാത്രികന് ദാരുണാന്ത്യം

ചാവക്കാട്: ദേശീയപാതയിൽ ടാങ്കർലോറിയുടെ പുറകിലിടിച്ച് ബൈക്ക് യാത്രികനായ യുവാവ് മരിച്ചു. വാടാനപ്പള്ളി ചിലങ്ക ബീച്ച് സ്വദേശി നിഖിൽ ആണ് മരിച്ചത്. ഒപ്പമുണ്ടായിരുന്ന വാടാനപ്പള്ളി മാമ്പുള്ളി വീട്ടിൽ ഷിനാസിന് പരിക്കേറ്റു. തിങ്കളാഴ്ച്ച പുലർച്ചെ 2.45ഓടെ ചാവക്കാട്-പൊന്നാനി റൂട്ടിൽ മന്ദലാംകുന്ന് കിണർ സെന്റനു സമീപമാണ് അപകടമുണ്ടായത്.

പരിക്കേറ്റവരെ പാപ്പാളി കമലാ സുരയ്യ ആംബുലൻസ് പ്രവർത്തകരും വെളിയങ്കോട് അൽഫാസ ആംബുലൻസ് പ്രവർത്തകരും ചേർന്ന് ചാവക്കാട് ഹയാത്ത് ആശുപത്രിയിലെത്തിച്ചെങ്കിലും നിഖിൽ മരിച്ചു.