ബൈക്കിൽ കാറിടിച്ച്​ ഡി.വൈ.എഫ്​.ഐ പ്രാദേശികനേതാവ്​ മരിച്ചു

ചേർത്തല: പട്ടണക്കാട്​ ബൈക്കിൽ കാറിടിച്ച് യുവാവ് മരിച്ചു. ഒപ്പമുണ്ടായിരുന്ന സഹോദരന്​ പരിക്ക്​. ബൈക്ക് യാത്രക്കാരൻ കായംകുളം കരീലക്കുളങ്ങര ഡിവൈ.എഫ്​.ഐ മേഖല കമ്മിറ്റി അംഗം അരിവണ്ണൂർ സുരേഷിന്റെ മകൻ ജഗത്(22) ആണ് മരിച്ചത്. ശനിയാഴ്ച പുലർച്ച രണ്ടിന്​ പട്ടണക്കാട് ക്ഷേത്രത്തിന് സമീപമായിരുന്നു സംഭവം.

ഇവർ സഞ്ചരിച്ചിരുന്ന ബൈക്കിൽ കാറിടിക്കുകയായിരുന്നു. ബൈക്ക്​ ഓടിച്ച ജഗത്​ സംഭവസ്ഥലത്തുതന്നെ മരിച്ചു. പരിക്കേറ്റ സഹോദരൻ ഋഷിദേവിനെ (16) വണ്ടാനം മെഡിക്കൽകോളജ്​ ആശുപത്രിയിൽ പ്രവേശിപ്പിച്ചു.