മത്സ്യബന്ധനത്തിനിടെ അച്ഛനും മകളും പുഴയിൽ മുങ്ങി മരിച്ചു

പറവൂർ: മത്സ്യബന്ധനത്തിനിടെ അച്ഛനും മകളും പുഴയിൽ മുങ്ങിമരിച്ചു. മത്സ്യത്തൊഴിലാളിയായ ഏഴിക്കര കടക്കര നോർത്ത് കൊഴിപ്രം വീട്ടിൽ ബാബു (50), മകൾ നിമ്യ (16) എന്നിവരാണ് ശനിയാഴ്ച രാത്രി വീരൻപുഴയിൽ മുങ്ങിമരിച്ചത്. രാത്രി 9.30യോടെയാണ് ബാബുവും മകളും ചെറുവഞ്ചിയിൽ മത്സ്യബന്ധനത്തിനിറങ്ങിയത്. 10.30ഓടെ പുഴയിൽനിന്ന്​ നിമ്മ്യയുടെ കരച്ചിൽ കേട്ട നാട്ടുകാരാണ് സംഭവം ആദ്യം അറിഞ്ഞത്. പൊലീസും ഫയർഫോഴ്സും എത്തുന്നതിന് മുമ്പുതന്നെ രണ്ട് പേരെയും നാട്ടുകാർ കണ്ടെത്തി ആശുപത്രിയിലെത്തിച്ചെങ്കിലും മരിച്ചു.

കടമക്കുടി ഗവ. വൊക്കേഷണൽ എച്ച്.എസ്.എസിലെ പ്ലസ് വൺ വിദ്യാർഥിയാണ് നിമ്യ. വിനീതയാണ് ബാബുവിന്‍റെ ഭാര്യ. മകൻ: മിഥുൻ.