ഇരിങ്ങലിൽ കാറും ലോറിയും കൂട്ടിയിടിച്ച് വടകര സ്വദേശി മരിച്ചു; രണ്ട് പേർക്ക് പരിക്ക്

കോഴിക്കോട്: ദേശീയപാതയിൽ വടകരക്ക് സമീപം ഇരിങ്ങലിൽ കാറും ലോറിയും കൂട്ടിയിടിച്ച് ഒരു മരണം. അപകടത്തിൽ രണ്ട് പേർക്ക് പരിക്കേറ്റു. വടകര സ്വദേശി ആര്‍.ടി. ശ്രീനാഥ് (34) ആണ് മരിച്ചത്. കാറിലുണ്ടായിരുന്ന ഭാര്യ അവന്യക്ക് കൈക്ക് പരിക്കുണ്ട്. ഇവരുടെ കൂടെയുള്ള രണ്ട് വയസ്സുള്ള മകന്‍ പരിക്കില്ലാതെ രക്ഷപ്പെട്ടു. മങ്ങൂൽ പാറയ്ക്ക് സമീപം ഞായറാഴ്ച രാവിലെ 6.30നാണ് അപകടം.

വടകര ഭാ​ഗത്തേക്ക് പോവുകയായിരുന്ന കാറും കോഴിക്കോടേക്ക് പോവുകയായിരുന്ന ലോറിയുമാണ് കൂട്ടിയിടിച്ചത്. അപകടത്തിൽ പരിക്കേറ്റവരെ വടകരയിലെ സ്വകാര്യ ആശുപത്രിയിൽ പ്രവേശിപ്പിച്ചിരുന്നെങ്കിലും ശ്രീനാഥ് മരിക്കുകയായിരുന്നു. അപകടത്തിൽ കാറിന്റെ മുൻഭാ​ഗം പൂർണ്ണമായി തകർന്നു.

വടകരയിലെ സ്വകാര്യ പണമിടപാട് സ്ഥാപനത്തിലെ ജീവനക്കാരനാണ് ശ്രീനാഥ്.