മരച്ചില്ല വെട്ടുന്നതിനിടെ കെ.എസ്​.ഇ.ബി തൊഴിലാളി ഷോക്കേറ്റ്​ മരിച്ചു

എരുമപ്പെട്ടി (തൃശൂർ): വൈദ്യുതി വകുപ്പിലെ കരാർ തൊഴിലാളി വൈദ്യുതാഘാതമേറ്റ് മരിച്ചു. പഴയന്നൂർ എളനാട് സ്വദേശി ശ്രീജിത്താണ് (27) മരിച്ചത്. തിങ്കളാഴ്ച രാവിലെ പത്തരയോടെയാണ് സംഭവം.

എരുമപ്പെട്ടി ഉമിക്കുന്ന് കോളനിയിൽ ഇരുമ്പ് തോട്ടി ഉപയോഗിച്ച് തടസ്സങ്ങൾ വെട്ടിമാറ്റുന്നതിനിടെയാണ് അപകടമുണ്ടായത്. ഷോക്കേറ്റ് തെറിച്ചുവീണ ഉടൻ മരണപ്പെട്ടു. ലൈൻ ഓഫ് ചെയ്യാതെ തടസ്സം വെട്ടിമാറ്റിയതാണ് അപകട കാരണം.