ഇരിട്ടിയിൽ റോഡ് മുറിച്ചുകടക്കവേ വാഹനമിടിച്ച് രണ്ടുപേർ മരിച്ചു
text_fieldsഅപകടം ഉളിയിലും പെരുമ്പറമ്പിലും
ഇരിട്ടി: ഇരിട്ടിയിൽ ചൊവ്വാഴ്ച രാവിലെയുണ്ടായ വ്യത്യസ്ത വാഹനാപകടങ്ങളിൽ രണ്ടുപേർ മരിച്ചു. റോഡ് മുറിച്ചുകടക്കവേ വാഹനമിടിച്ചാണ് അപകടം. തില്ലങ്കേരി തെക്കംപൊയിലിൽ വാടകവീട്ടിൽ താമസിക്കുന്ന നാദാപുരം വിലങ്ങാട് സ്വദേശിനി സുമ (50) ഉളിയിൽ ടൗണിന് സമീപവും പെരുമ്പറമ്പ് മാവുള്ളകരിയിലെ കെ.വി. കുഞ്ഞിക്കണ്ണൻ (75) പെരുമ്പറമ്പ് സ്കൂളിന് സമീപവുമാണ് അപകടത്തിൽപെട്ടത്. സുമ ഇരിട്ടി ടൗണിലെ ഹോട്ടൽ തൊഴിലാളിയാണ്. രാവിലെ 8.30ഓടെ ഹോട്ടലിലേക്ക് വരുന്നതിനിടെയായിരുന്നു ദാരുണാന്ത്യം. ഭർത്താവ്: ബാബു (കാർപന്റർ). മക്കൾ: അഖിൽ, ആതിര. സഹോദരങ്ങൾ: റജി, ഓമന, സുധ. ഇരിട്ടി-തളിപ്പറമ്പ് പാതയിൽ രാവിലെ 11.30ഓടെ പെരുമ്പറമ്പ് സ്കൂളിന് സമീപം റോഡ് മുറിച്ചുകടക്കുമ്പോഴാണ് കുഞ്ഞിക്കണ്ണനെ വാഹനമിടിച്ചത്. പിക്അപ്പിനെ ഓട്ടോറിക്ഷ ഇടിച്ചു തെറിപ്പിക്കുകയായിരുന്നു. നളിനിയാണ് കുഞ്ഞിക്കണ്ണന്റെ ഭാര്യ. മക്കൾ: ഷാജി, ഷിജു. മരുമക്കൾ: പവിത്രൻ, ബിനിത, ഷീന.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.