അപാർട്ട്മെന്റി​െൻറ 14ാം നിലയിൽ നിന്ന് വീണ് യുവാവ് മരിച്ചു

മംഗളൂരു:അപാർട്ട്മെന്റിന്റെ 14-ാം നിലയിൽ നിന്ന് വീണ് യുവാവ് മരിച്ചു. കദ്രി പ്ലാനറ്റ് എസ്‌.കെ.എസ് റെസിഡൻഷ്യൽ കോംപ്ലക്സിലെ അപാർട്മെന്റിൽ താമസിക്കുന്ന അബ്ദുൽ സലീമിന്റെ മകൻ മുഹമ്മദ് ശമാൽ (21) ആണ് മരിച്ചത്.

വ്യാഴാഴ്ച പുലർച്ചെയാണ് സംഭവം. റമദാൻ വ്രതത്തിനായി അത്താഴം കഴിച്ച ശേഷം ശമാൽ ബാൽകണിയിലേക്ക് വന്നിരുന്നതായും ഇതിനിടയിൽ അബദ്ധത്തിൽ താഴേക്ക് വീഴുകയുമായിരുന്നുവെന്ന് ബന്ധുക്കൾ പറഞ്ഞു. മൃതദേഹം എജെ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.