ടോറസ് ലോറിയുമായി കൂട്ടിയിടിച്ച ബൈക്കിലെ യാത്രക്കാരൻ മരിച്ചു; തിരിച്ചറിഞ്ഞത്​ ഏറെ കഴിഞ്ഞ്​

ചാലക്കുടി: കൊരട്ടിയിൽ ബൈക്കും ടോറസ് ലോറിയും കൂട്ടിയിടിച്ച് ബൈക്ക്​ യാത്രികൻ മരിച്ചു. വടകര ചെമ്മാരത്ത് വീട്ടിൽ ഗോപാലൻ്റെ മകൻ സുരേഷ് ബാബു (61) ആണ് മരിച്ചത്.

കൊരട്ടി ദേശീയപാതയിൽ കെ.എസ്.ഇ.ബി ഓഫീസിന് സമീപം വ്യാഴാഴ്ച വൈകിട്ട് 5 മണിയോടെ യാണ് അപകടം. ബൈക്ക് അങ്കമാലി ഭാഗത്ത് നിന്ന് വരികയായിരുന്നു. ഇദ്ദേഹം ഒരു കളക്ഷൻ ഏജൻറായി ജോലി ചെയ്തു വരികയാണ്. ജോലിക്കിടെയുള്ള യാത്രയിലാണ് അപകടം. ഒല്ലൂരിലാണ് താമസം. മരിച്ച് ഏറെ കഴിഞ്ഞാണ് തിരിച്ചറിഞ്ഞത്.