ബസ് കാത്തു നിന്ന വയോധിക സ്വകാര്യ ബസിടിച്ച് മരിച്ചു

ആലുവ: ബസ് സ്റ്റോപ്പിൽ ബസ് കാത്തു നിന്ന വയോധിക സ്വകാര്യ ബസിടിച്ച് മരിച്ചു. നെടുമ്പാശേരി മേയ്ക്കാട് കല്ലുവെട്ടി പറമ്പിൽ മുഹമ്മദിന്റെ ഭാര്യ അലീമയാണ് (65) മരിച്ചത്. ആലുവ ജില്ല ആശുപത്രിയിൽ നിന്നും വീട്ടിലേക്ക് മടങ്ങുന്നതിന് ആശുപത്രി സ്‌റ്റോപ്പിൽ നിൽക്കുമ്പോഴാണ് ചൊവ്വാഴ്ച്ച രാവിലെ അപകടമുണ്ടായത്.

ഫോർട്ടു കൊച്ചിക്ക് പോകുകയായിരുന്ന സിറ്റി ബസാണ് ഇടിച്ചത്. ഉടൻ ജില്ല ആശുപത്രിയിലും തുടർന്ന് മെഡിക്കൽ കോളജിലും എത്തിച്ചുവെങ്കിലും ജീവൻ രക്ഷിക്കാനായില്ല.